ଭୁବନେଶ୍ବର: ଗୃହରେ ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ବିିରୋଧୀ ଦଳ ନେତା ନବୀନ ପଟ୍ଟନାୟକଙ୍କୁ ଗିରଫ ଦାବି । ଚଳିତ ବିଧାନସଭା ବଜେଟ ଅଧିବେଶନର ଦ୍ବିତୀୟ ଦନରେ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଗିରଫ ଦାବି କରିଛନ୍ତି ସଂସଦୀୟ ବ୍ୟାପାରମନ୍ତ୍ରୀ ମୁକେଶ ମହାଲିଙ୍ଗ । ବଜେଟ ଅଧିବେଶନ ଆରମ୍ଭରେ ରାଜ୍ୟପାଳଙ୍କ ଅଭିଭାଷଣ ସମୟରେ ନବୀନଙ୍କ ଆଚରଣ ପାଇଁ ତାଙ୍କୁ ଗିରଫ କରାଯିବ ଉଚିତ ବୋଲି ଗତକାଲି କହିଥିଲେ ମନ୍ତ୍ରୀ ମହାଲିଙ୍ଗ । ମନ୍ତ୍ରୀଙ୍କ ଏହି ବୟାନକୁ ନେଇ ପ୍ରବଳ ବିରୋଧ କରିଛି ବିଜେଡି । ଦଳୀୟ ନେତା ତଥା ବିରୋଧୀ ଦଳ ଉପ ମୁଖ୍ୟ ସଚେତକ ପ୍ରତାପ କେଶରୀ ଦେବ ଏହି ପ୍ରସଙ୍ଗରେ ସୋସିଆଲ ମିଡିଆରେ ଟ୍ବିଟ୍ କରି ବିଜେପି ଉପରେ ପ୍ରବଳ ବର୍ଷିଛନ୍ତି । ଏପଟେ ବିଜେଡି ବିଧାୟକ ଅରୁଣ ସାହୁ ମଧ୍ୟ ଏହାକୁ ହସ୍ୟାସ୍ପଦ କହିବା ସହିତ ପ୍ରୋସିଡିଙ୍ଗରେ ସଂସଦ କିମ୍ବା ବିଧାନସଭାରେ ଗିରଫ କେବେ ଦେଖିନଥିବା କହିଛନ୍ତି ।
ଗତକାଲି ବି ଧୋଇଗଲା ପ୍ରଶ୍ନକାଳ ଶୂନ୍ୟକାଳ । ହୋହଲ୍ଲା ଭିତରେ ସରିଲା ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ । ବାଚସ୍ପତିଙ୍କ ପୋଡିୟମ ଉପରକୁ ଚଢିଲେ ବିଜେଡି ବିଧାୟକ ଯୋଗେଶ ସିଂ । ଏପଟେ ବିରୋଧୀ ଦଳ ନେତାଙ୍କ ଗିରଫ କରିବାକୁ ଦାବି କଲେ ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ । ରାଜ୍ୟପାଳଙ୍କ ଅଭିଭାଷଣ ସମୟରେ ବାଧା ସୃଷ୍ଟି କରୁଥିଲେ ନବୀନ ପଟ୍ଟନାୟକ । ଯାହା ସଂସଦୀୟ ନିୟମକୁ ଉଲଙ୍ଘନ କରୁଛି । ତେଣୁ ତାଙ୍କୁ ଗିରଫ କରିବାକୁ ମୁଁ ଦାବି କରୁଛି ବୋଲି କହିଲେ ସଂସଦୀୟ ବ୍ୟାପାର ମନ୍ତ୍ରୀ । ବିଜେଡ଼ି ଓ କଂଗ୍ରେସ ବିଧାୟକଙ୍କ ଗୃହ ମଧ୍ୟ ଭାଗରେ ନାରାବାଜି ।
ଧନ୍ୟବାଦ @MahalingMukesh ଆପଣଙ୍କ କହିବା ଅନୁସାରେ ଶ୍ରୀଯୁକ୍ତ ନବୀନ ପଟ୍ଟନାୟକ ନିଶ୍ଚୟ ଗିରଫ ହେବା ଦରକାର। କାରଣ ସେ ଓଡ଼ିଆ ଅସ୍ମିତା ପାଇଁ ଲଢ଼ିଲେ। ରାଜ୍ୟପାଳଙ୍କ ଅଫିସ ଏବଂ ରାଜ୍ୟପାଳଙ୍କ ପୁଅ ଓଡ଼ିଆ ଲୋକଙ୍କୁ ମାରିଲେ। ନବୀନ ଆଇନକୁ ସୁରକ୍ଷା ଦେବାକୁ ଲଢ଼ିଲେ ଏବଂ ଓଡ଼ିଶାର ସ୍ୱାର୍ଥ ପାଇଁ କାର୍ଯ୍ୟ କଲେ।
— Pratap Keshari Deb (@KeshariDeb) July 23, 2024
ତେବେ ବିରୋଧୀ ଦଳ ନେତା ଗିରଫ ଦାବି କରିଥିଲେ ସଂସଦୀୟ ବ୍ୟାପାର ମନ୍ତ୍ରୀ । ଏହା ଉପରେ ବିଜେଡ଼ିର ପ୍ରତିକ୍ରିୟା ଆସିଛି । ସେମାନେ ଅନଭିଜ୍ଞ, ବିଧାନସଭା କି ସାଂସଦର ପ୍ରସିଡିଙ୍ଗ ଭିତରେ ଗିରଫଦାରୀ କେବେ ଦେଖିନି । ବୋଲି କହିଲେ ବିଜେଡି ନେତା ଅରୁଣ ସାହୁ । ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କୁ ଗିରଫ ଦାବି ପ୍ରସଙ୍ଗରେ ପ୍ରତିକ୍ରିୟା ରଖିଲେ ବିଧାୟକ ଅରୁଣ ସାହୁ । ସେମାନେ ଅନଭିଜ୍ଞ କହିଲେ ଅରୁଣ ସାହୁ । ବିଧାନସଭା କି ସାଂସଦର ପ୍ରୋସିଡିଙ୍ଗରେ ଗିରଫଦାରୀ କେବେ ଦେଖିନି ।
ଅନ୍ୟପଟେ ଉପ ମୁଖ୍ୟ ସଚେତକ ପ୍ରତାପ କେଶରୀ ଦେବ ସାମାଜିକ ଗଣମାଧ୍ୟମ ‘ଏକ୍ସ’ରେ ଲେଖିଛନ୍ତି ଯେ, ମନ୍ତ୍ରୀ ମହାଲିଙ୍ଗଙ୍କ କହିବା ଅନୁସାରେ ନବୀନ ପଟ୍ଟନାୟକ ନିଶ୍ଚୟ ଗିରଫ ହେବା ଦରକାର। କାରଣ ସେ ଓଡ଼ିଆ ଅସ୍ମିତା ପାଇଁ ଲଢ଼ିଲେ । ରାଜ୍ୟପାଳଙ୍କ ଅଫିସ ଏବଂ ରାଜ୍ୟପାଳଙ୍କ ପୁଅ ଓଡ଼ିଆ ଲୋକଙ୍କୁ ମାରିଲେ । ନବୀନ ଆଇନକୁ ସୁରକ୍ଷା ଦେବାକୁ ଲଢ଼ିଲେ ଏବଂ ଓଡ଼ିଶାର ସ୍ୱାର୍ଥ ପାଇଁ କାର୍ଯ୍ୟ କଲେ ।
ଇଟିଭି ଭାରତ, ଭୁବନେଶ୍ବର
