କଟକ: ପୋଲିସ ଅଧିକାରୀଙ୍କୁ ସାଂସଦ ଭର୍ତ୍ତୃହରି ମହତାବଙ୍କ ଦୁର୍ବ୍ୟବହାର ମାମଲା । ଆଜି (ଶୁକ୍ରବାର) କଟକ ଜେଏମ୍ଏଫସି ଅଦାଲତରେ ଏହି ବିଚାରାଧୀନ ମାମଲାର ଶୁଣାଣି ହୋଇଛି । ଶୁଣାଣି ସମୟରେ ଏତଲାକାରୀ ପୋଲିସ ଅଧିକାରୀ ଅମିତାଭ ମହାପାତ୍ରଙ୍କୁ ଜେରା କରିଛନ୍ତି ପ୍ରତିପକ୍ଷ ଓକିଲ । ତେବେ ଆଜି ଜେରା ଅସମ୍ପୂର୍ଣ୍ଣ ରହିଥିବା ବେଳେ ଆସନ୍ତା 24 ତାରିଖରେ ମାମଲାର ପରବର୍ତ୍ତୀ ଶୁଣାଣି ଧାର୍ଯ୍ୟ କରାଯାଇଛି ।
ସୂଚନା ମୁତାବକ, ୨୦୧୧ ମସିହା ଜାନୁଆରୀ ୨୩ରେ ନେତାଜୀ ଜନ୍ମସ୍ଥାନ ସଂଗ୍ରହାଳୟରେ ଆୟୋଜିତ ନେତାଜୀ ଜୟନ୍ତୀ କାର୍ଯ୍ୟକ୍ରମ ସମୟରେ ଏହି ଘଟଣା ଘଟିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି କାର୍ଯ୍ୟକ୍ରମରେ ଯୋଗଦେବାକୁ ଆସିଥିବା ବେଳେ ଭିଡ ନିୟନ୍ତ୍ରଣ ଓ ଶାନ୍ତି ଶୃଙ୍ଖଳା ରକ୍ଷା କାର୍ଯ୍ୟରେ ନିୟୋଜିତ ତତ୍କାଳୀନ ପୋଲିସ୍ ଏସ୍ଆଇ ତଥା ବର୍ତ୍ତମାନର ଏସିପି ଅମିତାଭ ମହାପାତ୍ର ଓ ଭର୍ତ୍ତୃହରି ମହତାବଙ୍କ ମଧ୍ୟରେ ବିବାଦ ଘଟିଥିଲା । ସେଠାରେ ଭର୍ତ୍ତୃହରି ଅମିତାଭଙ୍କୁ ମାଡ ମାରିଥିବା ଅଭିଯୋଗ ହୋଇଥିଲା । ଏହି ଘଟଣାକୁ ନେଇ ଦରଘାବଜାର ଥାନାରେ ସମ୍ପୃକ୍ତ ପୋଲିସ ଅଧିକାରୀ ଏତଲା ଦେଇଥିଲେ । ଅଭିଯୋଗର ତଦନ୍ତ ପରେ ୨୦୧୮ ମସିହା ମାର୍ଚ୍ଚ ୧୯ ତାରିଖରେ ଭର୍ତ୍ତୃହରି ମହତାବଙ୍କ ବିରୋଧରେ ପୋଲିସ ଚାର୍ଜସିଟ ଦାଖଲ କରିଥିଲା ଏବଂ ଗତ କିଛି ଦିନ ତଳେ ଏହି ମାମଲାର ଚାର୍ଜ ଫ୍ରେମ ହୋଇଥିଲା ।
ଏହା ମଧ୍ୟ ପଢନ୍ତୁ: ପୋଲିସ ଅଧିକାରୀଙ୍କୁ ମାଡ ମାମଲା, ସାଂସଦ ଭର୍ତ୍ତୃହରି ମହତାବଙ୍କ ବିରୋଧରେ ଚାର୍ଜଫ୍ରେମ - MP Bhartruhari Mahtab
