ବାଲେଶ୍ୱର: ବାଲେଶ୍ବର ସଂସଦୀୟ କ୍ଷେତ୍ରକୁ ହାତେଇବା ପାଇଁ ଜୋରସୋରରେ ପ୍ରସ୍ତୁତି ଆରମ୍ଭ କରିଛି କଂଗ୍ରେସ । ଆସନ୍ତା ଜୁନ 1 ତାରିଖ ତଥା ଶେଷ ପର୍ଯ୍ୟାୟରେ ଏହି କ୍ଷେତ୍ର ପାଇଁ ପଡିବ ଭୋଟ୍ । ତେବେ ଏହାରି ଭିତରେ ସାମ୍ବାଦିକ ସମ୍ମିଳନୀ କରି ଉଭୟ ବିଜେଡି ଏବଂ ବିଜେପି ସରକାରକୁ ଟାର୍ଗେଟ କରିଛନ୍ତି କଂଗ୍ରେସ ସାଂସଦ ପ୍ରାର୍ଥୀ ଶ୍ରୀକାନ୍ତ ଜେନା । ସର୍ଭେ ରିପୋର୍ଟ ଅନୁସାରେ ଜୁନ ତାରିଖରେ ବିଜେପି ବିଦାୟ ନେବ ବୋଲି ସେ ଟାର୍ଗେଟ କରି କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି, "ୟୁପିଏ ସରକାର ସମୟରେ ବାଲେଶ୍ବରରେ ବିକାଶର ଧାରା ଚାଲିଥିଲା । କିନ୍ତୁ ଅନ୍ୟ ଏକ ଦଳର ସରକାର ଶାସନକୁ ଆସିବା ପରେ ସବୁ କିଛି ପରିବର୍ତ୍ତନ କରିଦିଆଗଲା । କିନ୍ତୁ ଏନେଇ ଚର୍ଚ୍ଚା ହେଉନାହିଁ । ରେଳ ଡିଭିଜନ ପାଇଁ ଦାବି କରାଯାଇ ଆସୁଥିଲେ ମଧ୍ୟ ତାହା ହୋଇପାରିଲା ନାହିଁ । ମୁଁ ଲୋକମାନଙ୍କୁ କିଛି ନିର୍ବାଚନୀ ପ୍ରତିଶ୍ରୁତି ଦେବାକୁ ଚାହେଁ ନାହିଁ ବରଂ ଯାହା 2009ରେ କହିଥିଲି ଯେ ଦିଲ୍ଲୀ ବାଲେଶ୍ଵରର ଦ୍ୱାରସ୍ଥ ହେବ, ଯଦି ଲୋକମତ ମିଳେ ତେବେ ପୁଣିଥରେ ବାଲେଶ୍ୱର ବାସୀଙ୍କ ପାଇଁ କେନ୍ଦ୍ରୀୟ ଯୋଜନା ନିଶ୍ଚୟ କାର୍ଯ୍ୟକାରୀ କରାଯିବ ।" ସବୁଠୁ ବଡ଼ କଥା ହେଲା ଶ୍ରୀକାନ୍ତ ସିଧା ସଳଖ ବିଜେପିକୁ ଟାର୍ଗେଟ କରି କହିଛନ୍ତି ଯେ ଜୁନ 4 ତାରିଖ ବିଜେପି ବିଦାୟ ନେଉଛି, ଯାହା ସର୍ଭେ କହୁଛି ବୋଲି ସେ କହିଛନ୍ତି ।
ଇଟିଭି ଭାରତ, ବାଲେଶ୍ବର
