ହାଇଦ୍ରାବାଦ: ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜ ଟିମ୍ ଇଣ୍ଡିଆ ହାରିବା ପରେ କ୍ରିକେଟକୁ ବାଏ ବାଏ କହିଲେ ୱିକେଟ କିପର ବ୍ୟାଟ୍ସମ୍ୟାନ ରିଦ୍ଧିମାନ ଶାହ । ସେ କ୍ରିକେଟର ସବୁ ଫର୍ମାଟରୁ ଅବସର ଘୋଷଣା କରିଛନ୍ତି । ସୋସିଆଲ ମିଡିଆରେ ଏନେଇ ସୂଚନା ଦେଇ ଭାବପୂର୍ଣ୍ଣ ମେସେଜ ଲେଖିଛନ୍ତି ।
କ୍ରିକେଟରୁ ରିଦ୍ଧିମାନଙ୍କ ଅବସର:
ଚଳିତ ରଣଜୀ ଟ୍ରଫି ସିଜନରେ ବେଙ୍ଗଲ ଦଳକୁ ପ୍ରତିନିଧିତ୍ୱ କରୁଛନ୍ତି ରିଦ୍ଧିମାନ ଶାହ । ଅବସର ନେଇ ସୋସିଆଲ ମିଡିଆରେ ସେ କହିଛନ୍ତି, '' ମୁଁ ମୋ କ୍ରିକେଟ କ୍ୟାରିୟରର ଶେଷ ରଣଜୀ ସିଜିନ ଖେଳୁଛି । କ୍ରିକେଟରେ ଏକ ସ୍ମରଣୀୟ ଯାତ୍ରା ପରେ ଏହି ସିଜିନ ମୋର ଶେଷ ସିଜନ ହେବ । ଅବସର ନେବା ପୂର୍ବରୁ ମୁଁ ବଙ୍ଗଳାକୁ ପ୍ରତିନିଧିତ୍ୱ କରି କେବଳ ରଣଜୀ ଟ୍ରଫି ଖେଳିବି । ଯେଉଁମାନେ ମୋର ଏହି ସଫଳ ଯାତ୍ରାରେ ମୋର ସାଥ ଦେଇଛନ୍ତି ସମସ୍ତଙ୍କୁ ଧନ୍ୟବାଦ । ଆପଣଙ୍କର ସମର୍ଥନ ମୋ ପାଇଁ ବହୁତ କିଛି । ଆସନ୍ତୁ ଏହି ସିଜନକୁ ସ୍ମରଣୀୟ କରିବା । '' 2021 ମସିହାରେ ନ୍ୟୁଜିଲାଣ୍ଡ ବିପକ୍ଷରେ ଟିମ୍ ଇଣ୍ଡିଆ ପାଇଁ ସେ ଶେଷ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ ।
ଏହା ମଧ୍ୟ ପଢନ୍ତୁ-ଖସିଲା ଟିମ ଇଣ୍ଡିଆ ଟେଷ୍ଟ ରାଙ୍କିଂ, WTC ଫାଇାନାଲ ଖେଳିବା ଉପରେ ପ୍ରଶ୍ନ ?
