ପୁରୀ: ଦୀପାବଳିରେ ଅଘଟଣ । ବାଣ ଭିଡୁଥିବାବେଳେ ପ୍ରଚଣ୍ଡ ବିସ୍ଫୋରଣ ଘଟି 3 ଗୁରୁତର । ତେବେ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ଅଧିକ ଚିକିତ୍ସା ପାଇଁ କଟକ ମେଡ଼ିକାଲ ସ୍ଥାନାନ୍ତର କରାଯାଇଛି। ମିଳିଥିବା ସୁଚନା ଅନୁଯାୟୀ, ପୁରୀ ସଦର ଥାନା ବାଟଗାଁ ରାଉତ ସାହିରେ ବାଣ ଭିଡୁଥିବା ବେଳେ ବିସ୍ଫୋରଣ ହୋଇଛି । ବିସ୍ଫୋରଣରେ ଦୁଇ ଜଣ ପୁରୁଷ ଓ ଜଣେ ମହିଳା ଗୁରୁତର ଆହତ ହେଇଛନ୍ତି । ଆହତମାନେ ହେଲେ ଲିପା ରାଉତ୍, ଗୁଲା ରାଉତ୍ ଓ ସଞ୍ଜୟ ଜେନା।
କେମିତି ହେଲା ବିସ୍ଫୋରଣ?
ସୂଚନା ଅନୁସାରେ, ବାଣ ଭିଡୁଥିବାବେଳେ ବିସ୍ଫୋରଣ ହୋଇଥିଲା l ପରେ ଆହତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି l ପୁରୀ ସଦର ଥାନା ପୁଲିସ ଘଟଣାର ଅନୁସନ୍ଧାନ କରିଛନ୍ତି l ଘଟଣାଟି ଆଜି ଅପରାହ୍ନ 5ଟା 45ରେ ଘଟିଥିବା ଜଣାଯାଇଛି ।
ପୁରୀ ସିଟି ଡିଏସପି ପ୍ରଶାନ୍ତ ସାହୁ କହିଛନ୍ତି," ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ବାଣ ବିସ୍ଫୋରଣରେ ଆହତ ହୋଇ 3 ଜଣ ଆସିଥିବା ଆମକୁ ସୂଚନା ମିଳିଥିଲା। ତେବେ ତିନି ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଚିକିତ୍ସା ପାଇଁ କଟକ ମେଡିକାଲ ପଠାଯାଇଛି । ପ୍ରଥମେ ଆମେ ତାଙ୍କ ଚିକିତ୍ସା ବ୍ୟବସ୍ଥା କରୁଛୁ । ଏହାପରେ ଘଟଣାକୁ ନେଇ ପୋଲିସ୍ତଦନ୍ତ କରିବ। ଆଇନ ଅନୁଯାୟୀ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ।"
ଇଟିଭି ଭାରତ, ପୁରୀ
