ମାଲକାନଗିରି: ଆତ୍ମସମର୍ପଣ କଲା ଛତିଶଗଡି ଦୁର୍ଦ୍ଦାନ୍ତ ମାଓବାଦୀ । ମାଲକାନଗିରି ଏସପି ଏବଂ ଦକ୍ଷିଣ ପଶ୍ଚିମାଞ୍ଚଳ DIGଙ୍କ ନିକଟରେ ଆତ୍ମସାମର୍ପଣ କରିଛନ୍ତି ଜଣେ ମାଓବାଦୀ । କମ୍ ବୟସରେ ମାଓ ସଂଗଠନରେ ସାମିଲ ହୋଇ ବହୁ ହିଂସାକାଣ୍ଡରେ ସାମିଲ ଥିବା ପୋଲସ ପକ୍ଷରୁ ସୂଚନା ଦିଆଯାଇଛି । ତେବେ ଆତ୍ମସାମର୍ପଣ କରିଥିବା ମାଓବାଦୀଙ୍କ ଜଣକ ହେଲେ ମୁକେଶ କୋରଷା । ସେ ଛତିଶଗଡ଼ ସୁକମା ଜାଗରକୋଣ୍ଡା ଥାନା ଅଞ୍ଚଳର ସିଲଗେର ।
ଆତ୍ମସମର୍ପଣ କଲା ଦୁର୍ଦ୍ଦାନ୍ତ ମାଓବାଦୀ:
ମୁକେଶ ୨୦୨୩ ମସିହାରେ ମାଓ ସଂଗଠନରେ ସାମିଲ ହୋଇଥିଲେ । ଦୀର୍ଘ ୮ ମାସ ହେବ ମାଓ ସଂଗଠନରେ କାର୍ଯ୍ୟ କରି ଆସୁଥିଲା । ଏଥିସହିତ ବହୁ ମାଓ ହିଂସାକାଣ୍ଡରେ ସାମିଲ ଥିଲା । ମାଓ ସଂଗଠନ ପକ୍ଷରୁ ଏଭଳି ନାବାଳକ ତଥା ଯୁବକ ଯୁବତୀଙ୍କୁ ସଂଗଠନରେ ସାମିଲ କରି ହିଂସାର ମାର୍ଗ ଆପଣେଥିବା ଦେଖିବାକୁ ମିଳିଛି କହିଛନ୍ତି DIG । ମୁକେଶଙ୍କ ଉପରେ ରାଜ୍ୟ ସରକାରଙ୍କ ଆତ୍ମସମର୍ପଣ ନୀତି ଅନୁଯାଇ ୨ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରିବା ସହିତ ସରକାରଙ୍କ ଥଇଥାନ ନୀତି ଅନୁଯାଇ ପଦକ୍ଷେପ ନିଆଯିବ ବୋଲି ଡିଆଇଜି ଚରଣ ସିଂ ମିନା ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
'ବହୁ ହିଂସାକାଣ୍ତରେ ସାମିଲ ଥିଲା ମୁକେଶ':
ଏନେଇ DIG ଚରଣ ସିଂ ମିନା କହିଛନ୍ତି,"ଓଡିଶାରେ ମାଓବାଦୀ ମାନଙ୍କର ଗତିବିଧି ବହୁ ପରିମାଣରେ କମିଛି । ତାସହ ବିଗତ କିଛିବର୍ଷରେ ମାଲକାନଗିରି ଜିଲ୍ଲାରେ ମଧ୍ୟ ମାଓବାଦୀମାନଙ୍କ ଗତିବିଧି ବହୁ ପରିମାଣର କମିବା ସହ କିଛି ଅଞ୍ଚଳ ମଧ୍ୟରେ ସିମିତ ରହିଛି । ଜିଲ୍ଲାର ବିଭିନ୍ନ ଅଞ୍ଚଳର ବିକାଶ ହବାସହ ପୋଲିସର