ନିଆଳି: ବାଲି ଘାଟକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ । ଗୋଟିଏ ବାଲି ଘାଟକୁ ଦୁଇ ଲିଜଧାରୀ ଚଳାଇବା ପାଇଁ ଜିଦ୍ । ଏଭଲି ଏକ ଘଟଣା ଘଟିଛି କଟକ ଜିଲ୍ଲା ଗୋବିନ୍ଦପୁର ଥାନା ଅଧୀନସ୍ଥ ଦେବୀ ନଦୀର ବଳଦା ବାଲି ଘାଟରେ । ପରିସ୍ଥିତି ଏଭଳି ହୋଇଥିଲା ଯେ ସ୍ଥାନୀୟ ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା କରିଛି ।
ସୂଚନାଯୋଗ୍ୟ ଆଜି କଟକ ଗୋବିନ୍ଦପୁର ଦେବୀ ନଦୀର ବଳଦା ବାଲି ଘାଟକୁ ନେଇ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି ହୋଇଥିଲା । ବାଲି ଘାଟରୁ ବାଲି ଉଠାଇବା ପାଇଁ ଦୁଇ ଗୋଷ୍ଠୀ ସାମ୍ନାସାମ୍ନି ହୋଇଥିଲେ । ଉଭୟ ଗୋଷ୍ଠୀ ବାଲି ଘାଟରୁ ବାଲି ଉଠାଇବା ପାଇଁ ଜିଦ ଧରିଥିଲେ । ତେବେ ଘଟଣା ସ୍ଥଳେ ପରିସ୍ଥିତ ଅଶାନ୍ତ ହୋଇଥିଲା । ଖବର ପାଇଁ ଗୋବିନ୍ଦପୁର ଥାନା ପୋଲିସ ଘଟଣା ସ୍ଥଳରେ ପହଞ୍ଚିଥିଲା । ଏହାପରେ ଉଭୟ ଗୋଷ୍ଠୀଙ୍କୁ ବୁଝାସୁଝା କରିଥିଲା ।
ସେପଟେ ଦେବୀ ନଦୀର ବଳଦା ବାଲି ଘାଟକୁ ଜୈନିକ ଏକ ବ୍ୟକ୍ତି କଣ୍ଟାପଡ଼ା ତହସିଲଦାରଙ୍କ ଠାରୁ ଲିଜରେ ନେଇଥିଲେ । ପରବର୍ତ୍ତୀ ସମୟରେ ଅନ୍ୟ ଜଣେ ବ୍ୟକ୍ତିଙ୍କୁ ଏଗ୍ରିମେଣ୍ଟ ଅନୁସାରେ ଏହି ବାଲି ଘାଟକୁ ଚଲାଇବ ପାଇଁ ଲିଜ ସୂତ୍ରରୁ ସମ୍ପୃକ୍ତ ବାଲି ଘାଟ ମାଲିକ ଦେଇଥିବା ନେଇ ଅଭିଯୋଗ ହୋଇଛି । ତେବେ ଗତ ଦୁଇ ବର୍ଷ ଲିଜ ସୂତ୍ରରେ ନେଇଥିବା ବ୍ୟକ୍ତି ଚଳାଇଥିଲେ । ହେଲେ କିଛି ଦିନ ପରେ ବାଲି ଘାଟକୁ ବନ୍ଦ କରି ଦେଇଥିଲେ ।
ଏହା ମଧ୍ୟ ପଢନ୍ତୁ.....ସକାଳ ୭ରୁ ସନ୍ଧ୍ୟା ୯ ପର୍ଯ୍ୟନ୍ତ ସହର ଭିତରେ ପଶିପାରିବନି ବାଲି ବୋଝେଇ ଗାଡି: ହାଇକୋର୍ଟ
ଏହାପରେ ଆଜି ଆଉ ଜଣେ ଅର୍ଥାତ୍ ଦ୍ବିତୀୟ ପକ୍ଷ ହାଇକୋର୍ଟ ନିର୍ଦ୍ଦେଶନାମା ଅନୁସାରେ ବଳଦା ବାଲି ଘାଟକୁ ଚଲାଇବା ପାଇଁ ଦେବୀ ନଦୀକୁ ଆସିଥିଲେ । ଖବର ପାଇ ପୂର୍ବରୁ ଲିଜ ସୂତ୍ରରେ ନେଇଥିବା ପ୍ରଥମ ପକ୍ଷ ଓ ସମର୍ଥକ ପହଞ୍ଚି ଦ୍ବିତୀୟ ପକ୍ଷଙ୍କୁ ବାଲିଘାଟକୁ ଚଳାଇବା ପାଇଁ ବିରୋଧ କରିଥିଲେ । ଯାହାଫଳରେ ଉଭୟଙ୍କ ମଧ୍ୟରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ଉଭୟ ଗୋଷ୍ଠୀ ସହିତ ଆଲୋଚନା କରିଥିଲେ । ଏହା ପରେ ହାଇକୋର୍ଟର କାଗଜ ପତ୍ର ଦେଖିବା ସହିତ ପ୍ରକୃତ ବାଲିଘାଟ ମାଲିକ ଏବଂ କଟକ ସାଇନ୍ସ ଅଧିକାରୀ ସହିତ ଆଲୋଚନା ପରେ ପରବର୍ତ୍ତୀ କାର୍ଯ୍ୟପନ୍ଥା ନିଆଯିବ ବୋଲି ସୂଚନା ଦେଇଛନ୍ତି । ଆଜି ଏହି ବାଲି ଘାଟକୁ ଚଲାଇବା ପାଇଁ ଦ୍ବିତୀୟ ପକ୍ଷଙ୍କ ଏକ ହାଇକୋର୍ଟଙ୍କ ନିର୍ଦ୍ଦେଶ ନାମା ଆଣିଥିଲେ ସୁଦ୍ଧା ପୋଲିସ ସନ୍ତୁଷ୍ଟ ହୋଇପାରିନଥିଲା କି ବାଲି ଘାଟକୁ ଚଲାଇବା ପାଇଁ କୌଣସି ନିର୍ଦ୍ଦେଶ ଦେଇନଥିଲା ।
ଇଟିଭି ଭାରତ,ନିଆଳି
