ଭୁବନେଶ୍ବର: କୃଷି ଯନ୍ତ୍ରପାତି ମେଳା ପୂର୍ବରୁ ହୋଇଛି ବୈଠକ । ରାଜ୍ୟସାରା ହେବାକୁ ଥିବା କୃଷି ଯନ୍ତ୍ରପାତି ମେଳା ପାଇଁ କୃଷି ଭବନରେ ଉତ୍ପାଦକଙ୍କୁ ନେଇ ହୋଇଛି ବୈଠକ । ୨୬ଟି ଜିଲ୍ଲାରେ ହେବ କୃଷି ଯନ୍ତ୍ରପାତି ମେଳା । କୃଷି ଯନ୍ତ୍ରପାତି ଉତ୍ପାଦକମାନଙ୍କୁ ନେଇ ବୈଠକ କରିଛନ୍ତି ଉପମୁଖ୍ୟମନ୍ତ୍ରୀ ତଥା ରାଜ୍ୟ କୃଷି ମନ୍ତ୍ରୀ କନକ ବର୍ଦ୍ଧନ ସିଂଦେଓ ।
କୃଷି ଯନ୍ତ୍ରପାତି ମେଳା:
ଗତକାଲି (ଗୁରୁବାର) ରାଜ୍ୟ କୃଷି ଭବନ ଅଡିଟୋରିୟମଠାରେ ଏହି ବୈଠକ ଅନୁଷ୍ଠିତ ହୋଇଯାଇଛି । ରାଜ୍ୟ ଏବଂ ରାଜ୍ୟ ବାହାରୁ ଆସିଥିବା ମାନୁଫାକଚରର କମ୍ପାନୀ ଅଧିକାରୀଙ୍କ ସହିତ ଉପମୁଖ୍ୟମନ୍ତ୍ରୀ ଆଲୋଚନା କରିଥିଲେ । ଏହି ବୈଠକରେ ଉପମୁଖ୍ୟମନ୍ତ୍ରୀ କେଭି ସିଂଦେଓ, ପ୍ରେମଚାନ୍ଦ ଚୌଧୁରୀ ଓ କୃଷି ବିଭାଗର ସଚିବ ଅରବିନ୍ଦ ପାଢୀ ଉପସ୍ଥିତ ଥିଲେ । ବୈଠକ ପରେ ଉପମୁଖ୍ୟମନ୍ତ୍ରୀ କହିଛନ୍ତି, " 26ଟି ଜିଲ୍ଲାରେ ହେବ କୃଷି ଯନ୍ତ୍ରପାତି ମେଳା । କେନ୍ଦୁଝର, ବଲାଙ୍ଗୀର, ଜୟପୁର ଓ ବ୍ରହ୍ମପୁରରେ ଆଞ୍ଚଳିକ ମେଳା ଆୟୋଜନ କରାଯିବ । ଚାଷରେ ଯନ୍ତ୍ରପାତି ବ୍ୟବହାର ଉପରେ ଗୁରୁତ୍ବ ଦେଉଛନ୍ତି ରାଜ୍ୟ ସରକାର । କୃଷି କ୍ଷେତ୍ର ପାଇଁ ଶ୍ରମିକ ନମିଳିବା ଏକ ବଡ଼ ସମସ୍ୟା । ତେଣୁ ଚାଷୀ ମାନେ ଯନ୍ତ୍ରପାତି ବ୍ୟବହାର ପାଇଁ ଆଗ୍ରହୀ ହେଉଛନ୍ତି ।"
ଏହା ବି ପଢନ୍ତୁ...ସୋହେଲାରୁ ରବି-ଖରିଫ ଧାନ କିଣା, କ୍ବିଣ୍ଟାଲ ୩୧୦୦, MSP ଉପରେ ବୋନସ - Paddy Procurement ଏହା ମଧ୍ୟ ପଢନ୍ତୁ-ଧାନ କିଣା ଅବ୍ୟବସ୍ଥା: ଗୁଡଭେଳା ତେଜିଲା ଚାଷୀ ଆନ୍ଦୋଳନ, ୧୨ ଘଣ୍ଟିଆ ବନ୍ଦ ସଫଳ |
ମେକ ଇନ ଓଡ଼ିଶା ପ୍ରସ୍ତାବ:
କୃଷି ଯନ୍ତ୍ରପାତି ନିର୍ମାଣକାରୀ ସଂସ୍ଥାମାନଙ୍କୁ ମେକ ଇନ୍ ଓଡ଼ିଶା କରିବା ପାଇଁ ଅନୁରୋଧ କଲେ କୃଷି ମନ୍ତ୍ରୀ । କାରଣ ଯେଉଁ ଯନ୍ତ୍ରପାତି ଚାଷୀଙ୍କୁ ଯୋଗାଇ ଦିଆଯାଏ, ତାହାର ପାର୍ଟସ ମିଳେନାହିଁ ଓ ମେସିନ ଅଚଳ ହୋଇ ପଡ଼ିରହେ । ଏହାସହ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ଲିଜରେ କୃଷି ଯନ୍ତ୍ରପାତି ଯୋଗାଇ ଦେବାର ବ୍ୟବସ୍ଥା କରିବା ପାଇଁ ପ୍ରସ୍ତାବ ଦେଲେ କୃଷିମନ୍ତ୍ରୀ । ସେ କହିଛନ୍ତି 'କିପରି କୃଷକମାନଙ୍କୁ ଟ୍ରେନିଂ ଦିଆଯିବ । ଦୁର୍ନୀତିକୁ ବରଦାସ୍ତ କରିବେ ନାହିଁ ବିଜେପି ସରକାର । ଦୁର୍ନୀତି ଉପରେ ଶୂନ୍ୟ ସହନଶୀଳତା ନୀତିରେ ସରକାର କାମ କରୁଛନ୍ତି । ଦୁର୍ନୀତି କଲେ କାହାକୁ ଛଡ଼ା ଯିବ ନାହିଁ, ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ । '
ଇଟିଭି ଭାରତ, ଭୁବନେଶ୍ବର
