ପ୍ୟାରିସ (ଫ୍ରାନ୍ସ): ଅଲିମ୍ପିକ୍ସରେ ଭାରତକୁ ମିଳିଲା ଷଷ୍ଠ ପଦକ । କୁସ୍ତିରେ ବ୍ରୋଞ୍ଜ ପଦକ ଜିତି ଇତିହାସ ରଚିଲେ କୁସ୍ତି ଯୋଦ୍ଧା ଅମନ ସେରାଓ୍ବାତ । ପ୍ରଥମ ଥର ଅଲିମ୍ପିକ୍ସରେ ଡେବ୍ୟୁ କରି ଦେଶକୁ ପଦକ ଭେଟି ଦେଇଛନ୍ତି ସେ । ଅଲିମ୍ପିକ୍ସରେ ପଦକ ହାସଲ କରିବାରେ ସର୍ବକନିଷ୍ଠ ଆଥଲେଟ ହେଉଛନ୍ତି ଅମନ । ପୁରୁଷ ଫ୍ରିଷ୍ଟାଇଲ 57 କେଜି ବର୍ଗରେ ସେ ପୁଏରଟୋରିକୋର ଡାରିଆନ କ୍ରୁଜଙ୍କୁ 13-5ରେ ପରାସ୍ତ କରି ମେଡାଲ ହାସଲ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମନଙ୍କୁ ଶୁଭେଚ୍ଛା ଜଣାଇଛନ୍ତି ।
6⃣𝐭𝐡 𝐦𝐞𝐝𝐚𝐥 𝐟𝐨𝐫 🇮🇳
— SAI Media (@Media_SAI) August 9, 2024
𝐀𝐦𝐚𝐧 𝐒𝐞𝐡𝐫𝐚𝐰𝐚𝐭 𝐥𝐞 𝐚𝐚𝐲𝐚 #𝐁𝐫𝐨𝐧𝐳𝐞🥉🥳
The 21-year-old wrestler displayed a solid performance against Puerto Rico’s Darian Cruz and won the contest by 13-5 in Men's 57kg Freestyle 💯
Aman brings home #TeamIndia’s 5th Bronze and… pic.twitter.com/fKohvCfFIj
ଅମନଙ୍କୁ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା: ଅଲିମ୍ପିକ୍ସରେ ବ୍ରୋଞ୍ଜ ମେଡାଲ ଜିତିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୁସ୍ତି ଯୋଦ୍ଧା ