ଭୁବନେଶ୍ବର: ରାଜ୍ୟସଭାରୁ ସୁଜିତ କୁମାରଙ୍କ ଇସ୍ତଫା । ରାଜ୍ୟସଭାରୁ ଇସ୍ତଫା ଦେଲେ ସୁଜିତ କୁମାର । ରାଜ୍ୟସଭା ଅଧ୍ୟକ୍ଷଙ୍କ ନିକଟକୁ ଇସ୍ତଫା ପତ୍ର ପଠାଇଲେ । ଏପଟେ ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦୀପ ଧନଖଡ ସୁଜିତ କୁମାରଙ୍କ ରାଜ୍ୟସଭାରୁ ଇସ୍ତଫା ପତ୍ରକୁ ଗ୍ରହଣ କରିଛନ୍ତି । ତେବେ ସୁଜିତ କୁମାର ପ୍ରଥମେ ରାଜ୍ୟସଭାରୁ ଇସ୍ତଫା ଦେବାର ମାତ୍ର ଘଣ୍ଟାଏ ପରେ ବିଜେପିରେ ମିଶିଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କଟକ ସାଂସଦ ଭର୍ତୃହରି ମହତାବଙ୍କ ଉପସ୍ଥିତିରେ ନୂଆଦିଲ୍ଲୀ ସ୍ଥିତ ବିଜେପି ପାର୍ଟି ମୁଖ୍ୟାଳୟରେ ପଦ୍ମ ପୋଖରୀରେ କୁଦା ମାରିଛନ୍ତି ସୁଜିତ କୁମାର । ସୁଜିତ ଗେରୁଆ ଶିବିରରେ ସାମିଲ ହେବା ସମୟରେ ପ୍ରଭାରୀ ବିଜୟ ପାଲ ସିଂ ତୋମାର ଉପସ୍ଥିତ ଥିଲେ ।
ମମତା ମହନ୍ତଙ୍କ ପରେ ଆଉ ଜଣେ ବିଜେଡ଼ି ସାଂସଦ ରାଜ୍ୟସଭାରୁ ଇସ୍ତଫା ଦେଇଛନ୍ତି । ବିଜେଡି ସାଂସଦ ସୁଜିତ କୁମାର ଆଜି ରାଜ୍ୟସଭାରୁ ଇସ୍ତଫା ଦେଇଛନ୍ତି । ସୁଜିତ ନିଜର ଇସ୍ତଫା ପତ୍ର ରାଜ୍ୟସଭା ଅଧ୍ୟକ୍ଷଙ୍କୁ ପଠାଇ ଦେଇଛନ୍ତି । ଉପରାଷ୍ଟ୍ରପତି ସୁଜିତଙ୍କ ଇସ୍ତଫା ପତ୍ର ଗ୍ରହଣ କରିଥିବା ସ୍ପଷ୍ଟ ହୋଇଛି । ଏହା ପରେ ବିଜେଡି ସଭାପତି ନବୀନ ପଟ୍ଟନାୟକ ସୁଜିତଙ୍କୁ ଦଳରୁ ବହିଷ୍କାର କରିଛି । ମମତା ମହନ୍ତଙ୍କ ପରେ ସୁଜିତ ଦ୍ଵିତୀୟ ସାଂସଦ ଯିଏ ରାଜ୍ୟସଭାରୁ ଇସ୍ତଫା ଦେଇଛନ୍ତି ।
ସୁଜିତ କୁମାରଙ୍କ କାର୍ଯ୍ୟକାଳ-
ସୁଜିତ 2020ରୁ ବିଜେଡି ଟିକେଟରେ ରାଜ୍ୟସଭା ଯାଇଥିଲେ । ତାଙ୍କର କାର୍ଯ୍ୟକାଳ ଆଉ ପ୍ରାୟ 2 ବର୍ଷ ରହିଛି । କାର୍ଯ୍ୟକାଳ ପୁରିବା ପୂର୍ବରୁ ଆଜି ସେ ସାଂସଦ ପଦରୁ ଇସ୍ତଫା ଦେଇଛନ୍ତି । ମମତା ମହାନ୍ତି ବିଜେଡି ଓ ରାଜ୍ୟସଭାରୁ ଇସ୍ତଫା ଦେବା ସମୟରେ ସୁଜିତ ମଧ୍ୟ ପଦ ଓ ଦଳ ଛାଡିବା ନେଇ ଚର୍ଚ୍ଚା ହୋଇଥିଲା । ପରବର୍ତ୍ତୀ ସମୟରେ ସେ ସାମାଜିକ ଗଣମାଧ୍ୟମରେ ପ୍ରତିକ୍ରିୟା ଜାରି କରି ଚର୍ଚ୍ଚାକୁ ଖଣ୍ଡନ କରିଥିଲେ ।
#WATCH | After joining the BJP, Sujeet Kumar says, " pm always speaks about aatmanirbhar bharat. he has always been very active in ensuring the development of eastern india, which is slightly backward compared to other states of the country...he has a special affinity for odisha.… https://t.co/KTS1C77IOh pic.twitter.com/80QUD3ehUP
