ଭୁବନେଶ୍ବର: ଭାରତରେ ଚିହ୍ନଟ ହୋଇଛି ଦ୍ବିତୀୟ ମଙ୍କିପକ୍ସ ମାମଲା । ଭାରତ ସମେତ ବିଶ୍ଵର ବିଭିନ୍ନ ଦେଶରୁ ମଙ୍କିପକ୍ସ ମାମଲା ରିପୋର୍ଟ ହେଉଛି । ତେଣୁ ରୋଗର ସଂକ୍ରଣକୁ ନିୟନ୍ତ୍ରଣ କରିବା ପାଇଁ ପ୍ରସ୍ତୁତି ଏବଂ ପ୍ରତିକ୍ରିୟାକୁ ମଜବୁତ କରିବା ଅତ୍ୟନ୍ତ ଆବଶ୍ୟକ ରହିଛି । ଭାରତରେ ୨ଟି ରାଜ୍ୟରେ ଏ ପର୍ଯ୍ୟନ୍ତ ମଙ୍କିପକ୍ସର କିଛି ରିପୋର୍ଟ ହୋଇଛି । ମଙ୍କିପକ୍ସ ସଂକ୍ରମଣକୁ ରୋକିବା ପାଇଁ ଯଥେଷ୍ଟ ସତର୍କତା ଅବଲମ୍ବନ କରିବା ଆବଶ୍ୟକ ରହିଛି । ଗତ ୨୧ ଦିନ ମଧ୍ୟରେ ମଙ୍କିପକ୍ସ ପ୍ରଭାବିତ ଦେଶକୁ ଯାତ୍ରା କରିଥିବା ବ୍ୟକ୍ତିଙ୍କ ପାଇଁ ସଜାଗ ରହିବା ଜରୁରୀ । ଯେଉଁମାନଙ୍କର ଦେହରେ ଦାଗ ବା ଅନ୍ୟ ଚିହ୍ନ ଦେଖାଯିବା ସହ ଜ୍ଵର ଲାଗି ରହିବା ଆଦି ଲକ୍ଷଣ ଦେଖାଯାଉଛି ତୁରନ୍ତ ସ୍ୱାସ୍ଥ୍ୟ ବିଭାଗ ବା ନିକଟସ୍ଥ ଡାକ୍ତରଖାନାକୁ ଯିବାକୁ ପରାମର୍ଶ ଦେଇଛି ସ୍ୱାସ୍ଥ୍ୟ ବିଭାଗ । ଏହାସହ ଦେଶର ପ୍ରବେଶ ପଥ ଯେପରିକି, ବିମାନ ବନ୍ଦର ଓ ସାମୁଦ୍ରିକ ବନ୍ଦରକୁ ସତର୍କ ରହିବା ପାଇଁ ଜନସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
- ବିମାନବନ୍ଦର ଏବଂ ସାମୁଦ୍ରିକ ବନ୍ଦରରେ ଅନ୍ତର୍ଜାତୀୟ ଟ୍ରାଭେଲର୍ସ ହେଲ୍ଥ ଡେସ୍କ କିମ୍ବା ପ୍ରଭାବିତ ଦେଶରୁ ଆସୁଥିବା କ୍ରୁ କିମ୍ବା ଦେଶର ପ୍ରବେଶ ପଥ ଲ୍ୟାଣ୍ଡ ବର୍ଡର ଯାତ୍ରୀମାନଙ୍କୁ ଅଧିକ ସନ୍ଦେହଜନକ ଯାତ୍ରୀ ଭାବରେ ରଖାଯିବ । ଯେଉଁମାନଙ୍କୁ ଜ୍ୱର, ଦୁର୍ବଳତା ଅନୁଭବ କରୁଥିବେ, ଯେଉଁମାନେ ଗତ ୨୧ ଦିନ ମଧ୍ୟରେ ପ୍ରଭାବିତ ଦେଶକୁ ଯାତ୍ରା କରିଛନ୍ତି, ସେମାନଙ୍କ ଉପରେ ତୀକ୍ଷ୍ଣ ନଜର ରଖାଯିବ ।
