ଭୁବନେଶ୍ବର: ଆଗକୁ ସାଧାରଣ ନିର୍ବାଚନ । ଏନେଇ ବାଜି ସାରିଛି ବିଗୁଲ । ବିଜେପି କେନ୍ଦ୍ର ସରକାରଙ୍କ ସଫଳତା ନେଇ ଲୋକଙ୍କ ପାଖକୁ ଯିବାକୁ ଯୋଜନା କରୁଥିବାବେଳେ ରାଜ୍ୟରେ ଶାସକ ବିଜେଡି ରାଜ୍ୟ ସରକାରଙ୍କ ଜନକଲ୍ୟାଣକାରୀ ଯୋଜନା ଲୋକଙ୍କ ପାଖରେ ପହଞ୍ଚାଇବାକୁ ଚେଷ୍ଟା କରୁଛି । ତେବେ ଏହି ସମୟରେ ଉଭୟ ବିଜେପି ଓ ବିଜେଡି ସରକାରଙ୍କ ବିଫଳତାକୁ ଅସ୍ତ୍ର କରିଛି କଂଗ୍ରେସ । ତେବେ ରାଜ୍ୟ ସରକାର ବିଭିନ୍ନ ପ୍ରତିଶ୍ରୁତି ଦେଇ ଭୁଲି ଯାଇଥିବା କଂଗ୍ରେସ ଆଣିଛି ଅଭିଯୋଗ । କଂଗ୍ରେସ ମୁଖପାତ୍ର ସିଦ୍ଧାର୍ଥ ରାଉତରାୟ ଏକ ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ।
ତେବେ ସେ ଅଭିଯୋଗ କରିଛନ୍ତି ଯେ, 'ଭାରତର ଦୁର୍ନୀତି ତାଲିକାରେ ଓଡ଼ିଶା ବହୁତ ଆଗରେ l ଯୋଗାଯୋଗ ବିଭାଗ , ୫ଟି ସ୍କୁଲ ଯୋଜନା ପ୍ରତ୍ୟେକ ବିଭାଗରେ ଦୁର୍ନୀତି ହେଉଛି l ଅନେକ ଯୋଜନା ହେଉଛି ରଙ୍ଗ ଦିଆଯାଉଛି କିନ୍ତୁ ସେଗୁଡିକ ବ୍ୟବାହର କରିବା ପାଇଁ କେହି ନାହାନ୍ତି l କିଛି କିଛି ସ୍ଥାନରେ ବିବାହ ମଣ୍ଡପ ତିଆରି ହୋଇଛି ତାହା ମଧ୍ୟ ଲୋକଙ୍କ ବ୍ୟବହାର ରେ ଆସୁନାହିଁ l ସେହିପରି ମାର୍କେଟ କମ୍ପଲେକ୍ସ ମଧ୍ୟ କିଛି ସ୍ଥାନରେ ତିଆରି ହେଉଛି ହେଲେ ସେହି ସ୍ଥାନକୁ ଲୋକ ଯାଉଁନାହାନ୍ତି l ଅଢେଇ ହଜାର କୋଟି ଖର୍ଚ୍ଚ କରି ନଳକୂପ ବ୍ୟବସ୍ଥା ହୋଇଥିଲା ବିଭିନ୍ନ ସ୍ଥାନରେ ତାହା ମଧ୍ୟ ହେଉନାହିଁ l ଏଥି ସହ ଖଣିରେ ସର୍ବାଧିକ ଠକେଇ ଓ ସିଟି ବସରେ ମଧ୍ୟ ପର୍ଯ୍ୟାପ୍ତ ପରିମାଣର ଠକେଇ କରଯାଇଛି l '
ସେ ଅଭିଯୋଗ କରିଛନ୍ତି ଯେ, ' ରାଜ୍ୟରେ ଗତ ୨୪ ବର୍ଷଧରି ଶାସନ କରୁଥିବା ନବୀନ ସରକାର ହେଉଛି ପିସି ସରକାର । ପଞ୍ଚାୟତଠାରୁ ଆରମ୍ଭ କରି ଲୋକସେବା ଭବନ ପର୍ଯ୍ୟନ୍ତ ଚାଲିଛି ପିସି କାରବାର । ବିଜେଡିର ମନ୍ତ୍ରୀ, ନେତା, ଯନ୍ତ୍ରୀ, ଅଫିସର