— ANI (@ANI) September 6, 2024
ପଦ୍ମ ଧରିଲେ ସୁଜିତ କୁମାର
ବିଜେଡିରୁ ବହିଷ୍କାର ପରେ ବିଜେପି ଅଫିସରେ ସୁଜିତ କୁମାର । ନୂଆଦିଲ୍ଲୀ ବିଜେପି ମୁଖ୍ୟାଳୟରେ ପହଞ୍ଚିଲେ ସୁଜିତ କୁମାର । ଇସ୍ତଫା ଦେବାର ମାତ୍ର ଘଣ୍ଟାଏ ପରେ ସୁଜିତ କୁମାର ବିଜେପିରେ ଯୋଗଦେଇଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ପଦ୍ମ ଧରିଲେ ସୁଜିତ କୁମାର । ବିଜେପି ନୂଆଦିଲ୍ଲୀ ପାର୍ଟି ଅଫିସ ମୁଖ୍ୟାଳୟରେ ପଦ୍ମ ଧରିଛନ୍ତି ସୁଜିତ କୁମାର ।
ଓଡ଼ିଶାର ନେତା ତଥା ପୂର୍ବତନ ରାଜ୍ୟସଭା ସାଂସଦ @SujeetKOfficial ଙ୍କୁ ଦଳରେ ସ୍ୱାଗତ କଲି । ମାନ୍ୟବର ପ୍ରଧାନମନ୍ତ୍ରୀ @narendramodi ଙ୍କ ନେତୃତ୍ୱ ଓ ନୀତି ଆଦର୍ଶରେ ଅନୁପ୍ରାଣିତ ହୋଇ ଆମ ଦଳରେ ଯୋଗଦେଇଥିବାରୁ ଧନ୍ୟବାଦ । ଓଡ଼ିଶାବାସୀ ବିଶେଷ ଭାବରେ କଳାହାଣ୍ଡିର ବିକାଶ, ଅନୁସୂଚିତ ଜାତି, ଅନୁସୂଚିତ ଜନଜାତି ଓ ଗରିବ କଲ୍ୟାଣ ସହିତ… pic.twitter.com/kPm5QU46pc
— Dharmendra Pradhan (@dpradhanbjp) September 6, 2024
Former Rajya Sabha MP Shri Sujeet Kumar joins BJP at party headquarters in New Delhi. https://t.co/pKooMgDgXj
— BJP (@BJP4India) September 6, 2024
ନେତା ନଶୁଣିବାରୁ ଦଳ ଛାଡିଲି-
ନିଜ ଇସ୍ତଫାର କାରଣ କହିଲେ ସୁଜିତ କୁମାର । ବିଜେପିରେ ଯୋଗଦେବା ପରେ ଇସ୍ତଫା କାରଣ କହିଲେ । ଦୁର୍ନୀତି ନେଇ ନେତା ନଶୁଣିବାରୁ ଦଳ ଛାଡ଼ିଲି ବୋଲି କହିଲେ । ସେ କହିଛନ୍ତି, "ପ୍ରାୟ ଦେଢ଼ବର୍ଷ ହେଲା ଦଳରେ ମୋତେ ଅଣଦେଖା ହେଉଥିଲା । କୌଣସି ଦଳୀୟ କାର୍ଯ୍ୟରେ ମୋତେ ସାମିଲ କରାଯାଉନଥିଲା । ଜଣେ ଦୁଇ ଜଣ ବଡ଼ ନେତାଙ୍କ ଗୋଲାମୀ ପାଇଁ କୁହାଯାଉଥିଲା ।ମୁଁ ବିଦେଶରୁ ପଢ଼ି ଆସିଛି, ଏହା ମୋ ସ୍ବାଭିମାନକୁ ବାଧିଥିଲା ।"
#WATCH | Expelled BJD leader Sujeet Kumar joins BJP in the presence of Union Minister Dharmendra Pradhan.
