ରାଉରକେଲା: ଚର୍ଚ୍ଚାରେ ଆଢ଼େଇ ବର୍ଷର କୁନି ଝିଅ ଆରାଧ୍ୟା । ରାଉରକେଲା ପାଇଁ ଗର୍ବ ଆଣିଛନ୍ତି କୁନି ଝିଅ ଆରାଧ୍ୟା ସାମଲ । ମାତ୍ର ଅଢେଇ ବର୍ଷ ବୟସରେ ଆରାଧ୍ୟା ନିଜ ନାମକୁ ଇଣ୍ଡିଆ ବୁକ୍ ଅଫ ରେକର୍ଡରେ ସାମିଲ କରିପାରିଛନ୍ତି । ତେବେ ଏତେ ଛୋଟ ବୟସରେ ଏତେ ବଡ଼ ସଫଳତା ପାଇ ଆରାଧ୍ୟା ନିଜ ପରିବାର ପାଇଁ ଗର୍ବ ଆଣିବା ସହିତ ଜିଲ୍ଲା ତଥା ରାଜ୍ୟ ପାଇଁ ଗର୍ବ ଆଣିପାରିଛନ୍ତି । ଭାରତବର୍ଷର ସବୁଠାରୁ କୁନି ଝିଅ ଭାବରେ ଏହି ରେକର୍ଡ ନିଜ ନାଁରେ କରିଛନ୍ତି ଆରାଧ୍ୟା । ଇଣ୍ଡିଆ ବୁକ୍ ଅଫ ରେକର୍ଡର ‘ଆଇବିଆର ଆଚିଭର' ହୋଇ ପାରିଛନ୍ତି ଆରାଧ୍ୟା ।
ରାଉରକେଲା ସହରର ସେକ୍ଟର-୧୫ସ୍ଥିତ ବି-୧ରେ ରହୁଥିବା ସତ୍ୟବ୍ରତ ସାମଲ ଓ ବୀଣାପାଣିଙ୍କ ଝିଅ ହେଉଛନ୍ତି ଆରାଧ୍ୟା ସାମଲ । ଆରାଧ୍ୟା ୧୫ ନଭେମ୍ବର ୨୦୨୧ରେ ଜନ୍ମଗ୍ରହଣ କରିଥିଲେ । ଏତେ କମ ବୟସରୁ ଅନେକ ଜିନିଷକୁ ଚିହ୍ନଟ କରି କମାଲ ଦେଖାଇଛନ୍ତି ଆରାଧ୍ୟା । ସବୁଠାରୁ କମ ବୟସରେ ଆରାଧ୍ୟା ଏହି ରେକର୍ଡରେ ଭିତରେ ରହିଛି ସବୁଠାରୁ କମ ବୟସରେ ମଣିଷ ଶରୀରର ୧୪ଟି ଅଙ୍ଗକୁ ଚିହ୍ନଟ କରିବା, ୯ଟି ପଶୁ, ୫ ପ୍ରକାରର ପରିବା, ୯ ପ୍ରକାରର ଫଳ, ୫ଟି ରଙ୍ଗ ବିଷୟରେ କହିବା, ୧ରୁ ୧୦ ନମ୍ବର କହିବା, ୩ଟି ଇଂରାଜୀ ପଦ୍ୟ ଗାନ କରିବା, ସପ୍ତାହର ସବୁ ଦିନ କହିବା, ୮ଟି ଦେଶର ନାମ କହିବା ଇଂରାଜୀ ଆଲଫାବେଟକୁ କ୍ରମାନ୍ବୟରେ କହିବା ଓ ୨୯ଟି ସାଧାରଣ ଜ୍ଞାନ ପ୍ରଶ୍ନର ଉତ୍ତର ଦେଇ ଏହି ସଫଳତା ପାଇ ପାରିଛନ୍ତି ।
