ଭୁବନେଶ୍ବର: ବିଜେପି ରାଜ୍ୟ କାର୍ଯ୍ୟାଳୟରେ ନିର୍ବାଚନୀ ପରବର୍ତ୍ତୀ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଯୋଗ ଦେଇଛନ୍ତି କ୍ଷେତ୍ରୀୟ ପ୍ରଭାରୀ ସୁନିଲ ବଂଶଲ ଓ ରାଜ୍ୟ ନିର୍ବାଚନ ପ୍ରଭାରୀ ବିଜୟ ପାଲ ସିଂ ତୋମାର, ସହ-ପ୍ରଭାରୀ ଲତା ଉଷେଣ୍ଡି ଏବଂ ରାଜ୍ୟ ସଭାପତି ମନମୋହନ ସାମଲ । ରାଜ୍ୟରେ ବିଜେପି ଏକାକି ସରକାର ଗଠନ କଲା ପରେ ପ୍ରଥମ ଥର ପାଇଁ ଦଳର ସମୀକ୍ଷା ବୈଠକ ଅନୁଷ୍ଠିତ ହୋଇଛି ।
ପ୍ରଥମ ପର୍ଯାୟରେ ନିର୍ବାଚନୀ ପରିଚାଳନା କମିଟିର ସଦସ୍ୟଙ୍କ ସହିତ ନିର୍ବାଚନର ପୁଙ୍ଖାନୁପୁଙ୍ଖ ଆଲୋଚନା କରିଛନ୍ତି ଦଳର ନେତୃବୃନ୍ଦ । ନିର୍ବାଚନ ମ୍ୟାନେଜମେଣ୍ଟ ଉପରେ ବୈଠକରେ ଆଲୋଚନା । ବୈଠକରେ ନିର୍ବାଚନ ପରିଚାଳନା, ସାଙ୍ଗଠନିକ କାର୍ଯ୍ୟ ଓ ବିଜେପି ପରାଜୟ କରିଥିବା ସିଟ୍ ଗୁଡିକର ସମୀକ୍ଷା ହୋଇଥିବା ସୂଚନା । ପ୍ରଥମେ ପଦାଧିକାରୀ ବୈଠକ ପରେ ଅପରାହ୍ନରେ ବିଧାୟକ, ମନ୍ତ୍ରୀଙ୍କୁ ନେଇ ବୈଠକ ହୋଇଛି । ରାଜ୍ୟ ସଭାପତି ନିର୍ବାଚନ ଫଳାଫଳର କରିଛନ୍ତି ସମୀକ୍ଷା । ତେବେ ହାରଜିତର ହୋଇଛି କାରଣ ଖୋଜା ।
ଏହାସହ ଶାସକ ଦଳ ହିସାବରେ ଆଗାମୀ ଦିନରେ ଦଳର ରୋଡ଼ ମ୍ୟାପ୍ ନେଇ ବି ହୋଇଛି ଆଲୋଚନା କରାଯାଇଥିବା କହିଛନ୍ତି ବିଜେପି ନେତା । ବୈଠକରେ ଉପସ୍ଥିତ ଦଳର ସମସ୍ତ ନେତୃବୃନ୍ଦ ନିଜର ମତ ସ୍ତାବ୍ୟସ୍ତ କରିଛନ୍ତି । କେଉଁଠି କ'ଣ କମ୍ ରହିଲା । କେଉଁଠି କ'ଣ ଉପଲବ୍ଧି ରହିଲା ସବୁ ବିଷୟରେ ଫିଡ୍ ବ୍ୟାକ୍ ପ୍ରଦାନ କରିଛନ୍ତି ନେତା ଓ କର୍ମୀ ।
