ଝାରସୁଗୁଡ଼ା: ବରଗଡ଼ ସାଂସଦ ସୁରେଶ ପୂଜାରୀଙ୍କ ଅଫିସ ଆଗରେ ଖସିଲା ଡ୍ରୋନ । ସନ୍ଦିଗ୍ଧ ଡ୍ରୋନକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି । ଏସପି ସ୍ମିତ ପି ପରମାର କହିଛନ୍ତି, "ବନ ବିଭାଗ ଦ୍ୱାରା ଚାରା ଗଣନା କିମ୍ବା ବୃକ୍ଷ ଗଣନା ପାଇଁ ଡ୍ରୋନ ବ୍ୟବହାର କରାଯାଇ ଥାଇପାରେ ।" ପ୍ରାଥମିକ ତଦନ୍ତରୁ ଏଭଳି ଅନୁମାନ କରାଯାଉଥିବା ନେଇ ଏସପି ସୂଚନା ଦେଇଛନ୍ତି ।
ବ୍ରଜରାଜନଗର ନିର୍ବାଚନ ମଣ୍ଡଳୀ ପାଇଁ ବର୍ତ୍ତମାନ ବିଜେପି ବିଧାୟକ ପ୍ରାର୍ଥୀ ହୋଇଛନ୍ତି ସୁରେଶ ପୂଜାରୀ । ବ୍ରଜରାଜନଗର ନିର୍ବାଚନ ମଣ୍ଡଳୀ, ଓରିଏଣ୍ଟ ଥାନା ଅନ୍ତର୍ଗତ ଆମଦରହ ନିକଟରେ ଥିବା ସୁରେଶ ପୂଜାରୀଙ୍କ ଅଫିସ ନିକଟରେ ଆଜି ଖସିଛି ଏହି ସନ୍ଦିଗ୍ଧ ଡ୍ରୋନ । ବେଲପାହାଡ଼ ପୋଲିସ ଘଟଣାସ୍ଥଳରେ ପହଞ୍ଚି ଡ୍ରୋନକୁ ଜବତ କରିଛି । ତେବେ ଡ୍ରୋନଟି ବନ ବିଭାଗର ନା ଆଉ କାହାର ସେନେଇ ଅଧିକ ତଦନ୍ତ ଆରମ୍ଭ କରିଦେଇଛି । ତେବେ ଡ୍ରୋନଟି ବନ ବିଭାଗର ହୋଇଥିବା ଅନୁମାନ କରାଯାଉଛି ଏବଂ ଏନେଇ ଅଧିକ ତଦନ୍ତ କରାଯାଉଛି କହିଲେ ଏସପି ସ୍ମିତ ପି ପରମାର ସୂଚନା ଦେଇଛନ୍ତି ।
ଏହା ବି ପଢନ୍ତୁ...ମାଛ ଧରୁଥିଲେ ମତ୍ସଜୀବୀ, ଜାଲରେ ପଡିଲା ରକେଟ୍ ଡ୍ରୋନ୍
ଗତ ୨ ତାରିଖରେ ଝାରସୁଗୁଡା ଜିଲ୍ଲାର ଦୁଇଟି ନିର୍ବାଚନ ମଣ୍ଡଳୀର ପ୍ରାର୍ଥୀ ଘୋଷଣା କରିଥିଲା ଭାରତୀୟ ଜନତା ପାର୍ଟି । ଦଳର ବରିଷ୍ଠ ନେତା ସୁରେଶ ପୂଜାରୀଙ୍କୁ ଦଳ ବ୍ରଜରାଜନଗର ବିଧାୟକ ପ୍ରାର୍ଥୀ ଭାବେ ଘୋଷଣା କରିଛି । ପୂର୍ବରୁ ୨୦୧୯ ନିର୍ବାଚନରେ ସେ ବରଗଡ ସଂସଦୀୟ କ୍ଷେତ୍ରର ପ୍ରାର୍ଥୀ ଭାବେ ବିଜୟ ଲାଭ କରିଥିଲେ । ବର୍ତ୍ତମାନ ବରଗଡ଼ର ସାଂସଦ ଥିବା ସୁରେଶ ଏଥର ବିଧାନସଭା ଆସନ ପାଇଁ ନିର୍ବାଚନ ଲଢିବାକୁ ଯାଉଛନ୍ତି । ନିର୍ବାଚନକୁ ଆଉ ମାତ୍ର ଅଳ୍ପ ଦିନ ବାକି ଥିବାବେଳେ ସନ୍ଦିଗ୍ଧ ଡ୍ରୋନକୁ ନେଇ ସେ ଚିନ୍ତା ପ୍ରକଟ କରିଛନ୍ତି । ସାଂସଦଙ୍କ ଅଫିସ ପରିସରକୁ ଏହି ଡ୍ରୋନ କିପରି ଆସିଲା ସେନେଇ ତଦନ୍ତ ଦାବି ହୋଇଛି । ବନ ବିଭାଗ ପରୀକ୍ଷା ମୂଳକ ଭାବେ ବ୍ୟବହା କରୁଥିବା ଡ୍ରୋନ ଏପରି ଖସିଯାଇଥାଇପାରେ ବୋଲି ସୂଚନା ଦେଇଛନ୍ତି ଏସପି ସ୍ମିତ ପି ପରମାର । ଏନେଇ ଅଧିକ ପୋଲିସ ଅଧିକ ଛାନଭିନ ଜାରି ରଖିଥିବା ଏସପି କହିଛନ୍ତି ।
ଇଟିଭି ଭାରତ, ଝାରସୁଗୁଡ଼ା