— ANI (@ANI) September 6, 2024
Kumar resigned as a Rajya Sabha MP from BJD and the resignation has been accepted. BJD expelled him today for " anti-party activities." pic.twitter.com/WPsFwZA9rJ
ସୁଜିତ କୁମାର ବିଜେପିରେ ସାମିଲ ହେବା ପରେ, ସୋସିଆଲ ମିଡିଆ ‘ଏକ୍ସ’ରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଲେଖଛନ୍ତି କି, "ଓଡ଼ିଶାର ନେତା ତଥା ପୂର୍ବତନ ରାଜ୍ୟସଭା ସାଂସଦ ସୁଜିତ କୁମାରଙ୍କୁ ଦଳରେ ସ୍ୱାଗତ କଲି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଓ ନୀତି ଆଦର୍ଶରେ ଅନୁପ୍ରାଣିତ ହୋଇ ଆମ ଦଳରେ ଯୋଗଦେଇଥିବାରୁ ଧନ୍ୟବାଦ । ଓଡ଼ିଶାବାସୀ ବିଶେଷ ଭାବରେ କଳାହାଣ୍ଡିର ବିକାଶ, ଅନୁସୂଚିତ ଜାତି, ଅନୁସୂଚିତ ଜନଜାତି ଓ ଗରିବ କଲ୍ୟାଣ ସହିତ ‘ବିକଶିତ ଓଡ଼ିଶା’ ଗଠନରେ ସେ ଯୋଗଦାନ ରଖିବେ ବୋଲି ମୋର ଦୃଢ଼ ବିଶ୍ୱାସ ।"
Vice-President and Rajya Sabha Chairman Jagdeep Dhankhar accepted the resignation of Sujeet Kumar from Rajya Sabha with immediate effect.
— ANI (@ANI) September 6, 2024
(Pic: Vice President/X) pic.twitter.com/4cjSmR3Tlf
"ଏହା ବିଜେଡି ଦଳର ଆଭ୍ୟନ୍ତରୀଣ ବ୍ୟାପାର । ବର୍ତ୍ତମାନ ବିଜେଡି ଛାଡୁଛନ୍ତି ବଡ ବଡ ନେତା । ସେମାନେ ପୂର୍ବରୁ ସେମାନଙ୍କ ମନ୍ତବ୍ୟ ରଖିବାରେ ଅସମର୍ଥ ଥିଲେ ସେହି କାରଣରୁ ବିଜେଡି ଛାଡୁଛନ୍ତି । ବିଜେପି ଗୋଟିଏ ଜାତୀୟ ଦଳ ତେଣୁ ଆମେ ତାଙ୍କୁ ସ୍ବାଗତ କରିବୁ," ବୋଲି କହିଛନ୍ତି ବାଲେଶ୍ବର ସାଂସଦ ପ୍ରତାପ ଷଡଙ୍ଗୀ ।