- ଦେଶର ପ୍ରବେଶ ପଥରେ ଚିହ୍ନଟ ହୋଇଥିବା ସମସ୍ତ ସନ୍ଦିଗ୍ଧ ମାମଲା ତୁରନ୍ତ ଇଣ୍ଟିଗ୍ରେଟେଡ୍ ରୋଗ ସର୍ଭିଲାନ୍ସ ପ୍ରୋଗ୍ରାମର ରାଜ୍ୟ କିମ୍ବା ଜିଲ୍ଲା ସର୍ଭିଲାନ୍ସ ଅଫିସରଙ୍କ ସହ ଯୋଗାଯୋଗରେ ରହିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି ।
- ସନ୍ଦିଗ୍ଧ ମାମଲାଗୁଡିକ ପରିଚାଳନା କରିବା ସମୟରେ ସମସ୍ତ ସଂକ୍ରମଣ ନିୟନ୍ତ୍ରଣ ନିୟମାବଳୀକୁ ଅନୁସରଣ କରାଯିବ ।
ସଂକ୍ରମଣ ଚିହ୍ନଟ ହୋଇଥିବା ବ୍ୟକ୍ତିଙ୍କୁ ଆଇସୋଲେସନକୁ ପଠାଯିବ । ନିର୍ଦ୍ଦିଷ୍ଟ ଆମ୍ବୁଲାନ୍ସ ଯୋଗେ ରାଜ୍ୟ କିମ୍ବା ଜିଲ୍ଲା IDSP ଟିମ୍ ଦ୍ୱାରା ଡାକ୍ତରଖାନାକୁ ପଠାଯିବ ।
- ଚିହ୍ନଟ ବ୍ୟକ୍ତିଙ୍କ ଲାବୋରେଟୋରୀ ସାମ୍ପୁଲ ଭୁବନେଶ୍ବର ଏମ୍ସକୁ ପଠାଯିବ । Public Health (ETV Bharat Odisha)
- ଯଦି ଲାବୋରେଟୋରୀରୁ ସଂକ୍ରମଣ ନେଇ ରିପୋର୍ଟ ଆସେ, ତେବେ ରାଜ୍ୟ ଓ ଜିଲ୍ଲା IDSP ଟିମ୍କପ ଜଣାଯିବ ।
- ଯେକୌଣସି NCDC ହେଲ୍ପଲାଇନ ନମ୍ବର (+91) 011-23909348 ସହିତ ଯୋଗାଯୋଗ କରାଯାଇପାରିବ । ଇମିଗ୍ରେସନ୍ ଏବଂ ପୋଏ/ ଏୟାରଲାଇନ୍ସ ଅପରେଟରମାନଙ୍କର ଭୂମିକା ଅତି ଗୁରୂତ୍ଵପୂର୍ଣ୍ଣ ଅଟେ ବୋଲି ସ୍ୱାସ୍ଥ୍ୟ ବିଭାଗ ସତର୍କ କରାଇବା ସହ ନିର୍ଦ୍ଦେଶ ମଧ୍ୟ କରାଇଛି ।
ମଙ୍କିପକ୍ସ ଲକ୍ଷଣ:
ମଙ୍କିପକ୍ସକୁ ନେଇ ଲୋକେ ଅଧିକ ଭୟଭୀତ ନହୋଇ ସଚେତନ ରହିବା ଜରୁରୀ । ମଙ୍କିପକ୍ସ ରୋଗ ହଠାତ୍ ଜଣକ ଠାରୁ ଅନ୍ୟ ଜଣକୁ ବ୍ୟାପେ ନାହିଁ । ସଂକ୍ରମିତଙ୍କ ସଂସ୍ପର୍ଶରେ ଆସିଲେ ଏହା ବ୍ୟାପିଥାଏ । ମଙ୍କିପକ୍ସ ହେଲେ ଶରୀରରେ ନାଲି