ଟ୍ରେନ ଯାତ୍ରୀଙ୍କ ପାଇଁ ଖୁସି ଖବର, ହୋଲି ପାଇଁ ଗଡିବ ୫ଟି ସ୍ୱତନ୍ତ୍ର ଟ୍ରେନ - 5 Special Trains For Holi
Special Trains For Holi: ଯାତ୍ରୀଙ୍କ ଚାହିଦାକୁ ଦୃଷ୍ଟିରେ ରଖି ଓ ଅତିରିକ୍ତ ଭିଡକୁ ଦୂର କରିବା ପାଇଁ ପୂର୍ବତଟ ରେଳପଥ ପକ୍ଷରୁ ଆରମ୍ଭ ହୋଇଛି ଏହି ଟ୍ରେନ ସେବା । ଅଧିକ ପଢନ୍ତୁ
![ଟ୍ରେନ ଯାତ୍ରୀଙ୍କ ପାଇଁ ଖୁସି ଖବର, ହୋଲି ପାଇଁ ଗଡିବ ୫ଟି ସ୍ୱତନ୍ତ୍ର ଟ୍ରେନ ଟ୍ରେନ ଯାତ୍ରୀଙ୍କ ପାଇଁ ଖୁସି ଖବର , ହୋଲି ପାଇଁ ଗଡିବ ୫ଟି ସ୍ୱତନ୍ତ୍ର ଟ୍ରେନ](https://etvbharatimages.akamaized.net/etvbharat/prod-images/13-03-2024/1200-675-20977868-thumbnail-16x9-puri.jpg?imwidth=3840)
![ETV Bharat Odisha Team author img](https://etvbharatimages.akamaized.net/etvbharat/prod-images/authors/odisha-1716536003.jpeg)
Published : Mar 13, 2024, 8:35 PM IST
ଭୁବନେଶ୍ବର: ଟ୍ରେନ ଯାତ୍ରୀଙ୍କ ପାଇଁ ଖୁସି ଖବର ହୋଲି ପାଇଁ ଗଡ଼ିଲା ହେଲା ସ୍ବତନ୍ତ୍ର ଟ୍ରେନ । ପୂର୍ବତଟ ରେଳପଥ ପକ୍ଷରୁ ଆରମ୍ଭ ହୋଇଛି ହୋଲି ପାଇଁ ସ୍ୱତନ୍ତ୍ର ଟ୍ରେନର ବ୍ୟବସ୍ଥା । ସମ୍ବଲପୁର-ପୁନେ ହୋଲି ସ୍ପେଶାଲ୍ । ବିଶାଖାପାଟନମ୍-ପାଟନା ହୋଲି ସ୍ପେଶାଲ୍ । ପୁରୀ-ପାଟନା ହୋଲି ସ୍ପେଶାଲ୍ । ପୁରୀ-ନିଜାମୁଦ୍ଦିନ ହୋଲି ସ୍ପେଶାଲ୍ । ବିଶାଖାପାଟନମ୍-ନିଜାମୁଦ୍ଦିନ ହୋଲି ସ୍ପେଶାଲ । ଯାତ୍ରୀ ଚାହିଦାକୁ ଦୃଷ୍ଟିରେ ରଖି ଏବଂ ଗୁରୁତ୍ୱପୂର୍ଣ୍ଣ ରୁଟରେ ଚାଲୁଥିବା ନିୟମିତ ଟ୍ରେନରେ ଯାତ୍ରୀମାନଙ୍କ ଅତିରିକ୍ତ ଭିଡକୁ ଦୂର କରିବା ପାଇଁ ପୂର୍ବତଟ ରେଳପଥ ପକ୍ଷରୁ ହୋଲି ସ୍ୱତନ୍ତ୍ର ଟ୍ରେନ ଆରମ୍ଭ ହୋଇଛି ।
