ଭୁବନେଶ୍ବର: ରାଜଧାନୀରେ ଏବେ ପୂଜାର ମାହୋଲ । ସହର ଗଳ-କନ୍ଦି, ରାସ୍ତାଘାଟ ସବୁଠି ନାହିଁନଥିବା ଭିଡ । ଯାହାର ସୁଯୋଗ ନେଇ ଚୋରି, ଛିନତାଇ କରିବାକୁ ଅଭ୍ୟାସଗତ ଅପରାଧୀ ମଧ୍ୟ ଆଗଭର । ଟିକିଏ ସୁଯୋଗ ପାଇଲା ମାତ୍ରେ ଆଖି ପିଛୁଳାକେ ଲୁଟ କରିନେବେ । ତେଣୁ ଭିଡକୁ ନିୟନ୍ତ୍ରଣ କରିବାକୁ ପୋଲିସ ଆରମ୍ଭ କରିଛି ଅପରେସନ 'ତ୍ରିଭୁଜ'। ଭିଡ଼ ନିୟନ୍ତ୍ରଣ ଓ ଅପରାଧିକ ଗତିବିଧି ଉପରେ କଡା ନଜର ରଖିବା ଏହି ଅପରେସନର ମୂଳ ଲକ୍ଷ୍ୟ ।
- ଅପରେସନ 'ତ୍ରିଭୁଜ':
କମିଶନରେଟ ପୋଲିସ ମୁଖ୍ୟାଳୟରୁ ନିୟନ୍ତ୍ରଣ ହେଉଛି ପୂଜା ସମୟରେ ଆଇନ ଶୃଙ୍କଳା । 3ଟି ଉପାୟରେ ଟାଫ୍ରିକ ନିୟନ୍ତ୍ରଣ କରାଯାଉଛି । ଯାହାକୁ ଅପରେସନ 'ତ୍ରିଭୁଜ' କୁହାଯାଉଛି । କଣ୍ଟ୍ରୋଲ ରୁମ୍ ଜରିଆରେ ସମସ୍ତ ପୂଜା ମଣ୍ଡପର ସିସିଟିଭି ଫୁଟେଜକୁ ‘ଆଇ-ପି’ ଲିଙ୍କ ଜରିଆରେ ନଜର ରଖାଯାଉଛି । ଏଥିସହ ସହରରେ ଲାଗିଥିବା ଏକ ହଜାର ସିସିଟିଭି କ୍ୟାମେରା ଜରିଆରେ ରାସ୍ତା-ଘାଟରେ ଟ୍ରାଫିକ ଉପରେ ନଜର ରଖିଛନ୍ତି ଅଧିକାରୀ । ଅନ-ଡ୍ୟୁଟିରେ ଥିବା ଅଫିସର ଏସବୁକୁ ନିୟନ୍ତ୍ରଣ କରୁଛନ୍ତି । ଅପହଞ୍ଚ ସ୍ଥାନରେ ନଜର ରଖିବାକୁ ଡ୍ରୋନ ମଧ୍ୟ ବ୍ୟବହାର କରୁଛି ।
ଏହା ମଧ୍ୟ ପଢନ୍ତୁ-ବ୍ରହ୍ମପୁରରେ ନବରାତ୍ର ପୂଜା, ଚଣ୍ଡୀପାଠରେ କମ୍ପିଲା ପରିବେଶ ଏହା ମଧ୍ୟ ପଢନ୍ତୁ-ପାର୍ବଣରେ ଆକ୍ସନମୋଡରେ ଅନୁଗୋଳ ପୋଲିସ, ପାଟ୍ରୋଲିଂ ଓ ପ୍ଲାଗମାର୍ଚ୍ଚ ସହ ଧରପକଡ଼ |
- ସିସିଟିଭିରେ ଛାଉଣି ହୋଇଛି ଭୁବନେଶ୍ବର:
ପୋଲିସ ମୁଖ୍ୟାଳୟ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ପୂଜା ପାଇଁ ଭୁବନେଶ୍ୱର କମିଶନରେଟ ପୋଲିସ ପକ୍ଷରୁ ଏକ ସ୍ବତନ୍ତ୍ର ଅପରେସନ ଜାରି କରାଯାଇଛି । ଯାହାର ନା ରହିଛି ଅପରେସନ 'ତ୍ରିଭୁଜ' । ଅର୍ଥାତ୍ ସିସିଟିଭି ଜରିଆରେ ଟ୍ରାଫିକର ଭିଡ଼ ଓ ମଣ୍ଡପ ଉପରେ ନଜର ରଖାଯାଉଛି । ଡ୍ୟୁଟିରେ ଥିବା ପୋଲିସ ଅଫିସର ଓ କର୍ମାଚରୀଙ୍କ ଜରିଆରେ ପୁରା ସହରର ଟ୍ରାଫିକ ପରିଚାଳନା ଠାରୁ ଆରମ୍ଭ କରି ସହରରେ ହେଉଥିବା ଅପରାଧିକ ତତ୍ବ ଉପରେ ମଧ୍ୟ ନଜର ରଖିଛି ପୋଲିସ୍ । 