ଭୁବନେଶ୍ବର: ବାତ୍ୟା ଫେଙ୍ଗାଲ(Fengal) ପ୍ରଭାବରେ ଲଘୁଚାପ କ୍ଷେତ୍ର ଉତ୍ତର କେନ୍ଦ୍ରୀୟ ତାମିଲନାଡୁ ଓ ତତ୍ ସଲଗ୍ନ ଦକ୍ଷିଣ କେନ୍ଦ୍ରୀୟ କର୍ଣ୍ଣାଟକରେ ଥିବା ବେଳେ ଏହା ପଶ୍ଚିମ ଉତ୍ତର-ପଶ୍ଚିମ ଦିଗକୁ ଗତି କରି ଉପକୂଳ କର୍ଣ୍ଣାଟକ ଓ ତତ୍ ସଲଗ୍ମ ପୂର୍ବ କାନ୍ଦ୍ରୀୟ ଆରବ ସାଗରରେ ୱେଲମାର୍କ ଲୋ-ପ୍ରେସରରେ ପରିଣତ ହୋଇଛି । ଆଗାମୀ ୨ ଦିନ ମଧ୍ୟରେ ଏହା ପଶ୍ଚିମ ଉତ୍ତର-ପଶ୍ଚିମ ଦିଗରେ ଗତି କରି ପୂର୍ବ କାନ୍ଦ୍ରୀୟ ଆରବ ସାଗରରେ ସ୍ଥିର ହେବ ।
ୱେଲମାର୍କ ଲୋ-ପ୍ରେସରେ ପ୍ରଭାବରେ କେରଳ, ଉପକୂଳ କର୍ଣ୍ଣାଟକ ସହ ତାମିଲନାଡୁରେ ପ୍ରବଳରୁ ଅତି ପ୍ରବଳ ବର୍ଷା ଲାଗି ରହିଛି । ସେପଟେ ଓଡ଼ିଶାରେ ମଧ୍ୟ ଆହୁରି ୪ ଦିନ ବିକ୍ଷିପ୍ତ ବର୍ଷା ଲାଗି ରହିବ ବୋଲି ଆକଳନ କରିଛି ଭାରତୀୟ ପାଣିପାଗ ବିଭାଗ-IMD ।
ରାଜ୍ୟ ପାଇଁ ପାଣିପାଗ ପୂର୍ବାନୁମାନ ଏବଂ ଚେତାବନୀ |
— Meteorological Centre, Bhubaneswar (@mcbbsr) December 3, 2024
ତା. ୦୩/୧୨/୨୦୨୪ ରେ ଚିନ୍ହିତ ଜିଲ୍ଲାଗୁଡ଼ିକରେ ଗୋଟିଏ ରୁ ଦୁଇଟି ସ୍ଥାନରେ ହାଲୁକା ରୁ ମଧ୍ୟମ ଧରଣର ବର୍ଷା ହେବାର ସାମ୍ବାବନା ଅଛି |
ତା. ୦୪/୧୨/୨୦୨୪ ରୁ ୦୬/୧୨/୨୦୨୪ ପର୍ଯ୍ୟନ୍ତ ଚିନ୍ହିତ ଜିଲ୍ଲାଗୁଡ଼ିକରେ ଗୋଟିଏ ରୁ ଦୁଇଟି ସ୍ଥାନରେ ହାଲୁକା ବର୍ଷା ହେବାର ସାମ୍ବାବନା ଅଛି |
ଆହୁରି ୪ ଦିନ ବର୍ଷା:
ସାରା ରାଜ୍ୟରେ କୋହଲା ପାଗ ସହ ଝିପି ଝିପି ବର୍ଷା ଲାଗି ରହିଛି । ଆଜି ଉପକୂଳ ଓଡ଼ିଶା ସମେତ ଦକ୍ଷିଣ ଓଡ଼ିଶାର ଅଧିକାଂଶ ଜିଲ୍ଲାରେ ଏଭଳି ପାଗ ଅନୁଭୂତ ହୋଇଛି । ବଙ୍ଗୋପସାଗରରେ ସୃଷ୍ଟି ହୋଇଥିବା ବାତ୍ୟାର ଫେଙ୍ଗାଲ ପ୍ରଭାବରେ ପାଗ କୋହଲା ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର କହିଛି । ଗତ କିଛିଦିନ ଧରି ରାଜ୍ୟରେ ହାଲୁକାରୁ ମଧ୍ୟମ ଧରଣର ବର୍ଷା ଲାଗି ରହିଥିବା ବେଳେ ଆହୁରି ୪ ଦିନ ଅର୍ଥାତ ଆଗାମୀ ୬ ତାରିଖ ଯାଏଁ ଏଭଳି ପାଗ ଲାଗି ରହିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ଆଗାମୀ ୨୪ ଘଣ୍ଟା ପାଇଁ ୯ ଜିଲ୍ଲା, ଆସନ୍ତାକାଲି ପାଇଁ ୫ ଜିଲ୍ଲା, ୫ ତାରିଖ ପାଇଁ ୬ ଜିଲ୍ଲା ଓ ୬ ତାରିଖ ପାଇଁ ୪ ଜିଲ୍ଲାକୁ ବର୍ଷା ଆଲର୍ଟ ଜାରି କରାଯାଇଛି ।
ରାଜ୍ୟ ପାଇଁ ପାଣିପାଗ ପୂର୍ବାନୁମାନ ଏବଂ ଚେତାବନୀ |
— Meteorological Centre, Bhubaneswar (@mcbbsr) December 3, 2024
ତା. ୦୩/୧୨/୨୦୨୪ ରେ ଚିନ୍ହିତ ଜିଲ୍ଲାଗୁଡ଼ିକରେ ଗୋଟିଏ ରୁ ଦୁଇଟି ସ୍ଥାନରେ ହାଲୁକା ରୁ ମଧ୍ୟମ ଧରଣର ବର୍ଷା ହେବାର ସାମ୍ବାବନା ଅଛି |
ତା. ୦୪/୧୨/୨୦୨୪ ରୁ ୦୬/୧୨/୨୦୨୪ ପର୍ଯ୍ୟନ୍ତ ଚିନ୍ହିତ ଜିଲ୍ଲାଗୁଡ଼ିକରେ ଗୋଟିଏ ରୁ ଦୁଇଟି ସ୍ଥାନରେ ହାଲୁକା ବର୍ଷା ହେବାର ସାମ୍ବାବନା ଅଛି |
ଏହା ମଧ୍ୟ ପଢ଼ନ୍ତୁ - ସୁଦୃଶ ଲଘୁଚାପ ପ୍ରଭାବରେ ଓଡ଼ିଶାରେ ଝିପିଝିପି ବର୍ଷା, କେରଳରେ ରେଡ ଆଲର୍ଟବଙ୍ଗୋପସାଗରରେ ତୀବ୍ର ହେଉଛି ଅବପାତ, ଓଡ଼ିଶାରେ ଆହୁରି ୩ ଦିନ ବର୍ଷା |
IMD ଆଲର୍ଟ
- ୨୪ ଘଣ୍ଟା ପାଇଁ ୯ ଜିଲ୍ଲାକୁ ଆଲର୍ଟ
- ଆସନ୍ତାକାଲି ପାଇଁ ୫ ଜିଲ୍ଲାକୁ ଆଲର୍ଟ
- ୫ ତାରିଖ ପାଇଁ ୬ ଜିଲ୍ଲାକୁ ଆଲର୍ଟ
- ୬ ତାରିଖ ପାଇଁ ୪ ଜିଲ୍ଲାକୁ ଆଲର୍ଟ
ଏସବୁ ଜିଲ୍ଲାକୁ ବର୍ଷା ଆଲର୍ଟ:
- ଆଗାମୀ ୨୪ ଘଣ୍ଟା ପାଇଁ ହାଲୁକାରୁ ମଧ୍ୟମ ଧରଣର ବର୍ଷା ପାଇଁ ୯ ଜିଲ୍ଲାକୁ ଆଲର୍ଟ ଜିରା କରାଯାଇଛି । ଏହି ଜିଲ୍ଲାଗୁଡ଼ିକ ହେଉଛି ମାଲକାନଗିରି, କୋରାପୁଟ, ରାୟଗଡ଼ା, କଳାହାଣ୍ଡି, ନବରଙ୍ଗପୁର, ଗଜପତି, ଗଞ୍ଜାମ, ପୁରୀ ଓ ଖୋର୍ଦ୍ଧା ।