ଏହି ଉତ୍ସବ ସମୟରେ ସ୍ୱତନ୍ତ୍ର ଟ୍ରେନ୍ ଚଳାଚଳ କରାଇବାକୁ ନିଷ୍ପତ୍ତି ନିଆଯାଇଅଛି । ପୂର୍ବତଟ ରେଳପଥ ପରିସୀମା ମଧ୍ୟରୁ ୫ ଯୋଡି ହୋଲି ସ୍ପେସିଆଲ୍ ଟ୍ରେନ୍ ପୁନେ, ପାଟନା ଏବଂ ନିଜାମୁଦ୍ଦିନ ଷ୍ଟେସନକୁ ଚଳାଚଳ କରାଇବା ପାଇଁ ଯୋଜନା କରାଯାଇଛି । ପୂର୍ବତଟ ରେଳପଥ ପରିସୀମା ମଧ୍ୟଦେଇ ପୂର୍ବରୁ ଚଳାଚଳ କରୁଥିବା କିଛି ସ୍ୱତନ୍ତ୍ର ଟ୍ରେନର ସେବାକୁ ମଧ୍ୟ ବର୍ଦ୍ଧିତ କରାଯାଇଛି । ପର୍ବପର୍ବାଣୀ ସମୟରେ ଭାରତୀୟ ରେଳବାଇ ଅଧିକ ସଂଖ୍ୟକ ଟିକେଟ ବୁକିଂର ନଜର ରହିଛି । ଯାହା ଫଳରେ ନିୟମିତ ଟ୍ରେନରେ ଟିକେଟର ଲମ୍ବା ଅପେକ୍ଷା ତାଲିକା ଦେଖିବାକୁ ମିଳୁଛି । ଭାରତୀୟ ରେଳ ବାଇର ଯାତ୍ରୀ ପ୍ରୋଫାଇଲ୍ ମ୍ୟାନେଜମେଣ୍ଟ ୟୁନିଟ୍ ଯାତ୍ରୀଙ୍କ ଅସୁବିଧାକୁ ମୁକ୍ତ କରିବା ପାଇଁ ଯାତ୍ରୀଙ୍କ ବର୍ଦ୍ଧିତ ଚାହିଦା ଉପରେ ନଜର ରଖିଛି ।ଏହାସହ ଭାରତୀୟ ରେଳ ନିୟମିତ ଟ୍ରେନରେ ଅତିରିକ୍ତ କୋଚ୍ ବୃଦ୍ଧି କରାଇବା ବ୍ୟତୀତ ଲୋକପ୍ରିୟ ଗନ୍ତବ୍ୟ ସ୍ଥଳକୁ ସଂଯୋଗ କରୁଥିବା ମାର୍ଗରେ ଅନେକ ସ୍ୱତନ୍ତ୍ର ଟ୍ରେନ୍ ଚଳାଚଳ କରିଛି ।
ବର୍ଥ ଉପଲବ୍ଧ-ସ୍ୱତନ୍ତ୍ର ଟ୍ରେନ୍ କିପରି ଖୋଜିବେ:
ଏହି ଉତ୍ସବ ସମୟରେ ଯାତ୍ରୀମାନେ ନିୟମିତ ଟ୍ରେନରେ ଅପେକ୍ଷା ତାଲିକା ସ୍ଥିତି ପ୍ରାପ୍ତ କରୁଛନ୍ତି । ତେବେ ସେମାନେ ପୂର୍ବତଟ ରେଳ ପରିସୀମା ମଧ୍ୟରୁ ସ୍ୱତନ୍ତ୍ର ଟ୍ରେନରେ ଟ୍ରେନ୍ ଟିକେଟ୍ ବୁକ୍ କରିପାରିବେ । ସ୍ପେଶାଲ୍ ଟ୍ରେନ୍ ନମ୍ବର “0” (ଶୂନ) କିମ୍ବା “8” ରୁ ଆରମ୍ଭ ହୋଇଥାଏ । ଯାତ୍ରୀମାନେ ଏହାକୁ ଅନଲାଇନ୍ ଟିକେଟ୍ ପାଇଁ ନ୍ୟାସନାଲ୍ ଟ୍ରେନ୍ ଇନକ୍ୱାରୀ ସିଷ୍ଟମ୍ (NTES) ରୁ ସହଜରେ ପାଇପାରିବେ । କିମ୍ବା କାଉଣ୍ଟର ଟିକେଟ୍ ପାଇଁ PRS ଅନୁସନ୍ଧାନ କାଉଣ୍ଟରରେ ପଚାରିପାରନ୍ତି ।