ମାନେ ଏଥିରେ ସଂପୃକ୍ତ । ଆବାସ ଯୋଜନାରେ ବାସଗୃହରୁ ବଞ୍ଚିତ ଥିବା ପ୍ରତ୍ୟେକ ହିତାଧିକାରୀମାନଙ୍କଠାରୁ ୨୦-୩୦ ହଜାର ଟଙ୍କା ପର୍ଯ୍ୟନ୍ତ ପିସି ନିଆଯାଉଛି । ସେହିପରି ଇଲେକ୍ଟ୍ରିସିଟି ବୋର୍ଡ, ବ୍ୟାକ୍ଟ ଅଫିସ, ଜଙ୍ଗଲଜମିରେ ଦୁର୍ନୀତି, ୫ଟି ସ୍କୁଲ, ପରିବହନ ଅଫିସ, ରାସ୍ତା ନିର୍ମାଣ ଆଦିରେ ବ୍ୟାପକ ପିସି କାରବାର ଚାଲିଛି । ଏପରିକି ସବରେଜିଷ୍ଟ୍ରର କାର୍ଯ୍ୟାଳୟରେ ଜମି ରେଜିଷ୍ଟ୍ରେସନ ଏବଂ ଜମିର କିସମ ପରିବର୍ତ୍ତନ ସମୟରେ ସାଧାରଣ ଗରିବ ଲୋକଙ୍କ ଠାରୁ ମଧ୍ୟ ପିସି ନିଆଯାଉଛି । ' ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏହିଭଳି ସଂଗୀନ ଅଭିଯୋଗ ଆଣି ରାଜ୍ୟ ସରକାରଙ୍କୁ ଟାଗ୍ରେଟ କରିଛନ୍ତି ପ୍ରଦେଶ କଂଗ୍ରେସ କମିଟିର ମୁଖପାତ୍ର ସିଦ୍ଧାର୍ଥ ରାଉତରାୟ ।
ସେ ଆହୁରି ମଧ୍ଯ କହିଛନ୍ତି ଯେ 'ତାମିଲ ଅଫିସରଙ୍କ ସହଯୋଗରେ ଭୁବନେଶ୍ବରରେ ଶତାଧିକ ଏକର ଜମି ମୋଟା ଅଙ୍କର ପିସି ନେଇ ଅଣ ଓଡ଼ିଆଙ୍କ ହାତକୁ ଟେକି ଦେଇଛନ୍ତି ରାଜ୍ୟ ସରକାର । ସେହିପରି ରାଜ୍ୟର ବିଭିନ୍ନ ସ୍ଥାନରେ ଏବେ ନୂଆ କରି ତିଆରି ହେଉଥିବା ବସଷ୍ଟାଣ୍ଡ କାର୍ଯ୍ୟରେ ଅନେକ ପରିମାଣର ଟଙ୍କା ହେରଫେର ହେଉଛି । ରାଜ୍ୟର ସମସ୍ତ ପଞ୍ଚାୟତମାନଙ୍କରେ ନିର୍ମାଣ ହେଉଥିବା ଆବର୍ଜନା କୁଣ୍ଡ ମାଧ୍ୟମରେ କୋଟି କୋଟି ଟଙ୍କାର ଅର୍ଥ ହରିଲୁଟ କରାଯାଉଛି । ଚାଷୀମାନଙ୍କୁ ଚାଷ ପାଇଁ ଆବଶ୍ୟକ ପରିମାଣର ପାଣି ଯୋଗାଇ ନ ଦେଇ ବିଜେଡ଼ି ସରକାର କଳକାରଖାନାକୁ ପାଣି ଯୋଗାଉଛନ୍ତି । ଏହା ଫଳରେ ଚାଷ କ୍ଷେତ୍ରରେ ପାଣିର ଘୋର ଅଭାବ ରାଜ୍ୟରେ ଦେଖାଯାଉଛି । ' ଏହା ସହିତ ସିଦ୍ଧାର୍ଥ ରାଉତରାୟ ରାଜ୍ୟରେ ଚାଲିଥିବା ଖଣି ଦୁର୍ନୀତି ସହିତ ଖଣି କାରବାରରେ ହେଉଥିବା ବ୍ୟାପକ ପିସି ଉପରେ ମଧ୍ୟ ଆଲୋକପାତ କରିଛନ୍ତି ।
ଇଟିଭି ଭାରତ,ଭୁବନେଶ୍ବର
