ଭୁବନେଶ୍ବର: ଦେଶକୁ ଘାରିଲାଣି ମଙ୍କିପକ୍ସ ଭୟ । ଗତକାଲି ଜଣେ ସନ୍ଦିଗ୍ଧ ଚିହ୍ନଟ ହେବା ପରେ ଆଲର୍ଟ ମୋଡରେ ସରକାର । ମଙ୍କିପକ୍ସ ମୁକାବିଲା ପାଇଁ କେନ୍ଦ୍ର ସରକାର ପ୍ରସ୍ତୁତି ଆରମ୍ଭ କରିଛନ୍ତି । ସ୍କ୍ରିନିଂ, ଟେଷ୍ଟିଂ ଓ ବେଡ ପ୍ରସ୍ତୁତ ରଖିବାକୁ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ଚିଠି ଲେଖିଛି ସ୍ବାସ୍ଥ୍ୟ ବିଭାଗ । ଆଉ ରାଜ୍ୟରେ ମଧ୍ୟ ମଙ୍କିପକ୍ସକୁ ନେଇ ସଜାଗ ରହିଛି ସ୍ବାସ୍ଥ୍ୟ ବିଭାଗ । ମଙ୍କିପକ୍ସକୁ ନେଇ ଜଳ, ସ୍ଥଳ, ଆକାଶ ସମସ୍ତ ଅନ୍ତର୍ଜାତୀୟ ଏଣ୍ଟ୍ରି ପଏଣ୍ଟରେ ଆଲର୍ଟ ଜାରି କରାଯାଇଛି ।
ଜଳ-ସ୍ଥଳ-ଆକାଶ ପଥକୁ ଆଲର୍ଟ:
ମଙ୍କିପକ୍ସ ନେଇ ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି, ‘ଏନେଇ ସ୍ବାସ୍ଥ୍ୟ ବିଭାଗ ସମ୍ପୂର୍ଣ୍ଣ ଭାବରେ ସଜାଗ ରହିଛି । ରାଜ୍ୟର ସମସ୍ତ ପ୍ରବେଶ ପଥକୁ ଆଲର୍ଟ କରାଯାଇଛି । ବିଶେଷ କରି ଜଳପଥ ଆକାଶ ପଥ ଆଦିକୁ ଆଲର୍ଟ କରାଯାଇଛି । ଭୁବନେଶ୍ବର ଏକ ଅନ୍ତର୍ଜାତୀୟ ବିମାନ ବନ୍ଦର । ତେଣୁ ଆଲର୍ଟ କରାଯାଇଛି । ପ୍ରଭାବିତ ଅଞ୍ଚଳରୁ ଆସୁଥିବା ବ୍ୟକ୍ତିଙ୍କୁ ଆଇସୋଲେଟ ରଖାଯାଉଛି । ଦେଶରେ ଏପର୍ଯ୍ୟନ୍ତ ମଙ୍କିପକ୍ସ ରୋଗୀ ଚିହ୍ନଟ ହୋଇନାହାନ୍ତି ।’ ସେପଟେ ମଙ୍କିପକ୍ସକୁ ନେଇ ଭୟଭୀତ ନହେବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ।
| ଏହା ମଧ୍ୟ ପଢନ୍ତୁ: ବିଶ୍ବକୁ ଫେରିଲା Mpox, ଗ୍ଲୋବାଲ ହେଲ୍ଥ ଏମରଜେନ୍ସି ଘୋଷଣା କଲା ହୁ |
ପ୍ରଭାବିତ ଦେଶରୁ ଆସୁଥିବା ଯାତ୍ରୀଙ୍କ ଉପରେ ତୀକ୍ଷ୍ଣ ନଜର:
ଏନେଇ ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ଆହୁରି କହିଛନ୍ତି, ଟ୍ରାଭେଲର ୱଥ ଇଣ୍ଟରନ୍ୟାସନାଲ ଟ୍ରାଭେଲ ହିଷ୍ଟ୍ରି ପ୍ରଭାବିତ ଦେଶରୁ ଆସୁଥିବା ଯାତ୍ରୀଙ୍କ ଉପରେ ସରକାର ତୀକ୍ଷ୍ଣ ନଜର ରଖାଯାଇଛି । ମଙ୍କିପକ୍ସ ସନ୍ଦିଗ୍ଧ ରୋଗୀଙ୍କୁ ଇଣ୍ଟରନ୍ୟାସନାଲ କ୍ବାରେଣ୍ଟଇନରେ ରଖାଯାଇଛି । ପରୀକ୍ଷା ନିରୀକ୍ଷା କରାଯାଉଛି। ଆମର ଯଦି ସିମଟୋମେଟିକ ଆସିଲା ଆଇସଲେସନ କରାଯିବାର ବ୍ୟବସ୍ଥା ମଧ୍ୟ କରାଯିବ’ । ସେ ଆହୁରି ମଧ୍ୟ କହିଛନ୍ତି, " ବିଶେଷ ଭାବରେ ସଂସ୍ପର୍ଶରେ ନଆସିବାକୁ ଧ୍ୟାନ ଦିଆଯାଉଛି । ଏଭଳି ମାମଲା ଆସିଲେ ସେମାନଙ୍କୁ ଅନବୋର୍ଡ କରିବାକୁ ଦିଆଯିବ ନାହିଁ । ଏହା ସିଧା ଭାରତ ସରକାର ଦ୍ବାରା ତଦାରଖ କରାଯାଉଛି । ଯଦି କେହି ସ୍ଲିପ ହୋଇକି ଆସିଲେ ତାଙ୍କୁ ଆଇସଲେସନ କରାଯିବ । ଅନବୋର୍ଡିଂରେ ଇଣ୍ଟରନ୍ୟାସନାଲ କ୍ବାରେଣ୍ଟାଇନରେ ଫିଲଟରେସନ ହେଉଛି । ଫ୍ଲାଇଟ ଏଣ୍ଟ୍ରି ପଏଣ୍ଟରେ ଭାରତ ସରକାରଙ୍କ ହେଲଥ ଟିମ ଅଛି । ସେହି ଟିମ ସହ ଆମର ସମନ୍ଵୟ ରହିଛି । ଏହି ମାମଲା ଛଡା ଆଉ କିଛି ନୂଆ ମାମଲା ନାହିଁ ତେଣୁ କେହି ଆତଙ୍କିତ ହୁଅନ୍ତୁ ନାହିଁ ।
| ଏହା ମଧ୍ୟ ପଢନ୍ତୁ: ଭାରତରେ ଏଣ୍ଟ୍ରି ମାରିଲା ମଙ୍କିପକ୍ସ ! ସଙ୍ଗରୋଧରେ ସନ୍ଦିଗ୍ଧ ଆକ୍ରାନ୍ତ, ଚିନ୍ତିତ ନହେବାକୁ କେନ୍ଦ୍ରର ପରାମର୍ଶ |
ମଙ୍କିପକ୍ସର ରହିଛି ଏପରି ଲକ୍ଷଣ:
ମଙ୍କିପକ୍ସ ହେଲେ ଶରୀରରେ କଣ ଦେଖାଯାଏ ଲକ୍ଷଣ ? ଏନେଇ ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି, "ବିଶେଷ ଭାବରେ ଘିମିରି ଭଳି ରାସେସ ହୋଇ ସେଥିରେ ପାଣି ହୋଇଯିବ। ବିନ୍ଧା ବିନ୍ଧି ହେବାର ସମ୍ଭାବନା ରହିଛି। ଏଭଳି ହେଲେ ଆଇସୋଲେଟ ହେବେ ଓ ଭାରତ ସରକାରଙ୍କ ଗାଇଡ଼ଲାଇନ ଅନୁଯାୟୀ ଚିକିତ୍ସା ହେବ । ପୂର୍ବରୁ କୋଭିଡ ଭଳି ଯେଉଁ ଚିକିତ୍ସା ଦିଆଯାଉଥିଲା ସମାନ ଧରଣର ଚିକିତ୍ସା କରାଯିବ। ପାରାସିଟାମଲ ସହ କୋଭିଡ ଭଳି ଆଣ୍ଟି ଭାଇରାଲ ଦିଆଯିବ। କୋଭିଡରେ ବି ଆଇସଲେସନ ହେଉଥିଲା। ଘିମିରି ଭଳି ଫୋଟକା ପାଣିରୁ ଅଧିକ ଇନଫେକସନ ହୋଇଥାଏ ।’
| ଏହା ମଧ୍ୟ ପଢନ୍ତୁ:Jynneos ଟିକାର ଗୋଟିଏ ଡୋଜ୍ Mpox ବିରୋଧରେ 78% ପ୍ରଭାବୀ: ଲାନସେଟ୍ |
ମଙ୍କିପକ୍ସରେ ନିମୋନିଆ ଓ ବ୍ରେନକୁ ମଧ୍ୟ ଧରିପାରେ:
ମଙ୍କିପକ୍ସ ବ୍ୟାପିବା ଅଧିକ ହେବାର ସମ୍ଭାବନା ରହିଛି। ନିମୋନିଆ ଓ ବ୍ରେନକୁ ବି ଧରିପାରେ। ଯାହା ଅଧିକ ମାତ୍ରାରେ ପ୍ରଭାବିତ ହେବାର ସମ୍ଭାବନା ରହିଛି । ଏବେ ସମସ୍ତ ପ୍ରବେଶ ପଥ ଉପରେ ନଜର ରଖାଯାଇଛି। ଇଣ୍ଟରନ୍ୟାସନାଲ କ୍ବାରେଣ୍ଟଇନରେ ଚିହ୍ନଟ ହେବେ। ଭାରତ ସରକାରଙ୍କ ଏକ ୟୁନିଟ ଏହାକୁ ନିୟନ୍ତ୍ରଣ କରୁଛି। ଅନଲାଇନରେ ସବୁ ରାଜ୍ୟ ସହ ଯୋଗାଯୋଗରେ ରହିଛି ୟୁନିଟ। ଅନବୋର୍ଡ ଏବଂ ଅଫବୋର୍ଡିଂରେ ନଜର ରହିଛି ।
ଇଟିଭି ଭାରତ ଭୁବନେଶ୍ବର