'ତ୍ରିଭୁଜ' ଅପରେସନକୁ ମନିଟରିଂ କରିବା ପାଇଁ କଣ୍ଟ୍ରୋଲ ରୁମରୁ ଜଣେ ସିନିୟର ଅଫିସରଙ୍କ ନେତୃତ୍ବରେ ପୁରା ସହର ପ୍ରତିଟି ଗତିବିଧି ଉପରେ ନଜର ରଖିଛି ପୋଲିସ୍ । ବିଶେଷ କରି ପୂଜା ମଣ୍ଡପର ଭିଡ଼ ନିୟନ୍ତ୍ରଣ ପାଇଁ ଫୋର୍ସ ମୁଭମେଣ୍ଟ ଓ ଟ୍ରାଫିକର ସ୍ଥିତ ଦେଖି ଟ୍ରାଫିକ କ୍ଲିୟରାନ୍ସ ସହ ଅପରାଧିକ କାର୍ଯ୍ୟକଳାପ ଉପରେ ସାଧା ପୋଷାକରେ ନଜର ରଖିଛି ପୋଲିସ ।
- ଟ୍ରାଫିକ ନିୟନ୍ତ୍ରଣ ପାଇଁ ବ୍ୟବସ୍ଥା:
ଏନେଇ ଭୁବନେଶ୍ୱର ଡିସିପି ପିନାକ ମିଶ୍ର କହିଛନ୍ତି,'' ଜନସାଧାରଣଙ୍କର ଯାତାୟତରେ ଯେପରି ସ୍ବଭାବିକ ରହିବ ତାଉପରେ ଧ୍ୟାନ ଦିଆଯାଇଛି । ଏଥି ସହ ସ୍ପେଶାଲ ଟ୍ରାଫିକ ଟିମ୍ ନିୟୋଜିତ କରାଯାଇଛି। ଯେଉଁଠି ଭିଡ଼ ହେବାର ସମ୍ଭାବନା ରହିଛି ସେଠି ସ୍ପେଶାଲ ଟ୍ରାଫିକ ଟିମ୍ ମୁତୟନ କରାଯାଇଛି । ଏଥିସହ ପୂଜା ସମୟରେ ଚୋରି, ଛିତନାଇ ,ସିନ୍ଧି ଚୋରି ଓ ଅନ୍ୟ ଅପରାଧିକ ଉପରେ ବିଶେଷ ଧ୍ୟାନ ଦିଆଯାଇଛି । ଲୋକମାନେ ସମସ୍ତ ପ୍ରକାର ଅସୁବିଧାରୁ କିପରି ଦୂରରେ ରହିବେ ଓ ପୂଜାର କିପରି ମଜା ଉଠାଇପାରିବେ, ସେନେଇ ଆମେ ସମସ୍ତ ବ୍ୟବସ୍ଥା କରିଛୁ ।’’
ଡିସିପି ଆହୁରି ମଧ୍ୟ କହିଛନ୍ତି,‘‘ଟ୍ରାଫିକ ପାଇଁ ଜଣେ ଡିସିପି ରାଙ୍କର ଅଫିସରଙ୍କ ନେତୃତ୍ବରେ ଜଣେ ଏସିପି ଓ ଦୁଇ ଇନସ୍ପେକ୍ଟରଙ୍କ ସହ ୧୯ଜଣ ଏଏସଆଇ ଓ ଏସ ଆଇ, ୧୫ ସ୍ପେଶାଲ ଟ୍ରାଫିକ ଅଫିସର ସହ ମୋଟ ୩୦ ସେକ୍ସନ କେବଳ ଟ୍ରାଫିକ କର୍ମଚାରୀ ନିୟୋଜିତ ରହିଛନ୍ତି । ସୁରକ୍ଷା ଓ ନିରାପତ୍ତା ଦୃଷ୍ଟିରୁ ଦୁଇଟି ଡିସିପିଙ୍କ ତତ୍ତ୍ବାବଧାନରେ ଅତିରିକ୍ତ ଡିସିପି ୯ଜଣ ଓ ୪୨ଜଣ ଇନସ୍ପେକ୍ଟର ସହ ୧୫୨ଜଣ ସବ-ଇନସ୍ପେକ୍ଟର ଓ ଆସିଷ୍ଟାଣ୍ଟ ସବ-ଇନ୍ସପେକ୍ଟରଙ୍କ ସହ ହୋମଗାର୍ଡ, ଓଏପିଏଫ ଓ ଅନ୍ୟ ହାବିଲଦାର ଓ କନଷ୍ଟେବଳଙ୍କୁ ମିଶାଇ ମୋଟ ୩୩ ପ୍ଲାଟୁନ ଫୋର୍ସ ମୁତୟନ କରଯାଇଛି ଭୁବନେଶ୍ୱରରେ । ୧୮୭ଟି ମଣ୍ଡପରେ ପୂଜା ଚାଲିଛି । ଶୃଙ୍ଖଳିତ ଦର୍ଶନ ସହ ଲୋକେ କିପରି ସୁବିଧାରେ ପୂଜା ମଣ୍ଡପ ବୁଲିବା ତାର ବ୍ୟବସ୍ଥା ହୋଇଛି । ତେଣୁ ଟ୍ରାଫିକ ନିୟନ୍ତ୍ରଣ କରୁଛି କମିଶନରେଟ ପୋଲିସ। ''
ଇଟିଭି ଭାରତ, ଭୁବନେଶ୍ବର