ସ୍ପେଶାଲ ଟ୍ରେନରେ ବର୍ଥ ଉପଲବ୍ଧ । ଏହି ଉତ୍ସବ ସମୟରେ ପୂର୍ବତଟ ରେଳପଥ ସ୍ୱତନ୍ତ୍ର ଟ୍ରେନ୍ ଚଳାଚଳ କରାଇବା ପାଇଁ ଏବଂ ନିୟମିତ ଟ୍ରେନରେ ଅତିରିକ୍ତ କୋଚ୍ ବୃଦ୍ଧି କରି ଅତିରିକ୍ତ ବର୍ଥ ସୃଷ୍ଟି କରିଛି । ଯାତ୍ରୀମାନେ IRCTC ୱେବସାଇଟ୍ ଅନୁସରଣ କରି କିମ୍ବା ମୋବାଇଲ୍ ଆପ୍ ମାଧ୍ୟମରେ ଟିକେଟ୍ ବୁକ୍ କରିପାରିବେ । କିମ୍ବା PRS କାଉଣ୍ଟରରୁ ଟିକେଟ୍ ବୁକ୍ କରିପାରିବେ । ଯାତ୍ରୀମାନେ ପୂର୍ବତଟ ରେଳପଥର ଫେସବୁକ୍ ପେଜ୍ @EASTCOASTRailway ଏବଂ ଟ୍ୱିଟର 'X' ଆକାଉଣ୍ଟ୍ @EastCoastRail ଅନୁସରଣ କରି ସ୍ୱତନ୍ତ୍ର ଟ୍ରେନ୍ ବିଷୟରେ ମଧ୍ୟ ପାଇପାରିବେ ।
ଏହା ମଧ୍ୟ ପଢନ୍ତୁ .....ରାଜ୍ୟରେ ଗଡିବ ତୃତୀୟ ବନ୍ଦେ ଭାରତ ଟ୍ରେନ, 41ଟି 'ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟ' ଷ୍ଟଲର ହେବ ଶୁଭାରମ୍ଭ
ସମ୍ବଲପୁର-ପୁନେ ହୋଲି ବିଶେଷ ଟ୍ରେନ: 08327/08328 ସମ୍ବଲପୁର-ପୁନେ-ସମ୍ବଲପୁର ହୋଲି ସ୍ପେଶାଲ 17 ମାର୍ଚ୍ଚରୁ 31 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ରବିବାର ଦିନ ସମ୍ବଲପୁରରୁ ରାତ୍ରି 10 ଘଟିକାରେ ଛାଡିବ । ଫେରିବା ମାର୍ଗରେ ଏହା ପୂନେରୁ 19 ମାର୍ଚ୍ଚରୁ 2 ଏପ୍ରିଲ 2024 ପର୍ଯ୍ୟନ୍ତ ପୁନେରୁ ପୂର୍ବାହ୍ନ 09ଘ.15ମି.ରେ ଛାଡିବ ।
ଏହି ଟ୍ରେନ୍ ବିଶେଷ ଭାବରେ ବରଗଡ ରୋଡ୍, ବଲାଙ୍ଗୀର, ଟିଟିଲାଗଡ, କାଣ୍ଟାବାଞ୍ଜୀ, ଖରିଆର ରୋଡ, ରାୟପୁର, ନାଗପୁର, ଅହମଦନଗର ଭଳି ଗୁରୁତ୍ୱପୂର୍ଣ୍ଣ ଷ୍ଟେସନ୍ ସହିତ 21 ଟି ଷ୍ଟେସନ ଠାରେ ରହଣି କରିବ । ଏହି ଟ୍ରେନ ରେ ଗୋଟିଏ ଏସି-2 ଟାୟାର, ଚାରିଟି ଏସି -3 ଟାୟାର, ନଅଟି ସ୍ଲିପର କ୍ଲାସ, ଛଅଟି ଦ୍ୱିତୀୟ ଶ୍ରେଣୀ ସିଟିଙ୍ଗ ଏବଂ ଦୁଇଟି ଗାର୍ଡ ତଥା ଲଗେଜ୍ ଭ୍ୟାନ୍ ଉପଲବ୍ଧ ଅଛି ।