- ଆସନ୍ତାକାଲି ଦକ୍ଷିଣ ଓଡ଼ିଶାର ୫ ଜିଲ୍ଲାରେ ବିକ୍ଷିପ୍ତ ଭାବେ ହାଲୁକାରୁ ମଧ୍ୟମ ବର୍ଷା । ସେସବୁ ଜିଲ୍ଲା ହେଉଛି ନବରଙ୍ଗପୁର, କଳାହାଣ୍ଡି, ମାଲକାନଗିରି, କୋରାପୁଟ ଓ ରାୟଗଡ଼ା ।
- ୫ ତାରିଖରେ ମାଲକାନଗିର, କୋରାପୁଟ, ରାୟଗଡ଼ା, ଗଜପତି, କଳାହାଣ୍ଡି ଓ କନ୍ଧମାଳରେ ବର୍ଷା ।
- ୬ ତାରିଖରେ ରାଜ୍ୟରେ ପାଗ କୋହଲା ରହିବା ସହ ଦକ୍ଷିଣ ଓଡ଼ିଶାର ୪ ଜିଲ୍ଲାରୁ ଆଲର୍ଟ କରାଯାଇଛି । ସେଗୁଡ଼ିକ ହେଲା ରାୟଗଡ଼ା, ଗଜପତି, କୋରାପୁଟ ଓ ମାଲକାନଗିରି ।
ଏହା ମଧ୍ୟ ପଢ଼ନ୍ତୁ...ଓଡ଼ିଶାରେ ଆହୁରି ୩ ଦିନ ବର୍ଷା, ୨୪ ଘଣ୍ଟାରେ ୧୩ ଜିଲ୍ଲାକୁ ଆଲର୍ଟ ଏହା ମଧ୍ୟ ପଢ଼ନ୍ତୁ...ଦୁର୍ବଳ ହେଉଛି ବାତ୍ୟା ଫେଙ୍ଗାଲ, ଆଗାମୀ ୨୪ ଘଣ୍ଟାରେ ୧୭ ଜିଲ୍ଲାରେ ବର୍ଷା |
ଆହୁରି ବଢ଼ିବ ଶୀତ:
ଆଞ୍ଚଳିକ ପାଣିପାଗ ବିଭାଗର ସୂଚନା ଅନୁସାରେ, ଆଗାମୀ ୩ ଦିନ ପାଇଁ ଓଡ଼ିଶାର ଜିଲ୍ଲାଗୁଡ଼ିକରେ ସର୍ବନିମ୍ନ ତାପମାତ୍ରାରେ କୌଣସି ବିଶେଷ ପରିବର୍ତ୍ତନ ହେବ ନାହିଁ । ଏହାପରେ ୨ ଦିନରେ ଜିଲ୍ଲାଗୁଡ଼ିକରେ ତାପମାତ୍ରା ୨ରୁ ୪ ଡିଗ୍ରୀ ହ୍ରାସ ପାଇବାର ସମ୍ଭାବନା ଥିବା ବେଳେ ରାଜ୍ୟରେ ଶୀତ ଆହୁରି ବଢ଼ିବ । ସେପଟେ ଗତ ୨୪ ଘଣ୍ଟା ମଧ୍ୟରେ ଅନେକ ସ୍ଥାନରେ ବର୍ଷା ହୋଇଥିବା ବେଳେ ମାଲକାନଗିରିର ପଡ଼ିଆରେ ସର୍ବାଧିକ ୫୦.୦୦ ମିମି ବର୍ଷା ରେକର୍ଡ କରାଯାଇଚି । ୨୪ ଜିଲ୍ଲାରେ ହାରାହାରି ୧.୦ ମିମି ବର୍ଷା ରେକର୍ଡ କରାଯାଇଛି । ସେହିପରି ମାଲଗାନଗିରିରେ ସର୍ବାଧିକ ୨୯.୬ ଡିଗ୍ରୀ ଓ ନୟାଗଡ଼ରେ ସର୍ବନିମ୍ନ ୧୩.୦ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
ଇଟିଭି ଭାରତ, ଭୁବନେଶ୍ବର
