ଡକାୟତି ଯୋଜନା ପଣ୍ଡ, ୫ ଜଣିଆ ଗ୍ୟାଙ୍ଗକୁ ଗିରଫ କଲା ପୋଲିସ

Jatani Police Arrested 5 Dacoits: ୫ ଜଣିଆ ଡକାୟତ ଗ୍ୟାଙ୍ଗକୁ ଗିରଫ କରିଛି ପୋଲିସ । ଏହି ଡକାୟତମାନଙ୍କ ନାଁରେ ପୂର୍ବରୁ ମଧ୍ୟ ବିଭିନ୍ନ ଥାନାରେ ଅପରାଧିକ ମାମଲା ରହିଛି । ଅଧିକ ପଢନ୍ତୁ

ଖୋର୍ଦ୍ଧା: ଜଟଣୀ ପୋଲିସକୁ ବଡ ସଫଳତା । ୫ ଜଣିଆ ଡକାୟତ ଗ୍ୟାଙ୍ଗକୁ ଗିରଫ କରିବାରେ ସଫଳ ହୋଇଛି ପୋଲିସ । ଗତ କିଛି ଦିନ ହେଲା କମିଶନରରେଟ ପୋଲିସର ବିଭିନ୍ନ ଥାନା ଅଞ୍ଚଳରେ ଚୋରି ହେଉଥିଲା । ଘରେ କେହି ନ ଥିବା ସମୟରେ ଝରକା ତାଡି ଡକାୟତି କରାଯାଉଥିଲା । ହେଲେ ଗତକାଲି (ଶନିବାର) ରାତିରେ ଜଟଣୀ ପୋଲିସ ଏକ ବିରାଟ ଡକାୟତି ଯୋଜନା ପଣ୍ଡ କରିଛି । ନାଇଟ୍ ପାଟ୍ରୋଲିଂ ବେଳେ ଜଟଣୀ ଥାନା ଅଧିକାରୀ ସୌମ୍ୟକାନ୍ତ ବଳିୟାର ସିଂ ବିଶେଷ ସୂତ୍ରରୁ ଡକାୟତି ଯୋଜନା ନେଇ ଖବର ପାଇଥିଲେ । ଏହାପରେ ଜଟଣୀ ରେତଙ୍ଗ କଲୋନୀରେ ଥିବା କଲ୍ୟାଣ ମଣ୍ଡପ ପଛ ପଟେ ଚଢାଉକରି ୫ ଜଣଙ୍କୁ ପୋଲିସ ଗିରଫ କରିଥିଲା ।

ସୂଚନା ଅନୁସାରେ, ୫ ଜଣ ଡକାୟତ ଡକାୟତି ଯୋଜନା କରୁଥିବା ବେଳେ ପୋଲିସ ଏମାନଙ୍କୁ ମାଡି ବସିବାରେ ସଫଳ ହୋଇଛି । ଗିରଫ ଡକାୟତମାନଙ୍କଠାରୁ ଖଣ୍ଡା, ୨ଟି ଧାରୁଆ ଛୁରୀ, ଗୋଟିଏ ଲୁହାରଡ଼ ଆଦି ମାରଣାସ୍ତ୍ର ସମେତ ନିଶାଦ୍ରବ୍ୟ ମଧ୍ୟ ଜବତ କରଛି । ତେବେ ଏହି ଅଭିଯୁକ୍ତମାନେ ମଦ୍ୟପାନ କରି ଡକାୟତି ପାଇଁ ଯୋଜନା କରୁଥିବା ଜାଣିବାକୁ ପାଇଛି ପୋଲିସ । ଗିରଫ ହୋଇଥିବା ସମସ୍ତ ଅଭିଯୁକ୍ତ ଜଟଣୀ ଥାନା ଅଞ୍ଚଳର ବୋଲି ଜଣାପଡ଼ିଛି । ଅଭିଯୁକ୍ତମାନେ ହେଲେ ମୁଣ୍ଡିଆସାହିର ସାଏଦ ଫାୟାଜ ଓ ଶେଖ ଆବିଦ, ଗଜପତି ନଗର ଅଞ୍ଚଳର ସଞ୍ଜୟ ଦାସ, ସୁଜିତ ବିଶ୍ୱାଳ ଓ ରାଜାବଜାର ଅଞ୍ଚଳର ସୋହେଲ ଖାନ ।

ଏହି ଡକାୟତମାନଙ୍କ ନାଁରେ ପୂର୍ବରୁ ମଧ୍ୟ ବିଭିନ୍ନ ଥାନାରେ ଅପରାଧିକ ମାମଲା ରହିଛି । ଏପରିକି ସେମାନେ ଏକାଧିକ ଥର ଜେଲ ଯାଇ ଜାମିନରେ ଆସିଛନ୍ତି । ତେବେ ଆଜି ଜଟଣୀ ଥାନା ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କମିଶନରେଟ ପୋଲିସର ଯୋନ-୩ ଏସିପି ତାପସ ଚନ୍ଦ୍ର ପ୍ରଧାନ ଏନେଇ ସୂଚନା ଦେଇଛନ୍ତି । ଏସିପି କହିଛନ୍ତି, "ଏହି ଡକାୟତି ଗ୍ୟାଙ୍ଗର ମାଷ୍ଟରମାଇଣ୍ଡ ଏବେବି ଫେରାର ରହିଛି । ତାକୁ ଖୁବଶୀଘ୍ର ଗିରଫ କରାଯିବାକୁ ଚେଷ୍ଟା ଜାରି ରହିଛି ।"

ଇଟିଭି ଭାରତ, ଖୋର୍ଦ୍ଧା

• " class="align-text-top noRightClick twitterSection" data="">