ପୁରୀ-ପାଟନା ହୋଲି ବିଶେଷ ଟ୍ରେନ: 08477/08478 ପୁରୀ-ପାଟନା-ପୁରୀ ହୋଲି ସ୍ପେଶାଲ୍ 18 ରୁ 25 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ସୋମବାର ଦିନ ପୁରୀ ଠାରୁ ଅପରାହ୍ନ 04ଘ.45ମି.ରେ ଛାଡିବ । ଫେରିବା ମାର୍ଗରେ ଏହି ଟ୍ରେନ ପାଟଣା ଠାରୁ 19 ମାର୍ଚ୍ଚରୁ 26 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ମଙ୍ଗଳବାର ଦିନ ଅପରାହ୍ନ 01ଘ.15ମି.ରେ ଛାଡିବ । ଏହି ଟ୍ରେନ୍ ଖୋର୍ଦ୍ଧା ରୋଡ୍, ଭୁବନେଶ୍ୱର, କଟକ, ଭଦ୍ରକ, ବାଲେଶ୍ୱର, ଆଦ୍ରା, ଜସିଡିହ ଭଳି ଗୁରୁତ୍ୱପୂର୍ଣ୍ଣ ଷ୍ଟେସନ୍ ସହିତ 18ଟି ଷ୍ଟେସନ ଠାରେ ରହଣି କରିବ । ଏହି ଟ୍ରେନରେ ଗୋଟିଏ ଏସି-2 ଟାୟାର୍, ଛଅଟି ଏସି -3 ଟାୟାର୍, ସାତୋଟି ସ୍ଲିପର କ୍ଲାସ, ଚାରିଟି ଦ୍ୱିତୀୟ ଶ୍ରେଣୀ ସିଟିଙ୍ଗ ଏବଂ ଦୁଇଟି ଗାର୍ଡ ତଥା ଲଗେଜ୍ ଭ୍ୟାନ୍ ଉପଲବ୍ଧ ଅଛି।
ସମ୍ବଲପୁର ସିଟି ମାର୍ଗ ଦେଇ ପୁରୀ-ନିଜାମୁଦ୍ଦିନ ହୋଲି ସ୍ପେଶାଲ୍: 08475/08476 ପୁରୀ-ନିଜାମୁଦ୍ଦିନ-ପୁରୀ ହୋଲି ସ୍ପେଶାଲ୍ 22 ମାର୍ଚ୍ଚରୁ 29 ମାର୍ଚ୍ଚ 2024 ମଧ୍ୟରେ ପୁରୀ ଠାରୁ ପ୍ରତ୍ୟେକ ଶୁକ୍ରବାର ଦିନ ଭୋର 04ଘ.50ମି.ରେ ଛାଡିବ । ଫେରିବା ମାର୍ଗରେ ଏହି ଟ୍ରେନ ନିଜାମୁଦ୍ଦିନ ଠାରୁ 23 ମାର୍ଚ୍ଚରୁ 30 ମାର୍ଚ୍ଚ 2024 ମଧ୍ୟରେ ପ୍ରତି ଶନିବାର ରାତ୍ରି 11ଘ.35ମି.ରେ ଛାଡିବ । ଏହି ଟ୍ରେନ୍ ଖୋର୍ଦା ରୋଡ୍, ଭୁବନେଶ୍ୱର, ନରାଜ ମାର୍ଥାପୁର, ଢେଙ୍କାନାଳ, ସମ୍ବଲପୁର ସିଟି, ବିଳାସପୁର, ଗ୍ୱାଲିୟର ଭଳି ଗୁରୁତ୍ୱପୂର୍ଣ୍ଣ ଷ୍ଟେସନ୍ ସହିତ 18 ଟି ଷ୍ଟେସନରେ ରହଣି କରିବ ।