Party President Shri @Naveen_Odisha expelled Rajya Sabha MP Sujeet Kumar from the party with immediate effect for anti-party activities. He has been expelled as he has let down Biju Janata Dal which sent him to Rajya Sabha and betrayed the faith of the people of #Odisha. pic.twitter.com/QQ0gxEMpb4
— Biju Janata Dal (@bjd_odisha) September 6, 2024
ଦଳରୁ ବିଦା କଲା ବିଜେଡି-
ସୁଜିତ କୁମାର ବିଜେଡିରୁ ବହିଷ୍କୃତ । ବିଜେଡିରୁ ବହିଷ୍କାର କଲେ ସୁପ୍ରିମୋ ନବୀନ ପଟ୍ଟନାୟକ । ବିଜେଡି ସଭାପତି ସୁଜିତଙ୍କୁ ଦଳରୁ ବହିଷ୍କାର କରିଥିବା ବିଜ୍ଞପ୍ତି ପ୍ରକାଶ ପାଇଛି । ଦଳ ବିରୋଧୀ କାର୍ଯ୍ୟ ଲାଗି ସୁଜିତଙ୍କୁ ବହିଷ୍କାର କରାଯାଇଥିବା ବିଜେଡି ପକ୍ଷରୁ କୁହାଯାଇଛି ।
ବିଜେଡି ଛାଡିଥିଲେ ମମତା-
ନିକଟରେ ମମତା ମହାନ୍ତ ରାଜ୍ୟସଭାରୁ ଇସ୍ତଫା ଦେବା ପରେ ବିଜେଡି ହାତ ଛାଡି ବିଜେପିରେ ସାମିଲ ହୋଇଥିଲେ । ପରେ ପୁଣି ବିଜେପିରୁ ରାଜ୍ୟସଭାକୁ ପୁଣି ନିର୍ବାଚିତ ହୋଇଛନ୍ତି ମମତା ମହାନ୍ତ ।
ପ୍ରତିକ୍ରିୟା ରଖିଲା ବିଜେଡି-
ରାଜ୍ୟସଭାରୁ ଇସ୍ତଫା ଦେଇ ବିଜେପିରେ ସାମିଲ ହୋଇଛନ୍ତି ସୁଜିତ କୁମାର । ସୁଜିତଙ୍କର ବିଜେପିରେ ଯୋଗଦାନକୁ ନେଇ ପ୍ରତିକ୍ରିୟା ରଖିଛି ବିଜେଡି । ପ୍ରତିକ୍ରିୟା ରଖିଛନ୍ତି ବିଜେଡି ସଭାପତି ନବୀନ ପଟ୍ଟନାୟକଙ୍କ ରାଜନୈତିକ ସଚିବ ସଂତୃପ୍ତ ମିଶ୍ର ଓ ରାଜ୍ୟସଭା ସାଂସଦ ମୁନା ଖାଁ । ନବୀନଙ୍କ ଆଶୀର୍ବାଦରେ ସୁଜିତ ରାଜ୍ୟସଭା ଯାଇଥିବା ବେଳେ ରାଜ୍ୟବାସୀଙ୍କୁ ଧୋକା ଦେଇଛନ୍ତି ବୋଲି ବିଜେଡି କହିଛି ।
