ବାଲେଶ୍ବର: ଚାନ୍ଦିପୁର ସମନ୍ବିତ ପରୀକ୍ଷଣ ଘାଟି (ଆଇଟିଆର)ରୁ ସଫଳତାର ସହ ପରୀକ୍ଷଣ ହେଲା ଦୂରଗାମୀ ଆଟାକ୍ କ୍ରୁଜ ମିସାଇଲ୍ (LRLACM)। ଗତକାଲି (ମଙ୍ଗଳବାର) ସଂଧ୍ୟାରେ ପ୍ରତିରକ୍ଷା ବିକାଶ ଓ ଗବେଷଣା ସଂସ୍ଥା (ଡିଆରଡିଓ) ପକ୍ଷରୁ ଏହି ପରୀକ୍ଷଣକୁ ସଫଳତାର ସହ ଶେଷ କରାଯାଇଛି । ଏକ ମୋବାଇଲ ଲଞ୍ଚପ୍ୟାଡରୁ ଏହି ପରୀକ୍ଷଣ କରାଯାଇଥିଲା । ଏହି ସମୟରେ ସମସ୍ତ ପାରାମିଟର ସଠିକ ଭାବେ କାମ କରିଥିବା ଓ ପରୀକ୍ଷଣ ସଫଳ ହୋଇଥିବା ସଂସ୍ଥା ପକ୍ଷରୁ କୁହାଯାଇଛି ।
ପରୀକ୍ଷଣ ସମୟରେ ରାଡାର, ଇଲେକ୍ଟ୍ରୋ-ଅପ୍ଟିକାଲ ଟ୍ରାକିଂ ସିଷ୍ଟମ ଏବଂ ଟେଲିମେଟ୍ରି ଉପକରଣ ସମେତ ବିଭିନ୍ନ ସେନସର ମାଧ୍ୟମରେ ଏହି କ୍ଷେପଣାସ୍ତ୍ରର ସଠିକତା ଓ କାର୍ଯ୍ୟଦକ୍ଷତା ଉପରେ ନଜର ରଖାଯାଇଥିଲା । ବର୍ଦ୍ଧିତ କାର୍ଯ୍ୟଦକ୍ଷତା ନିଶ୍ଚିତ କରିବାକୁ ଏହି କ୍ଷେପଣାସ୍ତ୍ରକୁ ଡିଜାଇନ୍ କରାଯାଇଛି । ଏହା ଦୂରଗାମୀ କ୍ଷେପଣାସ୍ତ୍ର ଓ ଏକ ଲମ୍ବା ଦୂରତା ଅତିକ୍ରମ କରି ଶତ୍ରୁର ପୋଷ୍ଟକୁ ଟାର୍ଗେଟ କରିବାରେ ସମ୍ପୂର୍ଣ୍ଣ ସକ୍ଷମ । ପୂର୍ବରୁ ମଧ୍ୟ ବାଲେଶ୍ବର ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ ଏକାଧିକ ବଡ ପରୀକ୍ଷଣ କରିସାରିଛି ଡିଆରଡିଓ । କିଛି ପରୀକ୍ଷଣ ବେଳେ ସ୍ଥାନୀୟ ଲୋକଙ୍କୁ ସ୍ଥାନାନ୍ତର ମଧ୍ୟ କରାଯାଇଥିଲା । କ୍ଷେପଣାସ୍ତ୍ର ଘାଟିର ପ୍ରାୟ 3 କିମି ପରିଧି ମଧ୍ୟରେ ଥିବା ଲୋକଙ୍କୁ ସୁରକ୍ଷିତ ସ୍ଥାନରେ ଅସ୍ଥାୟୀ ଆଶ୍ରୟସ୍ଥଳୀକୁ ସ୍ଥାନାନ୍ତରଣ କରିଥିଲା ପ୍ରଶାସନ । ଏଥିପାଇଁ ଡିଆରଡିଓ ପକ୍ଷରୁ ସେମାନଙ୍କୁ କ୍ଷତିପୂରଣ ମଧ୍ୟ ଦିଆଯାଇଥିଲା । ପରୀକ୍ଷଣ ଶେଷ ହେବା ପରେ ସଂଧ୍ୟାରେ ସେମାନେ ଘରକୁ ଫେରିଥିଲେ । ମାତ୍ର ଗତକାଲିର ପରୀକ୍ଷଣ ପାଇଁ ସ୍ଥାନୀୟ ଲୋକଙ୍କୁ ସ୍ଥାନାନ୍ତରଣ କରିବାର ଆବଶ୍ୟକତା ପଡିନଥିଲା ।
Maiden flight-test of Long Range Land Attack Cruise Missile (LRLACM) was conducted today from the Integrated Test Range (ITR), Chandipur off the coast of Odisha. During the test, all sub-systems performed as per expectation and met the primary mission objectives pic.twitter.com/JnJAA4Fy7n
— DRDO (@DRDO_India) November 12, 2024
The @DRDO_India has conducted the Maiden Flight Test of Long Range Land Attack Cruise Missile (LRLACM) from a mobile articulated launcher at ITR Chandipur.
— रक्षा मंत्री कार्यालय/ RMO India (@DefenceMinIndia) November 12, 2024
Raksha Mantri, Shri @rajnathsingh has congratulated DRDO, Armed Forces, and Industry on the successful Maiden Flight Test… pic.twitter.com/uHFzmuDC0Y
- ଶୁଭେଚ୍ଛା ଜଣାଇଲେ ରାଜନାଥ-ନବୀନ
ପରୀକ୍ଷଣ ସଫଳ ହେବା ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ‘ଡିଆରଡିଓ’ର ସମସ୍ତ ବୈଜ୍ଞାନିକଙ୍କୁ ଶୁଭେଚ୍ଛା ଜଣାଇଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ମଧ୍ୟ ‘ଡିଆରଡିଓ’ ବୈଜ୍ଞାନିକଙ୍କୁ ‘ଏକ୍ସ’ରେ ଟ୍ବିଟ୍ କରି ଶୁଭେଚ୍ଛା ଜଣାଇଛନ୍ତି । ଗତକାଲିର ଏହି ପରୀକ୍ଷଣ ସମୟରେ ‘ଡିଆରଡିଓ’ର ବରିଷ୍ଠ ବୈଜ୍ଞାନିକମାନେ ଉପସ୍ଥିତ ଥିଲେ ।
ଇଟିଭି ଭାରତ, ବାଲେଶ୍ବର
