ଭବାନୀପାଟଣା: ହତ୍ୟାକାରୀକୁ ଆଜୀବନ କାରାଦଣ୍ଡାଦେଶ । ପୂର୍ବ ଶତ୍ରୁତାକୁ କେନ୍ଦ୍ର କରି ଘଟିଥିବା ହତ୍ୟାକାଣ୍ଡର ରାୟ ପ୍ରକାଶ ପାଇଛି । ଦୀର୍ଘ ୬ ବର୍ଷ ପରେ ରାୟ ଶୁଣାଇଛନ୍ତି କୋର୍ଟ । ଅଭିଯୁକ୍ତକୁ ଆଜୀବନ କାରାଦଣ୍ଡ ନିର୍ଦ୍ଦେଶ ଦେବା ସହ ଅନ୍ୟ ଜଣକୁ ନିର୍ଦ୍ଦୋଷରେ ଖଲାସ କରିଛନ୍ତି ।
ସୂଚନା ଅନୁଯାୟୀ, କଳାହାଣ୍ଡି ଜିଲ୍ଲା ମଦନପୁର ରାମପୁର ଥାନା ଅନ୍ତର୍ଗତ ଦୋଲାବହାଲି ଗାଁର ଅଭିଯୁକ୍ତ ଅଭି ଭୋଇ, କର୍ଫୁଲ ଭୋଇ ଓ ତାଙ୍କ ଦୁଇ ପୁଅ ନବୀନ ଓ ଜନ୍ମଞ୍ଜେୟଙ୍କ ସହ ସେହି ଗାଁର ସୂକଳ ପତ୍ରାଙ୍କ ମଧ୍ୟରେ ବଚସା ହୋଇଥିଲା । ୨୦୧୮ ମସିହା ସେପ୍ଟେମ୍ବର 14 ତାରିଖରେ ପୂର୍ବ ଶତୃତାକୁୁ ନେଇ ଦୁଇ ପରିବାର ମଧ୍ୟରେ କଥା କଟାକଟି ହୋଇଥିଲା ।
କିଛି ସମୟ ପରେ ଆଭିଭୋଇ ସୂକଳ ପତ୍ରଙ୍କୁ ଟାଙ୍ଗିଆରେ ହାଣିଥିଲେ । ଫଳରେ ଘଟଣା ସ୍ଥଳରେ ସୂକଳଙ୍କ ଗୁରୁତର ହୋଇପଡ଼ିଥିଲେ । ସୂକଳଙ୍କ ଚିତ୍କାର ଶୁଣି ଗ୍ରାମବାସୀ ଆସି ସେଠାରେ ପହଞ୍ଚିଥିଲେ । ଏହାକୁ ଦେଖି ଘଟଣାସ୍ଥଳରୁ ଅଭିଯୁକ୍ତମାନେ ଫେରାର ହୋଇଯାଇଥିଲେ । ପରେ ଗ୍ରାମବାସୀ ସୂକଳ ପାତ୍ରଙ୍କୁ ଗୁରୁତର ଅବସ୍ଥାରେ ମଦନପୁର ରାମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିବାବେଳେ ସେଠାରେ ତାଙ୍କର ମୃତ୍ୟୁ ହୋଇଥିଲା । ଘଟଣାକୁ ନେଇ ସୂକଳଙ୍କ ସ୍ତ୍ରୀ ବେଦମତି ପାତ୍ର ମଦନପୁର ରାମପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ପୋଲିସ ଅଭିଯୁକ୍ତ କର୍ଫୁଲ ଭୋଇ ଓ ଅଭି ଭୋଇକୁ ଗିରଫ କରି କୋର୍ଟ ଚାଲାଣ କରିଲା।
ଏହା ମଧ୍ୟ ପଢନ୍ତୁ...ଛାତ୍ରୀଙ୍କୁ ଦୁଷ୍କର୍ମ ଘଟଣାରେ ଟ୍ୟୁସନ ଶିକ୍ଷକଙ୍କୁ ଆଜୀବନ ସଜ୍ଜା
ବର୍ତ୍ତମାନ ସୁଦ୍ଧା ହତ୍ୟାକାଣ୍ଡ ଘଟଣାର ଅନ୍ୟ ଦୁଇ ଅଭିଯୁକ୍ତ ନବୀନ ଭୋଇ ଓ ଜନ୍ମଞ୍ଜେୟ ଭୋଇ ଫେରାର ଥିବା ଜଣାପଡ଼ିଛି । ଆଜି ଏହି ମାମଲାର ଶୁଣାଣି କରିଛନ୍ତି କୋର୍ଟ । ଜିଲ୍ଲା ଦୌର ଜଜ୍ ଦୀପ୍ତି ରଞ୍ଜନ କାନୁନଗୋ ମୋଟ ୧୮ଟି ସାକ୍ଷ୍ୟ ପ୍ରମାଣ ଓ ୧୯ଟି ଦଲିଲ ପ୍ରମାଣକୁ ଭିତ୍ତି କରି ଘଟଣାର ମୁଖ୍ୟ ଅଭିଯୁକ୍ତ ଅଭି ଭୋଇକୁ ଦୋଷୀ ସାବ୍ୟସ୍ତ କରିଛନ୍ତି । ଦୋଷୀକୁ ଆଜୀବନ କାରାଦଣ୍ଡ ନିର୍ଦ୍ଦେଶ ସହ ୨୦ହଜାର ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି ଅଦାଲତ । ଜରିମାନା ଅନାଦେୟ ହେଲେ ଅତିରିକ୍ତ ୬ ମାସ କାରାଦଣ୍ଡ ନିର୍ଦ୍ଦେଶ ରହିଛି । ଅପରପକ୍ଷେ, ଅନ୍ୟ ଜଣେ ବିଚାରଧୀନ ଅଭିଯୁକ୍ତ କର୍ଫୁଲ ଭୋଇକୁ ସାକ୍ଷ୍ୟ ଅଭାବରୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ ।
- " class="align-text-top noRightClick twitterSection" data="">
ଇଟିଭି ଭାରତ, କଳାହାଣ୍ଡି
