ଭୁବନେଶ୍ବର: କ୍ୟାପିଟାଲ ହସ୍ପିଟାଲ୍ ରୋଗୀ କଲ୍ୟାଣ ସମିତି ବୈଠକରେ ନିଷ୍ପତ୍ତି । କ୍ୟାପିଟାଲ୍ ହସ୍ପିଟାଲ୍ରେ ୪୦କୁ ବଢ଼ିବ ICU ବେଡ୍ । ଡିସେମ୍ବର ସୁଧା କାର୍ଯ୍ୟକାରୀ ହେବ ଟ୍ରମା ସେଣ୍ଟର । ଏନେଇ ସୂଚନା ଦେଇଛନ୍ତି ରୋଗୀ କଲ୍ୟାଣ ସମିତି ଅଧ୍ୟକ୍ଷା ତଥା ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ତେବେ ଏବେ ହସ୍ପିଟାଲ୍ରେ ୧୬ଟି ICU ବେଡ୍ ଅଛି, ଖୁବଶୀଘ୍ର ୪୦ଟି କରାଯିବ । ପ୍ରତି ମାସ ହସ୍ପିଟାଲକୁ ୧୪୩୨ଟି ଡାଏଲେସିସ୍ କେସ୍ ଆସୁଛି । ବର୍ତ୍ତମାନ ୩ଟି ସିଟିଂରେ ଡାଏଲେସିସ୍ ଚାଲିଛି, ଏହାକୁ ୪ଟି ସିଟିଂରେ କରାଯିବ ବୋଲି ସୂଚନା ମିଳିଛି ।
୨୦୨୫ ସୁଧା ନୂଆ କ୍ୟାଣ୍ଟିନ:
ଗ୍ରୁପ ଡି କର୍ମଚାରୀ ମାନଙ୍କର ଯେଉଁ କ୍ୟାଣ୍ଟିନ ରହିଛି ତାହା କାର୍ଯ୍ୟକ୍ଷମ କରାଯାଇନାହିଁ । ଏହାକୁ ନେଇ ଦୁଇଟି ନିସ୍ପତି ନିଆଯାଇଛି । ଗୋଟିଏ ହସ୍ପିଟାଲ ପରିସରରେ ବଡ କ୍ୟାଣ୍ଟିନ କରାଯିବ । ଯାହା 2025 ସୁଧା କାର୍ଯ୍ୟକ୍ଷମ କରାଯିବ । ଦ୍ବିତୀୟ ଯେଉଁ ପୁରୁଣା କ୍ୟାଣ୍ଟିନ ରହିଛି,ତାହାର ସମ୍ମୁଖରୁ ଜବର ଦଖଲକାରୀଙ୍କୁ ଉଚ୍ଛେଦ କରାଯିବ ବୋଲି କହିଛନ୍ତି ଭୁବନେଶ୍ଵର ସଂସାଦ ତଥା କ୍ୟାପିଟାଲ ହସ୍ପିଟାଲ ରୋଗୀ କଲ୍ୟାଣ ସମିତିର ଅଧ୍ୟକ୍ଷା ଅପରାଜିତା ଷଡଙ୍ଗୀ ।
୪୦କୁ ବଢ଼ିବ ICU ବେଡ୍ ସଂଖ୍ୟା: ସେ ଆହୁରି ମଧ୍ୟ କହିଛନ୍ତି," କ୍ୟାପିଟାଲ ହସ୍ପିଟାଲରେ ଆଇସିୟୁ ବେଡ ସଂଖ୍ୟା ବଢିବା ନେଇ ନିଷ୍ପତ୍ତି ନିଆଯାଇଛି । ବର୍ତ୍ତମାନ ହସ୍ପିଟାଲ୍ରେ ୧୬ଟି ICU ବେଡ୍ ରହିଛି । ଖୁବଶୀଘ୍ର ଏହାକୁ ୪୦କୁ ବୃଦ୍ଧି କରାଯିବ । "
4ଟି ସିଟିଂରେ ଡାଏଲେସିସ ବ୍ୟବସ୍ଥା:
"ଡାଏଲେସିସ୍ ପାଇଁ ହସ୍ପିଟାଲକୁ ବହୁ ସଂଖ୍ୟାରେ ରୋଗୀ ଆସୁଛନ୍ତି । ପାଖାପାଖି ୧୪୩୨ କେସ ଡାଏଲେସିସ୍ ପାଇଁ ଆସୁଛନ୍ତି । ବର୍ତ୍ତମାନ ସମୟରେ ୩ଟି ସିଟିଂରେ ଡାଏଲେସିସ୍ ଚାଲିଛି । ଆଗକୁ ଆହୁରି ୪ଟି ସିଟିଂରେ ଡାଏଲେସିସ ବ୍ୟବସ୍ଥା କରାଯାଉଛି । ଯାହା ଏକ ବଡ ନିଷ୍ପତ୍ତି ଅଟେ । ଏନେଇ ଆଲୋଚନା କରି ଆକ୍ସନ ପ୍ଳାନ କରିବେ କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ । ଯାହା ଫଳରେ ଡାଏଲେସିସ୍ ରୋଗୀଙ୍କୁ ସ୍ୱାସ୍ଥ୍ୟ ସେବା ସୁବିଧାରେ ମିଳିପାରିବ ।"
ମିଶନ ଶକ୍ତି କାଫେ:
ଚଳିତ ବର୍ଷ ଶେଷ ସୁଧା ଟ୍ରମା ସେଣ୍ଟର କାର୍ଯ୍ୟ ଶେଷ ହେବ :
ଡିସେମ୍ବର ୧୫ ସୁଧା କ୍ୟାପିଟାଲ ହସ୍ପିଟାଲରେ ଥିବା ଟ୍ରମା ସେଣ୍ଟରର କାର୍ଯ୍ୟ ସରିବ । ଟ୍ରମା ସେଣ୍ଟରକୁ କାର୍ଯ୍ୟକ୍ଷମ କରିବାକୁ ଯେଉଁ ସମସ୍ତ ମୌଳିକ ଜିନିଷ ଆବଶ୍ୟକ, ସେଗୁଡିକ ଜିଲ୍ଲାପାଳଙ୍କ ସହ ଆଲୋଚନା କରି ସିଏମଓଙ୍କୁ ପଠାଇବେ ହସ୍ପିଟାଲ ନିର୍ଦ୍ଦେଶକ ବୋଲି କହିଛନ୍ତି ଭୁବନେଶ୍ଵର ସଂସାଦ ଅପରାଜିତା ଷଡଙ୍ଗୀ ।
ଇଟିଭି ଭାରତ ,ଭୁବନେଶ୍ବର