ଏହା ମଧ୍ୟ ପଢନ୍ତୁ-INDIA-ENGLAND ODI: ବାରବାଟୀ ଫାଇଟ ପାଇଁ ଟିକେଟ ମୂଲ୍ୟ ଧାର୍ଯ୍ୟ କଲା OCA
ରିଦ୍ଧିମାନଙ୍କ ଅନ୍ତର୍ଜାତୀୟ କ୍ରିକେଟ କ୍ୟାରିୟର:
ଭାରତୀୟ ଦଳର ୱିକେଟ କିପର ବ୍ୟାଟ୍ସମ୍ୟାନ୍ ରିଦ୍ଧିମାନ ଭାରତ ପାଇଁ 40 ଟି ଟେଷ୍ଟ ମ୍ୟାଚ ଖେଳିଛନ୍ତି । ହାରାହାରି 29.41 ରେ 56ଟି ଇନିଂସରେ ମୋଟ 1353 ରନ୍ ସ୍କୋର କରିଥିଲେ । ଯେଉଁଥିରେ 3ଟି ଶତକ ଏବଂ 6 ଅର୍ଦ୍ଧଶତକ ସାମିଲ ରହିଛି । ଅନ୍ତର୍ଜାତୀୟ ଟେଷ୍ଟରେ ତାଙ୍କ ନାମରେ 92 ଟି କ୍ୟାଚ୍ ଏବଂ 12 ଟି ଷ୍ଟମ୍ପ ଆଉଟ୍ ଅଛି । ସାହା 9 ଟି ODI ମ୍ୟାଚ୍ ରେ ଭାରତର ପ୍ରତିନିଧିତ୍ୱ କରିଥିଲେ ।
WRIDDHIMAN SAHA IS SET TO RETIRE FROM ALL FORMS OF CRICKET AT THE END OF RANJI SEASON 🇮🇳
— Johns. (@CricCrazyJohns) November 4, 2024
- Thank you for the memories, Saha. pic.twitter.com/2yxD6O4PVh
ଧୋନିଙ୍କ ପରେ ଓ୍ବିକେଟ କିପର ଭାବେ ପ୍ରଥମ ପସନ୍ଦ ଥିଲେ ଶାହ:
ଟେଷ୍ଟ କ୍ରିକେଟରୁ ଏମଏସ ଧୋନିଙ୍କ ଅବସର ପରେ ଶାହ ଭାରତୀୟ ଦଳର ପ୍ରଥମ ପସନ୍ଦ ୱିକେଟ କିପର-ବ୍ୟାଟ୍ସମ୍ୟାନ ଭାବେ ଉଭା ହୋଇଥିଲେ । ତାଙ୍କ କିପିଂ ଶୈଳୀ ଦର୍ଶକଙ୍କୁ ବେଶ ପସନ୍ଦ ଆସୁଥିଲା । ଓ୍ବିକେଟ କିପର ବ୍ୟାଟ୍ସମ୍ୟାନ ଭାବେ ଟେଷ୍ଟ କ୍ରିକେଟରେ ସର୍ବାଧିକ ଶତକ ହାସଲ କରିଥିବା ତୃତୀୟ ଭାରତୀୟ ଖେଳାଳି ହେଉଛନ୍ତି ରିଦ୍ଧିମାନ । ଯେତେବେଳେ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ଼ ଏବଂ ଅଧିନାୟକ ରୋହିତ ଶର୍ମାଙ୍କ ଅଧୀନରେ ନୂତନ ଦଳ ଗଠନ ହେଲା ସେତେବେଳେ ରିଦ୍ଧିମାନଙ୍କ ଉପରେ ଏତେଟା ଦୃଷ୍ଟି ଦିଆଯାଇନଥିଲା ।
ରଣଜୀ ଖେଳ ଜାରି ରଖିବେ ରିଦ୍ଧିମାନ:
ରିଦ୍ଧିମାନ ଶାହ ବେଙ୍ଗଲ ପାଇଁ ରଣଜୀ ଟ୍ରଫି ଖେଳ ଜାରି ରଖିବେ । କିନ୍ତୁ ସେ ଆସନ୍ତା ଆଇପିଏଲ୍ ସିଜନରେ ଖେଳିବେ ନାହିଁ । ତାଙ୍କୁ ଗୁଜୁରାଟ ଟାଇଟାନ୍ସ ତାଙ୍କୁ ରିଟେନ କରିନାହିଁ । ପରବର୍ତ୍ତୀ ମେଗା ନିଲାମ ପାଇଁ ପଞ୍ଜିକୃତ ହୋଇ ନାହାନ୍ତି । ଯାହା ଫଳରେ ତାଙ୍କର ଆଇପିଏଲ କ୍ୟାରିୟରରେ ବିରାମ ଲାଗିଛି । 2008ଠାରୁ ଆଇପିଏଲର ପ୍ରତିଟି ସିଜିନ ଖେଳିଆସୁଛନ୍ତି ସେ । ସେ ଗୁଜୁରାଟ ଟାଇଟାନ୍ସ ପାଇଁ ଖେଳିବା ପୂର୍ବରୁ କୋଲକାତା ନାଇଟ୍ ରାଇଡର୍ସ, ଚେନ୍ନାଇ ସୁପର କିଙ୍ଗ୍ସ, ପଞ୍ଜାବ କିଙ୍ଗ୍ସ, ସନରାଇଜର୍ସ ହାଇଦ୍ରାବାଦ ଦଳ ପାଇଁ ମଧ୍ୟ ଖେଳିଛନ୍ତି ।
