ଭୁବନେଶ୍ବର: ବିଜେଡ଼ି ସରକାର ସମୟରେ ଚାଲିଥିଲା ଖୁଲମଖୁଲା ଦୁର୍ନୀତି । ଭିଜିଲାନ୍ସ ଚଢ଼ାଉ ବେଳେ ବିଜେଡ଼ି ସରକାରରେ ଦୁର୍ନୀତିର ମିଳୁଛି ପ୍ରମାଣ । ନବୀନ ସରକାର ସମୟରେ ଅଫିସର ମାନଙ୍କ ଘରେ ଥିଲା ମିନି ରତ୍ନଭଣ୍ଡାର । 24 ବର୍ଷ ଧରି ଦୁର୍ନୀତିକୁ ନୀତି କରିଥିଲେ ନବୀନ ସରକାର । ରାଜ୍ୟରେ ଲଗାତାର ଚାଲିଥିବା ଭିଜିଲାନ୍ସ ରେଡକୁ ନେଇ ପୂର୍ବ ବିଜେଡ଼ି ସରକାର ଉପରେ ବର୍ଷିଲା ବିଜେପି ।
Today, Sri Tara Pd Mishra, Ex Chief Engr, R&B, was arrested by #Odisha #Vigilance in DA case & remanded to jail. Assets incld 11 Flats incl 1 in Ranchi, a 4 storey bldg at BBSR, 7 Plots, Deposits Rs.2.7 Crore, Gold 2.5kg, Cash Rs 6 Lakh & a Mecedes Benz car unearthed. Invstgn on. pic.twitter.com/IjNPbrFgQd
— Odisha Vigilance (@OdishaVigilance) August 13, 2024
"ବିଜେଡ଼ି ସରକାର ସମୟରେ ଚାଲିଥିଲା ଖୁଲମଖୁଲା ଦୁର୍ନୀତି । ଭିଜିଲାନ୍ସ ଚଢ଼ାଉ ବେଳେ ବିଜେଡ଼ି ସରକାରରେ ଦୁର୍ନୀତିର ମିଳୁଛି ପ୍ରମାଣ । ନବୀନ ସରକାର ସମୟରେ ଅଫିସର ମାନଙ୍କ ଘରେ ଥିଲା ମିନି ରତ୍ନଭଣ୍ଡାର । 24 ବର୍ଷ ଧରି ଦୁର୍ନୀତିକୁ ନୀତି କରିଥିଲେ ନବୀନ ସରକାର । ମାସେ ହେଲା ଭିଜିଲାନ୍ସ ଚଢ଼ାଉକୁ ନେଇ ଲୋକଙ୍କ ମନରେ ପ୍ରଶ୍ନ ଉଠିଲାଣି, ଯେ ବିଜେଡ଼ି ସରକାର ସମୟରେ କିପରି ଭାବେ ସରକାରୀ ଅର୍ଥକୁ ବେଧଡକ ଲୁଟ କରାଯାଉଥିଲା, ତାହାର ପ୍ରମାଣ ଏବେ ଓଡ଼ିଶା ଲୋକ ଦେଖୁଛନ୍ତି । ପୂର୍ବ ସରକାର ସମୟରେ ଚିଫ୍ ଇଞ୍ଜିନିୟର, ଆଡିସିନାଲ ଚିଫ ଇଞ୍ଜିନୟର, ଓଏଏସ ଅଫିସର ମାନଙ୍କୁ ଧରୁନଥିଲା ଭିଜିଲାନ୍ସ । କେବଳ କିରାଣୀ ଓ ପିଅନ ଭଳି ଛୋଟ ମାଛଙ୍କୁ ଧରୁଥିଲା ଭିଜିଲାନ୍ସ । କିନ୍ତୁ ଏବେ ବିଜେପି ସରକାର ସମୟରେ ପୋଲିସ ଆଇଆଇସି, ଚିଫଇଞ୍ଜିନିୟର ଭଳି ବଡ ମାଛଙ୍କୁ ଧରୁଛି ଭିଜିଲାନ୍ସ । ଲୋୟର ସୁକତେଲ ପ୍ରକଳ୍ପର ଇଞ୍ଜିନିୟର ସୁନୀଲ ରାଉତରାୟଙ୍କୁ ଧରିଲା ଭିଜିଲାନ୍ସ । ତାଙ୍କ ପାଖରେ 52ଟି ପ୍ଲଟ ଧରା ପଡ଼ିଛି । ସୁନୀଲ ରାଉତରାୟଙ୍କ ସହ ପାଣ୍ଡିଆନ ଓ ନବୀନଙ୍କ ଘନିଷ୍ଠାତା ପୂର୍ବରୁ ଲୋକଙ୍କ ସାମ୍ନାକୁ ଆସିଛି । ଏମିତି ଅନେକ ଅଫିସର ଯେଉଁ ମାନେ ଭି.କେ. ପାଣ୍ଡିଆନ ଇକୋ ସିଷ୍ଟମରେ କାମ କରୁଥିଲେ, ସେମାନେ ଏମିତି କୋଟି କୋଟି ଟଙ୍କା ଲୋକଙ୍କ ଅର୍ଥ ଲୁଟ କରୁଥିଲେ," ବୋଲି କହିଛନ୍ତି ବିଜେପି ମୁଖପାତ୍ର ଅନୀଲ ବିଶ୍ବାଳ ।
ଏହା ମଧ୍ୟ ପଢନ୍ତୁ- ପୂର୍ବତନ ମୁଖ୍ୟଯନ୍ତ୍ରୀଙ୍କ ଘରୁ ମିଳିଲା ପୁଳା ପୁଳା ସୁନା, ତାରା ପ୍ରସାଦ ମିଶ୍ରଙ୍କୁ ବାନ୍ଧିଲା ଭିଜିଲାନ୍ସ - Ex chief engineer Vigilance scanner
କିରାଣୀ ଓ ପିଅନଙ୍କ ଦୁର୍ନୀତିକୁ ଧରପଗଡ କରି ନବୀନ ବାବୁ ସ୍ୱଚ୍ଛତାର ଡିଣ୍ଡିମ ପିଟୁଥିଲେ । ଏହି ସମସ୍ତ ଦୁର୍ନୀତିଖୋର ଅଧିକାରୀମାନେ ବିଜୁ ଜନତା ଦଳର ୨୪ବର୍ଷର ସରକାର ସମୟରେ ଦୁର୍ନୀତି କରିବାର ସୀମା ଲଘିଂଥିଲେ । ବିଜେପି ସରକାର ଓଡ଼ିଶାରେ ସରକାରୀ ଅର୍ଥ ଲୁଟିଥିବା କୌଣସି ମାଫିଆଙ୍କୁ ଛାଡିବ ନାହିଁ। ନବୀନ ବାବୁ ଦିନେ ମୁଖ୍ୟମନ୍ତ୍ରୀ ଥିବାବେଳେ କହିଥିଲେ, “ଆପଣମାନେ ଗାଁ ଜଗନ୍ତୁ ମୁଁ ସଚ୍ଚିବାଳୟ ଜଗିଛି” । ଯଦି ଗାଁ ଜଗିଥିବା ଅଫିସରଙ୍କ ଘରୁ କୋଟି କୋଟି ଟଙ୍କା ବାହାରୁଛି ତାହାଲେ ସଚ୍ଚିବାଳୟ ଜଗିଥିବା ନବୀନ ବାବୁ ଓ ତାଙ୍କର ଅସାଧୁ ପାରିଷଦଙ୍କ ଘରୁ କେତେ ଟଙ୍କା ବାହାରିବ। ୫-ଟି ଅଧିନରେ ଯେତେ ପ୍ରକଳ୍ପ ହୋଇଛି ସବୁଠି ଏଭଳି କୋଟି କୋଟି ଟଙ୍କା ଲୁଟ୍ କରାଯାଇଛି । ନବୀନ ବାବୁଙ୍କ ସରକାର ସମୟରେ ବିଜେଡି ମନ୍ତ୍ରୀ ଓ ଅସାଧୁ ଅଫିସରମାନେ ବିଭିନ୍ନ ସରକାରୀ ଅଧିକାରୀମାନଙ୍କ ଦ୍ୱାରା ବ୍ୟାପକ ଅର୍ଥ ଲୁଟ୍ କରୁଥିଲେ ଓ ନିଜର କମିଶନ ନେଇ ସେମାନଙ୍କୁ ସୁରକ୍ଷା ଦେଉଥିଲେ ବୋଲି ବିଜେପି ଅଭିଯୋଗ କରିଛି ।
ଇଟିଭି ଭାରତ, ଭୁବନେଶ୍ବର
