ଭୁବନେଶ୍ୱର: ଜୁଲାଇ ୨୦ ତାରିଖରେ ଭୁବେନଶ୍ବରରେ ଆୟୋଜିତ ହେବାକୁ ଯାଉଛି ଓଡିଶା କୁଇନର ଚତୁର୍ଥ ସଂସ୍କରଣ । ଆର ଆର ଇଭେଣ୍ଟ୍ସ ଦ୍ୱାରା ରେଳବାଇ ଅଡିଟୋରିୟମ ଠାରେ ଅନୁଷ୍ଠିତ ହେବାକୁ ଥିବା ଏହି ପ୍ରତିଯୋଗିତାରେ ମୁଖ୍ଯ ଆକର୍ଷଣ ସାଜିବେ ବଲିଉଡ଼ ଅଭିନେତ୍ରୀ ମଲାଇକା ଅରୋରା ।ପ୍ରତିଯୋଗିତାରେ ଓଡ଼ିଶାର କୋଣ ଅନୁକୋଣର ପ୍ରତିଯୋଗୀ ମାନେ ଯୋଗ ଦେଇପାରିବ । ଏଥିପାଇଁ ଓଡିଶାର ବିଭିନ୍ନ ସ୍ଥାନରେ ଖୁବଶୀଘ୍ର ଅଡିସନ ଆରମ୍ଭ ହୋଇଯିବ ।
ବିଭିନ୍ନ ପର୍ଯ୍ୟାୟରେ ପ୍ରତିଯୋଗିତା ହେବ, ପରେ ସର୍ବଶ୍ରେଷ୍ଠ ୨୦ ଜଣ ପ୍ରତିଯୋଗୀ ଫାଇନାଲରେ ପ୍ରବେଶ କରିବେ ଏବଂ ସେମାନଙ୍କ ମଧ୍ୟରୁ ଯିଏ ବିଜେତା ହେବେ ତାଙ୍କୁ ବଲିଉଡ ଅଭିନେତ୍ରୀ ମଲାଇକା ଅରୋରାଙ୍କ ହାତରେ ବିଜୟିନୀ ମୁକୁଟ ପିନ୍ଧାଇବେ। ଏଥି ସହିତ ଅନ୍ୟାନ୍ୟ ପ୍ରତିଭା ପର୍ଯ୍ୟାୟରେ ମଧ୍ୟ ଅନ୍ୟମାନଙ୍କୁ ପୁରସ୍କୃତ କରାଯିବ । ଏନେଇ ସାମ୍ବାଦିକ ସମ୍ମିଳନୀରେ ଆର ଆର ଇଭେଣ୍ଟ୍ସ ଆଣ୍ଡ ପ୍ରୋମସନର ଫାଉଣ୍ଡର ତଥା ଫିଲ୍ମ ପ୍ରଯୋଜକ ରମେଶ ବାରିକ କହିଛନ୍ତି । କ୍ରିଏଟିଭ ହେଡ଼ ଶ୍ୟାମା ପ୍ରସାଦ ମିଶ୍ର ,ଅଭିନେତ୍ରୀ ଅର୍ଚିତା ସାହୁ ,ଶୀତଲ ପାତ୍ର,ଅଭିନେତା ସୁବାଶିଷ ଶର୍ମା ବା ମଣ୍ଟୁ ପ୍ରମୁଖ ଏହି ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ ।
ସୂଚନା ଥାଉକି, ଆର ଆର ଇଭେଣ୍ଟ୍ସ ଆଣ୍ଡ ପ୍ରମୋସନ ଦ୍ୱାରା ଆୟୋଜିତ ଏହି ପ୍ରତିଯୋଗିତା ୨୦୧୯ ମସିହାରେ ଆରମ୍ଭ ହୋଇଥିଲା। କୋଭିଡ ପାଇଁ କିଛି ସମୟ ବିରତି ପରେ ୨୦୨୨ରେ ଦ୍ବିତୀୟ ସଂସ୍କରଣ ଓ ୨୦୨୩ ମସିହାରେ ତୃତୀୟ ସଂସ୍କରଣ ହୋଇଥିଲା । ପ୍ରଥମ ସଂସ୍କରଣରେ ଇଲ୍ଲିଆନା ଡି କୄଜ, ଦ୍ବିତୀୟ ସଂସ୍କରଣରେ ବଲିଉଡ ଅଭିନେତ୍ରୀ ଜରିନା ଖାନ, ତୃତୀୟ ସଂସ୍କରଣରେ ଅଭିନେତ୍ରୀ ଓ ମଡେଲ ମାନୁଷୀ ଚିଲ୍ଲର ଯୋଗ ଦେଇଥିଲେ।
ଇଟିଭି ଭାରତ, ଭୁବନେଶ୍ୱର
