କଟକ: ବିଶୃଙ୍ଖଳା ହୋଇଯାଆନ୍ତୁ ସାବଧାନ ! ଏଣିକି ମାଟ୍ରିକ ପରୀକ୍ଷାରେ ରହିବ AI ନଜର । ବିଶୃଙ୍ଖଳା ରୋକିବା ପାଇଁ ହେବ AI ବ୍ୟବସ୍ଥା । ପରୀକ୍ଷା କେନ୍ଦ୍ରରେ ପରୀକ୍ଷାର୍ଥୀଙ୍କ ସମେତ ଇନଭିଜିଲେଟର ଓ ନିୟୋଜିତ ହୋଇଥିବା ସମସ୍ତ କର୍ମଚାରୀଙ୍କ ଉପରେ AI ସହାୟତାରେ ନଜର ରଖିବ ବୋର୍ଡ । ବିଶେଷକରି କପି ରୋକିବା ସହ ପ୍ରଶ୍ନପତ୍ର ଭାଇରାଲକୁ ରୋକିବା ପାଇଁ ଏହି ପଦକ୍ଷେପ ଗ୍ରହଣ କରିଛି ବୋର୍ଡ । 9ଟି ମୁଖ୍ୟ ଦିଗକୁ ଗୁରୁତ୍ବ ଦେଇଛି ବୋର୍ଡ । ଦେଶର ପ୍ରଥମ ବୋର୍ଡ ଭାବେ BSE ବ୍ୟବହାର କରିବ AI ।
AI ପାଇଁ ଧାର୍ଯ୍ୟ ହୋଇଛି 8ଟି ପାରାମିଟର । ଏହି 8 ପାରାମିଟର ମଧ୍ୟରୁ କିଛି ଯଦି କୌଣସି କେନ୍ଦ୍ରରେ ଉଲ୍ଲଙ୍ଘନ ହୁଏ, ତେବେ ବୋର୍ଡ ଜାଣି ପାରିବ । AI ଏହାର ସୂଚନା ତୁରନ୍ତ ବୋର୍ଡ ନିକଟରେ ପହଞ୍ଚାଇବ । କୌଣସି ପରୀକ୍ଷା କେନ୍ଦ୍ରରେ କୌଣସି ବ୍ୟତିକ୍ରମ ଦେଖାଗଲେ ଏହାକୁ ଚିହ୍ନଟ କରି କଣ୍ଟ୍ରୋଲ ରୁମକୁ ଆଲର୍ଟ ଦେବ AI । ଏହା ସାଇରନ ମଧ୍ୟ ବଜାଇବ । ଯାହା ଫଳରେ ବୋର୍ଡ କର୍ତ୍ତୃପକ୍ଷ ବୋର୍ଡ କାର୍ଯ୍ୟାଳୟରେ ବସି ସୂଚନା ପାଇ ପାରିବେ । ତେବେ କଣ ଏହି 8 ପାରାମିଟର ? କଣ ଉଲ୍ଲଙ୍ଘନ କଲେ ଠାବ କରିବ AI ? ଜାଣନ୍ତୁ...
- ପରୀକ୍ଷା କେନ୍ଦ୍ରଗୁଡିକର ଫାଟକ ଉଭୟ ପ୍ରବେଶ ଏବଂ ପ୍ରସ୍ଥାନରେ ବାରମ୍ବାର ଚଳପ୍ରଚଳ ହେଲେ ଠାବ କରିବ AI
- ପରୀକ୍ଷା କେନ୍ଦ୍ର ଭିତରେ ଡେସ୍କ ଓ ବେଞ୍ଚ ବ୍ୟବସ୍ଥିତ ନଥିଲେ ବି ଧରିବ AI
- କେନ୍ଦ୍ରରେ ଲାଗିଥିବା ସିସିଟିଭି ଟାମ୍ପର ଓ ଅଫ୍ଲାଇନ ହେଲେ ଧରିବ AI
- ଯଦି ଇନଭିଜିଲେଟର ନିର୍ଦ୍ଧାରିତ ସମୟ ପର୍ଯ୍ୟନ୍ତ ପରୀକ୍ଷା ହଲରେ ନବୁଲନ୍ତି, ଅର୍ଥାତ ଗୋଟିଏ ସ୍ଥାନରେ ବସି ରୁହନ୍ତି, ତେବେ ଠାବ କରିବ AI
- ପ୍ରଶ୍ନପତ୍ର ଖୋଲିବା ସମୟରେ ରୁମରେ ଧାର୍ଯ୍ୟ ଲୋକଙ୍କ ଠାରୁ ଅଧିକ ଲୋକ ରହିଲେ ଧରିବ AI
- ପରୀକ୍ଷା ହଲ ଭିତରେ ବିଶୃଙ୍ଖଳା ହେଲେ ଅର୍ଥାତ ଗଣ୍ଡଗୋଳ, ଭିଡ଼ ଆଦି ହେଲେ ଧରିବ AI
- ପରୀକ୍ଷା କେନ୍ଦ୍ରରେ ଅନଧିକାର ପ୍ରବେଶକାରୀଙ୍କୁ ମଧ୍ୟ ଧରିବ AI
- ଦୀର୍ଘ ସମୟ ଧରି ସିସିଟିଭି ଅକାମୀ ରହିଲେ AI ଠାବ କରିବ
ଏହା ମଧ୍ୟ ପଢ଼ନ୍ତୁ...କପି ଉପରେ କଡ଼ା ନଜର, ମାଟ୍ରିକ ପରୀକ୍ଷାରେ ବ୍ୟବହୃତ ହେବ AI କ୍ୟାମେରା
ତେବେ ଏହି 8 ନିୟମ ମଧ୍ୟରୁ ଯଦି କୌଣସି ନିୟମ ଉଲ୍ଲଙ୍ଘନ ହୋଇଥିବା ଜଣାପଡେ, ତେବେ ବୋର୍ଡ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବ । ଏନେଇ ବୋର୍ଡ ସଭାପତି ETV BHARAT ସହ ଆଲୋଚନା ବେଳେ ପ୍ରତିକ୍ରିୟା ରଖିଛନ୍ତି । ଏନେଇ ସଭାପତିଙ୍କ ସହ ଅଧିକ ଆଲୋଚନା କରିଛନ୍ତି ଆମ ପ୍ରତିନିଧି ନାରାୟଣ ସାହୁ...
ଇଟିଭି ଭାରତ, କଟକ