ବିଶାଖାପାଟନମ୍-ନିଜାମୁଦ୍ଦିନ ହୋଲି ବିଶେଷ ଟ୍ରେନ: 08571/08572 ବିଶାଖାପାଟନମ୍-ନିଜାମୁଦ୍ଦିନ- ବିଶାଖାପାଟନମ୍ ହୋଲି ସ୍ପେଶାଲ୍ 23 ମାର୍ଚ୍ଚରୁ 30 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ଶନିବାର ଦିନ ପୂର୍ବାହ୍ନ 08ଘ.20ମି.ରେ ଛାଡିବ। ଫେରିବା ମାର୍ଗରେ ଏହି ଟ୍ରେନ 24 ମାର୍ଚ୍ଚରୁ 31 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ରବିବାର ଦିନ ନିଜାମୁଦ୍ଦିନ ଠାରୁ ରାତ୍ରି 11ଘ.35ମି.ରେ ଛାଡିବ। ଏହି ଟ୍ରେନ୍ ବିଜୟନଗରମ୍, ରାୟଗଡା, ଟିଟିଲାଗଡ, ଖରିଆର ରୋଡ୍, ରାୟପୁର, ନ୍ୟୁ କାଟନି, ଗ୍ୱାଲିୟର, ମଥୁରା ଭଳି ଗୁରୁତ୍ୱପୂର୍ଣ୍ଣ ଷ୍ଟେସନ୍ ସହିତ 19 ଟି ଷ୍ଟେସନ ଠାରେ ରହଣି କରିବ। ଏହି ଟ୍ରେନ ରେ ଦୁଇଟି ଏସି-2 ଟାୟାର, 13 ଏସି -3 ଟାୟାର, ଦୁଇଟି ଦ୍ୱିତୀୟ ଶ୍ରେଣୀ ସିଟିଙ୍ଗ ଏବଂ ଦୁଇଟି ଗାର୍ଡ ତଥା ଜେନେରେଟର କାର ଉପଲବ୍ଧ ଅଛି।
ବିଶାଖାପାଟନମ୍-ପାଟନା ହୋଲି ବିଶେଷ ଟ୍ରେନ : 08517/08518 ବିଶାଖାପାଟନମ୍-ପାଟନା- ବିଶାଖାପାଟନମ୍ ହୋଲି ସ୍ପେସିଆଲ୍ ଟ୍ରେନ ମାର୍ଚ୍ଚ 20 ରୁ 27 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ବୁଧବାର ଦିନ ବିଶାଖାପାଟନମ୍ ଠାରୁ ପୂର୍ବାହ୍ନ 09ଘ.25ମି.ରେ ଛାଡିବ । ଫେରିବା ମାର୍ଗରେ ଏହି ଟ୍ରେନ ପାଟନା ଠାରୁ ମାର୍ଚ୍ଚ 21ରୁ 28 ମାର୍ଚ୍ଚ 2024 ମଧ୍ୟରେ ପ୍ରତ୍ୟେକ ଗୁରୁବାର ଅପରାହ୍ନ ୦୧ ଘଟିକାରେ ଦିନ ପାଟନା ଠାରୁ ଛାଡିବ । ଏହି ଟ୍ରେନ୍ ବିଜୟନଗରମ୍, ଶ୍ରୀକାକୁଲମ୍, ପଲାସା, ବ୍ରହ୍ମପୁର, ଖୋର୍ଦ୍ଧା ରୋଡ୍, ଭୁବନେଶ୍ୱର, କଟକ, ଯାଜପୁର କେନ୍ଦୁଝର ରୋଡ୍, ଭଦ୍ରକ, ବାଲେଶ୍ୱର, ଆଦ୍ରI, ଜସିଡିହ ଭଳି ଗୁରୁତ୍ୱପୂର୍ଣ୍ଣ ଷ୍ଟେସନ୍ ସହିତ 24 ଟି ଷ୍ଟେସନ ଠାରେ ରହଣି କରିବ । ଏହି ଟ୍ରେନ ରେ ଦୁଇଟି ଏସି-2 ଟାୟାର, 13 ଏସି -3 ଟାୟାର, ଦୁଇଟି ଦ୍ୱିତୀୟ ଶ୍ରେଣୀ ସିଟିଙ୍ଗ ଏବଂ ଦୁଇଟି ଗାର୍ଡ ତଥା ଜେନେରେଟର କାର ଉପଲବ୍ଧ ଅଛି ।
ଇଟିଭି ଭାରତ, ଭୁବନେଶ୍ବର