ଭୁବନେଶ୍ବର: ରାଜ୍ୟରେ ଆହୁରି ୨ ଦିନ ଘନକୁହୁଡି ସ୍ଥିତି ଜାରି ରହିବ । ସାରା ରାଜ୍ୟରେ ଏବେ ଶୀତ ଜାରି ରହିଥିବା ବେଳେ ଆହୁରି ୨ ଦିନ ଏପରି ସ୍ଥିତି ଜାରି ରହିବ । ପରେ ତାପମାତ୍ରା ବଢିବା ସହ ଶୀତର ପ୍ରକୋପ କମିବ । ଆସନ୍ତା ୨ ଦିନ ମଧ୍ୟରେ ପ୍ରାୟ ୨ ରୁ ୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ପାଇବ । ବିଶେଷ ଭାବେ ଉପକୂଳ ସମେତ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ବୃଦ୍ଧି ପାଇବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।
- ୩ ଜିଲ୍ଲାକୁ ଘନକୁହୁଡି ଆଲର୍ଟ
ରାଜ୍ୟରେ ଏବେ ହାଲୁକା ଶୀତ ସହ କଲବଲ କରିବ ଘନ କୁହୁଡି । ଆଜି ଆଉ ଆସନ୍ତାକାଲି ଦୁଇଦିନ ଘନକୁହୁଡି ନେଇ ୩ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ବିଶେଷ କରି ସୁନ୍ଦରଗଡ, କୋରାପୁଟ ଓ କନ୍ଧମାଳରେ ଘନକୁହୁଡି ଅନୁଭୁତ ହେବ । ଆଜି କେନ୍ଦୁଝର, ଝାରସୁଗୁଡା, ଅନୁଗୋଳ, କଳାହାଣ୍ଡି ଓ ଢେଙ୍କାନାଳ ଜିଲ୍ଲାରେ ହାଲୁକାରୁ ମଧ୍ୟମ ଧରଣର କୁହୁଡି ନେଇ ସତର୍କତା ଜାରି କରାଯାଇଛି ।
ଆସନ୍ତାକାଲି ପାଇଁ ଏସବୁ ଜିଲ୍ଲାକୁ ୱାର୍ଣ୍ଣିଂ:
ସେହିପରି ଆସନ୍ତାକାଲି ଅନୁଗୋଳ, ଢେଙ୍କାନାଳ, କଳାହାଣ୍ଡି, ରାୟଗଡା ଓ ଝାରସୁଗୁଡାରେ ହାଲୁକା କୁହୁଡି ନେଇ ସତର୍କତା ଜାରି କରାଯାଇଛି । ସେହିପରି ୧୦ ତାରିଖରେ ସୁନ୍ଦରଗଡ, କୋରାପୁଟ, କଳାହାଣ୍ଡି, କନ୍ଧମାଳ, ଝାରସୁଗୁଡା, କେନ୍ଦୁଝର ,ଅନୁଗୋଳ, ସମ୍ବଲପୁର ଓ ଢେଙ୍କାନାଳରେ ହାଲୁକାରୁ ମଧ୍ୟମ ଧରଣର କୁହୁଡି ନେଇ ପାଣିପାଗ ବିଜ୍ଞାନ କେନ୍ଦ୍ରରୁ ସତର୍କତା ଜାରି କରାଯାଇଛି ।
ଏହାମଧ୍ୟ ପଢନ୍ତୁ... ଘନ କୁହୁଡି ସତର୍କତା: କମିବ ଶୀତ, ବଢିବ ତାପମାତ୍ରା - ODISHA WEATHER UPDATE ବଦଳିବ ପାଗର ମୁଡ: ବଢିବ ପାରଦ, କମିବ ଶୀତ |
- ଜି ଉଦୟଗିରିରେ ସର୍ବନିମ୍ନ ତାପମାତ୍ରା ରେକର୍ଡ
ସେପଟେ ଗତ ୨୪ ଘଣ୍ଟା ମଧ୍ୟରେ ସମତଳ ଅଞ୍ଚଳ ଭାବରେ ଝାରସୁଗୁଡା ସର୍ବନିମ୍ନ ୬.୦ ଡିଗ୍ରୀ ତାପମାତ୍ରା ରେକର୍ଡ ହୋଇଛି । ସେହିପରି ପାହାଡିଆ ଅଞ୍ଚଳ ଭାବରେ ଜି.ଉଦୟଗିରି ୫.୨ ଡିଗ୍ରୀ ତାପମାତ୍ରା ରେକର୍ଡ ହୋଇଛି । ଟୁଇନସିଟି କଟକରେ ୧୩.୫ ଡ଼ିଗ୍ରୀ ଏବଂ ଭୁବନେଶ୍ବର ୧୫.୧ ଲେଖାଏଁ ତାପମାତ୍ରା ରେକର୍ଡ ହୋଇଛି । ଦକ୍ଷିଣ ଓଡିଶାର କୋରାପୁଟ ଅତିଘନକୁହୁଡି ଦୃଶ୍ୟମାନ ହୋଇଥିବା ବେଳେ ଫୁଲବାଣୀରେ ମଧ୍ୟ ଘନକୁହୁଡି ଦୃଶ୍ୟମାନ ହୋଇଛି ।
ଇଟିଭି ଭାରତ, ଭୁବନେଶ୍ବର