ବିଜେଡି ସଭାପତିଙ୍କ ରାଜନୈତିକ ସଚିବ ସଂତୃପ୍ତ ମିଶ୍ର କହିଛନ୍ତି, "ବିଜେଡି ସଭାପତି ନବୀନ ପଟ୍ଟନାୟକ ଆଜି ସୁଜିତ କୁମାରଙ୍କୁ ଦଳରୁ ବହିଷ୍କାର କରିଛନ୍ତି । ଦଳ ବିରୋଧୀ କାର୍ଯ୍ୟକ୍ରମ ଲାଗି ସୁଜିତଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ଦୁର୍ଭାଗ୍ୟର କଥା ସୁଜିତ ବିଜେଡି, ରାଜ୍ୟବାସୀ ଓ କଳାହାଣ୍ଡିର ସମସ୍ତ ଜନସାଧାରଣଙ୍କ ବିଶ୍ୱାସ ଭାଙ୍ଗିଛନ୍ତି । ଜଣେ ଶିକ୍ଷିତ ଯୁବକ ଭାବେ ସୁଜିତଙ୍କୁ ଦଳ ସମସ୍ତ ସୁଯୋଗ ପ୍ରଦାନ କରିଥିଲା । ଯୋଜନା ବୋର୍ଡର ସଦସ୍ୟ ପରେ ଦଳ ତାଙ୍କୁ ରାଜ୍ୟସଭା ପଠାଇଥିଲା । ପଶ୍ଚିମ ଓଡିଶା ତଥା କଳାହାଣ୍ଡି ଜିଲ୍ଲାର ଜନସାଧାରଣ ବିଶେଷ କରି ଯୁବ ବର୍ଗଙ୍କ ଆଶା ପୂରଣ କରିବା ଲାଗି ତାଙ୍କୁ ଦାଇତ୍ୱ ଦିଆଯାଇଥିଲା । ବ୍ୟକ୍ତିଗତ ସ୍ୱାର୍ଥ ହାସଲ କରିବା ଲାଗି ରାଜ୍ୟବାସୀଙ୍କ ସହ ସେ ବିଶ୍ୱାସ ଘାତକତା କରିଛନ୍ତି ।"
ବିଜେଡିର ରାଜ୍ୟସଭା ସାଂସଦ ମୁନ୍ନା ଖାଁ କହିଛନ୍ତି, "ଦଳ ଛାଡିଲା ପରେ ଲୋକ ଏମିତି ବାହାନା କରନ୍ତି । ଅନ୍ୟ ଦଳକୁ ଭାଙ୍ଗି ସରକାର କରିବାରେ ବିଜେପି ମାହୀର । ଯିଏ ଦଳ ଛାଡ଼ୁଛି, ସେମାନେ ବିଜେଡ଼ି ଓ ନବୀନ ପଟ୍ଟନାୟକଙ୍କୁ ବିଶ୍ୱାସ ଘାତକ କରିଛନ୍ତି । ଦଳ ପାଇଁ ଯାହାର ମୋହ ନାହିଁ, ସେମାନେ ଛାଡ଼ନ୍ତି । ସୁଜିତ ଦଳ ଛାଡିଲେ ମଧ୍ୟ ଏହାର ପ୍ରଭାବ ପଡିବ ନାହିଁ । ଦୁର୍ନୀତି ନେଇ ଆମ ସହ କେବେ ହେଲେ ଆଲୋଚନା କରି ନାହାନ୍ତି । ଦୁର୍ନୀତି କରିଥିବେ ଯଦି ସେ ଜାଣିଥିବେ । ଆଜି ପର୍ଯ୍ୟନ୍ତ ଦଳରେ କାହାର ପାଦ ଧରିବାକୁ କୁହାଯାଇନାହିଁ । ନବୀନଙ୍କ ନେତୃତ୍ୱରେ ଦଳ ଚାଲିଛି । ବଣ ଭିତରେ ଶିକାର କଲା ପରି ବିଜେପି କରୁଛି । ତେଣୁ ଆମକୁ ଏନେଇ କୌଣସି ଆଭାସ ନଥିଲା । ଆଗକୁ କିଏ ବିଜେପି ଯିବେ ସେ ନେଇ ମୋର ଧାରଣା ନାହିଁ । ଆମ ସହଯୋଗୀଙ୍କ ସହ ବସି ଏ ନେଇ ଆଲୋଚନା କରିବୁ । ଏହାର ସମାଧାନ କରିବୁ । ରାଜ୍ୟସଭାରେ ରାଜ୍ୟର କଥା ଅଧିକ ଜୋରରେ ଉଠାଇବୁ । ଭାଗ୍ୟ ବଳରେ ନବୀନ ବାବୁଙ୍କ ଆଶୀର୍ବାଦରେ ସୁଜିତ କୁମାର ରାଜ୍ୟସଭା ଯାଇଥିଲେ ।