ଲୋକମାନଙ୍କ ସହ ସୁସମ୍ପର୍କ ହବା ଦ୍ବାରା କିଛିବର୍ଷ ମଧ୍ୟରେ ବହୁ ପରିମାଣର ମାଓବାଦୀ ମାନେ ଆତ୍ମସମର୍ପଣ କରିଛନ୍ତି । ଏହି ପ୍ରକ୍ରିୟାରେ ଛତିଗଡ ସୁକୁମା ଜିଲ୍ଲା ଜାଗରକୋଣ୍ଡା ଥାନା ଅଧିନସ୍ଥ ସିଲଗେର ଗ୍ରାମର ମୁକେଶ କୋରଷା ମାଲକାନଗିରି ପୋଲିସ ନିକଟରେ ଆତ୍ମସାମର୍ପଣ କରିଛି । ସେ ୨୦୨୩ ମସିହାରେ ମାଓ ସଂଗଠନରେ ସମିଲ ହୋଇଥିଲା । କମ୍ ସମୟ ମଧ୍ୟରେ ବି ସେ ବହୁ ମାଓ ଘଟଣାରେ ଜଡିତ ଥିଲେ । ସେଗୁଡିକ ମଧ୍ୟରୁ ଜିରମ୍ ଜଙ୍ଗଲେ ମାଓବାଦୀ ଓ ପୋଲିସ୍ ମଧ୍ୟରେ ଗୁଳିବିନିମୟ ହୋଇଥିଲା ଯେଉଁଥିରେ ଛତିଶଗଡର ୪ଜଣ ଯବାନ ସହିଦ୍ ହୋଇଥିଲେ । ଟିପୁରାମ୍ ଠାରେ ମଧ୍ୟ ଯବାନ ମାନଙ୍କ ସହ ଗୁଳି ବିନିମୟରେ ମାଓବାଦୀଙ୍କ ସହ ସେ ଉପସ୍ଥିତ ଥିଲା ।"
'ସରକାରଙ୍କ ଥଇଥାନ ନୀତି ଅନୁଯାଇ ପଦକ୍ଷେପ ନିଆଯିବ':
ସେ ଆହୁରି ମଧ୍ୟ କହିଛନ୍ତି," ଯେତେବେଳେ ସେ ଦେଖିଲା ମାଓବାଦୀ ମାନେ ସବୁବେଳେ ଉନ୍ନୟନ ମୂଳକ କାମରେ ବାଧକ ସାଜି ସାଧାରଣ ଲୋକଙ୍କୁ ହଇରାଣ କରିବା ସହ ବିଭିନ୍ନ ପୋଲିସମାନଙ୍କ ଉପରେ ଆକ୍ରମଣ କରୁଛନ୍ତି । ଯେଉଁଥି ପାଇଁ ସେ ମାଲକାନଗିରି ପୋଲିସ ନିକଟରେ ଆତ୍ମସାମର୍ପଣ କରିଛନ୍ତି । ଏହାସହ ସେ ଜଣେ ୧୮ବର୍ଷରୁ କମ୍ ବୟସର ନାବାଳକ ପିଲା । ଏଣୁ ମାଓବାଦୀମାନେ ଶିଶୁ ସୁରକ୍ଷା ଅଧିକାର ନିୟମକୁ ଉଲ୍ଲଙ୍ଘନ କରି ଛୋଟଛୋଟ ପିଲାମାନଙ୍କୁ ମାଓ ସଙ୍ଗଠନରେ ବିଭିନ୍ନ ପ୍ରକାର ନିର୍ଯାତନା ଦେଉଥିବା ମୁକେଶ କହିଛନ୍ତି । ମୁକେଶଙ୍କ ଉପରେ ରାଜ୍ୟ ସରକାରଙ୍କ ଆତ୍ମସମର୍ପଣ ନୀତି ଅନୁଯାଇ ୨ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ କରିବା ସହିତ ସରକାରଙ୍କ ଥଇଥାନ ନୀତି ଅନୁଯାଇ ପଦକ୍ଷେପ ନିଆଯିବ ।"
ଇଟିଭି ଭାରତ, ମାଲକାନଗିରି
