ଭୁବନେଶ୍ବର: କୋଭିଡ୍ ଟିକାକୁ ନେଇ ଆଷ୍ଟ୍ରାଜେନେକା କମ୍ପାନୀର ସ୍ବୀକାରୋକ୍ତି ପରେ ଲୋକଙ୍କ ମନରେ ଖେଳିଯାଇଛି ଆତଙ୍କ । କମ୍ପାନୀ ଦ୍ବାରା ପ୍ରସ୍ତୁତ କୋଭିସିଲ୍ଡ ଟିକା ନେବା ଫଳରେ ବିରଳ ପାର୍ଶ୍ବ ପ୍ରତିକ୍ରିୟା ଦେଖାଯାଉଥିବାର ଅଭିଯୋଗ ମଧ୍ୟ ଆସିଛି । ଏ ନେଇ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି ଯେ, ରାଜ୍ୟରେ ମୋଟ ଆକାରରେ ୮ କୋଟିରୁ ଊର୍ଦ୍ଧ୍ବ ଡୋଜ ଟିକା ଦିଆଯାଇଛି । ଏନେଇ ଲୋକଙ୍କୁ ବିଶେଷ ଭାବରେ ଦୁଇ ପ୍ରକାରର ଟିକା ଦିଆଯାଉଥିଲା । ଗୋଟିଏ କୋଭିସିଲ୍ଡ ଏବଂ ଅନ୍ୟଟି କୋଭାକ୍ସିନ ଟିକା ଦିଆଯାଉଥିଲା । ଏହା ସହ କୋଭିସିଲ୍ଟ ଟିକା ୬କୋଟି ୪୨ଲକ୍ଷରୁ ଅଧିକ ଡୋଜ ଦିଆଯାଇଥିଲା । ଏହା ସହ ୧କୋଟିରୁ ଅଧିକ ଲୋକଙ୍କୁ କୋଭାକ୍ସିନ ଡୋଜ ଟିକା ଦିଆଯାଇଥିଲା ।
କୋଭିସିଲ୍ଡ ଟିକା ରାଜ୍ୟରେ ଅଧିକ ମାତ୍ରାରେ ଦିଆଯାଇଛି । ଏହାରି ମଧ୍ୟରେ ରିଆକ୍ସନ ବହୁତ କମ ରହିଛି । ତେବେ ରାଜ୍ୟରେ ଟିକାର ୧୬୬୯ଟି ମାଇନର ରିଆକ୍ସନ ରହିଛି । ଯାହା ତଥ୍ୟ ଆସୁଛି ଆଷ୍ଟ୍ରାଜେନେକାର କୋଭିସିଲ୍ଡ ଟିକାର ଟ୍ରମ୍ବୋସିସ୍ ସହ ଟ୍ରମ୍ବୋସାଇଟୋପେନିଆ ସିଣ୍ଡ୍ରୋମ (ଟିଟିଏସ୍) କୁହାଯାଉଛି । ଯେଉଁଥିରେ ଏହି ଟିକା ଦେଲେ ଶରୀରରେ ପ୍ଲେଟଲେଟ କମିଯିବାର ସମ୍ଭାବନା ଅଧିକ । ସାଧାରଣ ଭାବରେ ଶରୀରରେ ସମସ୍ତ ଅଙ୍ଗକୁ ରକ୍ତ ସଞ୍ଚାଳନକୁ ବନ୍ଦ କରିଦେବ । ବିଶେଷ ଭାବରେ ବ୍ରେନ୍ ଷ୍ଟ୍ରୋକ ଏବଂ ହାର୍ଟକୁ ଶୀଘ୍ର ପ୍ରଭାବିତ କରିବ। ଭଳି ଆମ ରାଜ୍ୟରେ ସେଭଳି କୌଣସି ଘଟଣା ଘଟି ନାହିଁ । ଗୋଟିଏ ମିଲିୟନ ଡୋଜରେ ୦.