ଭୁବନେଶ୍ବର: ରାଜ୍ୟରେ ଘରୋଇ ଇଂଜିନିୟରିଂ କଲେଜରେ ପଢୁଥିବା ଝାଡଖଣ୍ଡ ଛାତ୍ରଙ୍କ ସଦେହଜନକ ମୃତ୍ୟୁକୁ ନେଇ ପ୍ରତିକ୍ରିୟାଶୀଳ ହୋଇଛି ରାଜଭବନ । ଛାତ୍ରଙ୍କ ଆଡ଼ମିଶନ ନେବାର ତିନିଦିନ ପରେ ହଷ୍ଟେଲରୁ ମୃତଦେହ ମିଳିବା ଘଟଣାରେ ବିହିତ ପଦକ୍ଷେପ ନେବାକୁ ରାଜ୍ୟ ସରକାରଙ୍କୁ ରାଜଭବନ ପକ୍ଷରୁ ଅନୁରୋଧ କରାଯାଇଛି । ଖଣ୍ଡଗିରି ଥାନା ଅଞ୍ଚଳର ମୃତ ଛାତ୍ର ଅଭିଷେକ ରବିଙ୍କ ସଦେହଜନକ ମୃତ୍ୟୁକୁ ନେଇ ନିରପେକ୍ଷ ତଦନ୍ତ ପାଇଁ ରାଜଭବନ ପକ୍ଷରୁ ଅନୁରୋଧ କରାଯାଇଥିବା ବେଳେ ମୁଖ୍ୟମନ୍ତ୍ରୀ ହେମନ୍ତ ସୋରେନ ମଧ୍ୟ ଟ୍ବିଟରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ତଦନ୍ତ ଓ କାର୍ଯ୍ୟାନୁଷ୍ଠାନ ପାଇଁ ଅନୁରୋଧ କରିଛନ୍ତି ।
ରାଜ୍ୟପାଳଙ୍କ ଲୋକ ସମ୍ପର୍କ ଅଧିକାରୀ ସଂଜୀବ ବାରିକଙ୍କ ଦ୍ବାରା ଜାରି କରାଯାଇଥିବା ସୂଚନା ଅନୁସାରେ ଭୁବନେଶ୍ୱର, ଚଳିତମାସ 17 ତାରିଖରେ ରାଜଧାନୀ ଭୁବନେଶ୍ୱରର ଏକ ଘରୋଇ ଇଂଜିନିୟରିଂ କଲେଜ କ୍ୟାମ୍ପସରେ ଝାଡ଼ଖଣ୍ଡର ଜଣେ ଛାତ୍ରଙ୍କର ସନ୍ଦେହଜନକ ମୃତ୍ୟୁ ଘଟଣାର ତଦନ୍ତ ପାଇଁ ବିହିତ ପଦକ୍ଷେପ ନେବାକୁ ରାଜ୍ୟ ସରକାରଙ୍କୁ ରାଜଭବନ ପକ୍ଷରୁ ଅନୁରୋଧ କରାଯାଇଛି ।
ସୂଚନାଯୋଗ୍ୟ ଯେ ମୃତ ଛାତ୍ର ଜଣକ ହେଲେ ଝାଡ଼ଖଣ୍ଡ ରାଜଧାନୀ ରାଞ୍ଚିର ଅଭିଷେକ ରବି । ସେ ଖଣ୍ଡଗିରି ଥାନା ଅନ୍ତଗତ ଜାଗମରାରେ ସ୍ଥିତ ଏକ ଘରୋଇ ଇଂଜିନିୟରିଂ କଲେଜରେ ଗତ ୧୦ ତାରିଖରେ ଆଡ୍ମିଶନ ନେଇଥିଲେ । ସୂଚନା ଅନୁଯାୟୀ ଆଡ୍ମିଶନ ନେବାର ମାତ୍ର ତିନିଦିନ ପରେ ଅଭିଷେକଙ୍କର ସନ୍ଦେହଜନକ ମୃତ୍ୟୁ ହୋଇଥିଲା । ଏହାକୁ ନେଇ ପରିବାର ସଦସ୍ୟ ଆପତ୍ତି ଉଠାଇବା ସହ ଥାନାରେ ଏତଲା ଦେଇଥିଲେ । ଏହି ମାମଲାର ତଦନ୍ତ ଜାରି ରହିଥିବା ବେଳେ ରାଜଭବନ ଏଥିରେ ହସ୍ତକ୍ଷେପ କରିବା ସହ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ମଧ୍ୟ ଟ୍ବିଟ କରିଛନ୍ତି ।
उड़ीसा के माननीय मुख्यमंत्री श्री @MohanMOdisha जी से आग्रह है रांची से बेटे अभिषेक रवि की उड़ीसा के ITER कॉलेज में हुई संदेहास्पद मृत्यु की उच्चस्तरीय जांच करा दोषियों पर कड़ी से कड़ी कार्रवाई कराने की कृपा करें।
— Hemant Soren (@HemantSorenJMM) September 16, 2024
परमात्मा बेटे अभिषेक की आत्मा को शांति प्रदान कर शोकाकुल… https://t.co/U58BCKy61i
- ଘଟଣା ସମ୍ପର୍କରେ...
ଗତ ୧୩ ତାରିଖରେ ଖଣ୍ଡଗିରି ଥାନା ଜାଗମରା ଅଞ୍ଚଳରେ ଏକ ଘରୋଇ କଲେଜ କ୍ୟାମ୍ପସରେ ଛାତ୍ରଙ୍କ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର ହୋଇଥିଲା । ଛାତ୍ରଙ୍କ ରକ୍ତାକ୍ତ ମୃତଦେହ ହଷ୍ଟେଲରେ ଗ୍ରାଉଣ୍ଡଫ୍ଲୋରରୁ ଉଦ୍ଧାର କରାଯାଇଥିଲା । ମୃତ ଛାତ୍ର ଝାଡଖଣ୍ଡର ଅଭିଷେକ ରବି ବୋଲି ଚିହ୍ନଟ ହେବା ପରେ ପରିବାର ସଦସ୍ୟଙ୍କୁ ଏସମ୍ପର୍କରେ ଅବଗତ କରାଯାଇଥିଲା ।
- ଆଡମିଶନର ତିନିଦିନ ପରେ ମିଳିଥିଲା ମୃତଦେହ
ମୃତ୍ୟୁର ତିନିଦିନ ତଳେ ଅର୍ଥାତ ଗତ ୧୦ତାରିଖରେ ପରିବାର ଲୋକ ଭୁବନେଶ୍ୱରରେ ଛାତ୍ରଙ୍କୁ ଉକ୍ତ କଲେଜରେ ବି-ଟେକ ଆଡମିଶନ କରାଇ ହଷ୍ଟେଲରେ ଛାଡି ଫେରି ଯାଇଥିଲେ । କଲେଜ ହଷ୍ଟେଲ ରେ ପଞ୍ଚମ ମହଲାର ୪୦୮-ନମ୍ବର ରୁମରେ ରହୁଥିଲେ ।ତାଙ୍କ ସହ ସେହି ପ୍ରକୋଷ୍ଠରେ ଅନ୍ୟ ଦୁଇ ଝାଡଖଣ୍ଡ ଛାତ୍ର ମଧ୍ୟ ରହୁଥିଲେ । ଏହାର ମାତ୍ର ତିନିଦିନ ପରେ ତାଙ୍କର ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର ହୋଇଥିଲା ।
ଏହା ମଧ୍ୟ ପଢନ୍ତୁ :- ରାଜଧାନୀ ରାଜରାସ୍ତାରେ ବେପରୁଆ ଗାଡ଼ି ଚାଳନା, ୫ ଗିରଫ - Reckless Driving |
ଏନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହ ର ଗତ ୧୪ତାରିଖରେ ପୋଷ୍ଟମର୍ଟମ କରିଥିଲା।ଏନେଇ ପୋଷ୍ଟମର୍ଟମ ରିପୋର୍ଟ ସହ ଘଟଣାରେ ପୋଲିସ କଣ ପଦକ୍ଷେପ ନେଉଛି ତା ଉପରେ ଅପେକ୍ଷା ରହିଛି।କାରଣ ଗତ ୧୪ତାରିଖରେ ଏନେଇ ୧୫ଦିନ ମଧ୍ୟରେ ଭୁବନେଶ୍ୱର ଦୁଇ ଝାରଖଣ୍ଡ ଛାତ୍ରଙ୍କ ମୃତ୍ୟୁ ହୋଇଥିବା ନେଇ ଏକ ଖବର ପ୍ରକାଶ କରିଥିଲା ଈଟିଭି ଭାରତ ।
ଇଟିଭି ଭାରତ, ଭୁବନେଶ୍ବର
