ଭୁବନେଶ୍ବର: ସରକାରୀ ଦଳ ବିଜୁ ଜନତା ଦଳର ପକ୍ଷରୁ ରାଜ୍ୟ ମୁଖ୍ୟ କାର୍ଯ୍ୟାଳୟ ଶଙ୍ଖ ଭବନରେ ପାଳିତ ହୋଇଛି 75 ତମ ସାଧାରଣତନ୍ତ୍ର ଦିବସ । ବିଜୁ ଜନତା ଦଳର ବରିଷ୍ଠ ଉପ ସଭାପତି ଦେବି ପ୍ରସାଦ ମିଶ୍ର ଜାତୀୟ ପତାକା ଉତ୍ତୋଳନ କରିବା ସହ ଅଭିବାଦନ ଗ୍ରହଣ କରିଛନ୍ତି । କାର୍ଯ୍ୟକ୍ରମରେ ମୁଖ୍ୟାଳୟ ସାଧାରଣ ସମ୍ପାଦକ ସଞ୍ଜୟ ଦାସବର୍ମା, ବିଧାୟକ ପ୍ରଫୁଲ୍ଲ ସାମଲ, ସୁଶାନ୍ତ ରାଉତ ପ୍ରମୁଖ ଉପସ୍ଥିତ ଥିଲେ । ଦେଶର ଶାନ୍ତି ଓ ସୁରକ୍ଷା ପାଇଁ ସହିଦ ହୋଇଥିବା ଅମର ଯବାନ ମାନଙ୍କ ପ୍ରତି ଦଳ ଶ୍ରଦ୍ଧାଞ୍ଜଳି ଅର୍ପଣ କରିଛି ।
ଆଜି ସାରା ଦେଶ ପାଳୁଛି 75 ତମ ଗଣତନ୍ତ୍ର ଦିବସ । ଗଣତନ୍ତ୍ର ଦିବସ ପାଇଁ ସାରା ଦେଶରେ ଉତ୍ସାହ ଦେଖାଦେଇଛି । କଶ୍ମୀରରୁ କନ୍ୟାକୁମାରୀ ଯାଏ ସବୁଠି ତ୍ରିରଙ୍ଗାରେ ରଙ୍ଗାୟିତ । ଦେଶର କୋଣ ଅନୁକୋଣରେ ଉଡୁଛି ଜାତୀୟ ଧ୍ଵଜା । ଗଣତନ୍ତ୍ର ଦିବସ ପାଇଁ ଝଲସୁଛି ପଲ୍ଲୀ ଠାରୁ ସହର । ଏଥିପାଇଁ ସମସ୍ତ ଦେଶବାସୀ ଉତ୍ସାହିତ । ସମ୍ବିଧାନରେ ପ୍ରଣୀତ ଅଧିକାର କାର୍ଯ୍ୟକାରୀ ଯୋଗୁଁ ହିଁ ପ୍ରକୃତ ସ୍ୱାଧୀନତା ସ୍ୱାଦ ମିଳୁଛି । ଏହା କାଶ୍ମୀରରୁ କନ୍ୟାକୁମାରି ପର୍ଯ୍ୟନ୍ତ ଚିର ସ୍ମରଣୀୟ ହୋଇ ରହିବ । ଏହା କହିଛନ୍ତି ବିଜୁ ଜନତା ଦଳ ମୁଖ୍ୟାଳୟ ଶଙ୍ଖ ଭବନରେ ଆୟୋଜିତ ଗଣତନ୍ତ୍ର ଦିବସର ମୁଖ୍ୟ ଅତିଥି ବିଧାୟକ ଦେବୀ ପ୍ରସାଦ ମିଶ୍ର ।
ଅଧିକ ପଢନ୍ତୁ- ରାଜ୍ୟସ୍ତରୀୟ ଗଣତନ୍ତ୍ର ଦିବସ: ପତାକା ଉତ୍ତୋଳନ କଲେ ରାଜ୍ୟପାଳ, ପରେଡରେ ଅଭିବାଦନ ଗ୍ରହଣ
ଦେବୀ କହିଛନ୍ତି ଯେ, ଜନରାଜ୍ୟ ଦିବସ ପ୍ରତ୍ୟେକ ଭାରତୀୟଙ୍କ ପାଇଁ ଏକ ମହାନ ଦିନ । ରାଜ୍ୟବାସୀଙ୍କ ଦଳର ଅଗଣିତ ସାଥୀ ଏହି ଦିବସକୁ ଗ୍ରାମ, ସହର, ପଞ୍ଚାୟତ ସ୍ତରରେ ପାଳନ କରୁଛନ୍ତି । ସେହିପରି ଦଳର ମୁଖ୍ୟାଳୟ ସାଧାରଣ ସମ୍ପାଦକ ସଞ୍ଜୟ ଦାସବର୍ମା କହିଛନ୍ତି ଯେ, 75 ବର୍ଷ ତଳେ ସଂକଳ୍ପିତ ଭାରତବର୍ଷର ସ୍ୱପ୍ନ ଆମ ମହାମନିସି ମାନେ ଦେଖିଥିଲେ । ଯେଉଁ ସଂକଳ୍ପ ନେଇ ଗଣତନ୍ତ୍ର ପ୍ରତିଷ୍ଠା ହୋଇଥିଲା । ତାହାର ଲକ୍ଷ୍ୟ ଓ ମୂଲ୍ୟବୋଧକୁ ପ୍ରାସଙ୍ଗିକ କରିବା ଆଜିର ଲାଗି ଯୁବ ଶକ୍ତି ଓ ଜନସାଧାରଣ ସମର୍ପିତ ହୁଅନ୍ତୁ । ବିଜୁ ଜନତା ଦଳ ଏକ ଆଞ୍ଚଳିକ ଦଳ ହିସାବରେ ଗଣତନ୍ତ୍ରକୁ କିଭଳି ଭାବେ ଅଧିକ ଶକ୍ତିଶାଳୀ କରିପାରିବ ସେ ନେଇ ସଂକଳ୍ପ ନେବ । ସଂକଳ୍ପିତ ଭାରତ ବର୍ଷ ଗଠନରେ ଓଡ଼ିଶାର ଯୋଗଦାନକୁ ଆଗକୁ ନେବାକୁ ସେ ଆହ୍ୱାନ ଦେଇଛନ୍ତି ।
ଇଟିଭି ଭାରତ, ଭୁବନେଶ୍ବର