୦୬ ଲୋକ ଲକ୍ଷଣ ଦେଖାଯିବ । ଆଜି ପର୍ଯ୍ୟନ୍ତ ଗୋଟିଏ ବି ଲୋକ ନଜରକୁ ଆସିନାହାଁନ୍ତି । ଯେଉଁମାନେ କୋଭିଡରେ ମୃତ୍ୟୁ ଘଟିଛି ସେମାନଙ୍କ ବିଭିନ୍ନ କାରଣରୁ ମୃତ୍ୟୁ ଘଟିଛି । ପୂର୍ବରୁ ମଧ୍ୟ ଭାରତ ସରକାର ଏନେଇ ସତର୍କ କରାଇଥିଲେ । ଏନେଇ ରାଜ୍ୟ ସରକାର ମଧ୍ୟ ଟିକା ଦେବା ସମୟରେ ତଦାରଖ କରୁଥିଲେ । କାହାକୁ କଣ ଅସୁବିଧା ହେଲା କି ନାହିଁ ତାହା ସମ୍ପୂର୍ଣ୍ଣ ରୂପେ ନଜର ଦିଆଯାଇଥିଲା ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।
ସୂଚନାଯୋଗ୍ୟ ଯେ ଅକ୍ସଫୋର୍ଡ- ଆଷ୍ଟ୍ରାଜେନେକା ପକ୍ଷରୁ ମିଳିତ ଭାବେ ବିକଶିତ ଟିକା ବିଶ୍ବରେ କୋଭିସିଲ୍ଡ ଏବଂ ଭାକ୍ସଜେଭରିଆ ଆଦି ବ୍ରାଣ୍ଡ ନାମରେ ବିକ୍ରି ହୋଇଥିଲା । ଭାରତରେ ପୁନେସ୍ଥିତ ସିରମ୍ ଇନଷ୍ଟିଚ୍ୟୁଟ୍ ସହ ମିଶି ଏହି କମ୍ପାନୀ ଟିକା ଉତ୍ପାଦନ କରିଥିଲା । ଉକ୍ତ କମ୍ପାନୀର ଟିକା ନେଇଥିବା ବ୍ୟକ୍ତିଙ୍କ ଠାରେ ଗୁରୁତର ଅସୁସ୍ଥତା ଏବଂ ମୃତ୍ୟୁ ଦେଖାଦେଇଛି ବୋଲି ବ୍ରିଟେନ ହାଇକୋର୍ଟରେ ଅଭିଯୋଗ ହୋଇଥିଲା । ଅନେକ ପରିବାର ଅଦାଲତରେ ଅଭିଯୋଗ କରିଥିଲେ ଆଷ୍ଟ୍ରାଜେନେକା ଟିକାର ପାର୍ଶ୍ବ ପ୍ରତିକ୍ରିୟା ଦ୍ବାରା ସାଂଘାତିକ ସମସ୍ୟା ଦେଖାଦେଉଛି । କୌଣସି ନିର୍ଦ୍ଦିଷ୍ଟ କ୍ଷେତ୍ରରେ ଟିକା ଯୋଗୁଁ ବିରଳ ରୋଗ ଦେଖାଦେଇଛି କିମ୍ବା ଏଥିରେ ମୃତ୍ୟୁ ହୋଇଥିବା ବିଷୟକୁ କମ୍ପାନି ସ୍ବୀକାର କଲେ ଏଥିପାଇଁ ମୋଟା ଅଙ୍କର ଅର୍ଥରାଶି ପୈଠ କରିବାକୁ ପଡ଼ିପାରେ । ଏହି ସ୍ବୀକାରୋକ୍ତି ସହିତ କମ୍ପାନୀ ପକ୍ଷରୁ କୁହାଯାଇଛି ଯେ ଟିକାରେ ବ୍ୟାପକ ତ୍ରୁଟି ରହିଛି ବୋଲି ଯାହା କୁହାଯାଉଛି, ତାହା ଠିକ୍ ନୁହେଁ । ଏହାକୁ ଅତିରଞ୍ଜିତ କରାଯାଉଛି ବୋଲି କମ୍ପାନୀ କହିଛି ।
ଇଟିଭି ଭାରତ, ଭୁୁବନେଶ୍ବର