ଦାଗ, କାଶ, ଛିଙ୍କ, ଫୋଟକା ଭଳି ପ୍ରଥମେ ଲକ୍ଷଣ ଦେଖାଯାଏ । ଏହାପରେ ଫୋଟକା ଘା' ରୂପ ନେଇଥାଏ । ଘା' ମଧ୍ୟରୁ ବାହାରୁଥିବା ପାଣି ଅନ୍ୟ ଜଣେ ବ୍ୟକ୍ତିର ଦେହରେ ଲାଗିଲେ ଏହା ବ୍ୟାପିବାର ଅଧିକ ସମ୍ଭାବନା ଥାଏ । କିଛି ଲୋକଙ୍କ କ୍ଷେତ୍ରରେ ହାତ, ଗୋଡ଼, ମୁହଁ, ଗୁପ୍ତାଙ୍ଗରେ ଏହି ଘା' ହୋଇଥାଏ ।
- କାହା ପାଇଁ ଅଧିକ ବିପଦ:
ମଙ୍କିପକ୍ସରେ ଆକ୍ରାନ୍ତ ବ୍ୟକ୍ତି ଗୁରୁତର ମଧ୍ୟ ହୋଇପାରନ୍ତି । ବିଶେଷକରି ଛୋଟ ପିଲା, ଗର୍ଭବତୀ ମହିଳା ଏବଂ ଶରୀରର କମ୍ ରୋଗ ପ୍ରତିରୋଧକ ଶକ୍ତି ଥିବା ଲୋକଙ୍କଠାରେ ଏହା ଜଟିଳ ସ୍ବାସ୍ଥ୍ୟ ସମସ୍ୟା ସୃଷ୍ଟି କରିପାରେ । ଏଚଆଇଭି, ଯକୃତ ପ୍ରତିରୋପଣ କିମ୍ବା ଅନ୍ୟକୌଣସି ଅଙ୍ଗ ପ୍ରତିରୋପଣ କରିଥିବା ଲୋକଙ୍କ କ୍ଷେତ୍ରରେ ମଧ୍ୟ ଅଧିକ ଭୟ ଥାଏ । ମଙ୍କିପକ୍ସ ଆକ୍ରାନ୍ତ ଅଧିକ ଗୁରୁତର ହେଲେ, ନିମୋନିଆ, ବ୍ରେନ୍ ଓ ହାର୍ଟ ଉପରେ ପ୍ରଭାବ ପଡିପାରେ । ଆଖିର କର୍ଣ୍ଣିଆ ମଧ୍ୟ ପ୍ରଭାବିତ ହୋଇଥାଏ । ଫଳରେ ଦୃଷ୍ଟିଶକ୍ତି ହରାଇବାର ସମ୍ଭାବନା ଅଧିକ ରହିଥାଏ ।
| ଏହା ମଧ୍ୟ ପଢ଼ନ୍ତୁ...ଭାରତରେ ପଶିଲା ମଙ୍କିପକ୍ସ; ସ୍ବାସ୍ଥ୍ୟ ବିଶେଷଜ୍ଞ କହିଲେ-କାହା ପାଇଁ ଅଧିକ ବିପଦ, ଏଥିରୁ କେମିତି ପାଇବେ ରକ୍ଷା ? - Health Expert On Monkeypox |
କ'ଣ କରିବା ଆବଶ୍ୟକ:
ଏହା ମଧ୍ୟ ପଢନ୍ତୁ: ଭାରତରେ ଏଣ୍ଟ୍ରି ମାରିଲା ମଙ୍କିପକ୍ସ, ସନ୍ଦିଗ୍ଧଙ୍କ ରିପୋର୍ଟ ପଜିଟିଭମଙ୍କିପକ୍ସ ଭୟ: ଜଳ-ସ୍ଥଳ-ଆକାଶପଥକୁ ଆଲର୍ଟବଢୁଛି ଏମ-ପକ୍ସ ଆତଙ୍କ: ଭାରତ ପାଇଁ ସତର୍କ ଘଣ୍ଟି, କେମିତି ରହିବେ ସତର୍କ ? |
ଇଟିଭି ଭାରତ, ଭୁବନେଶ୍ବର
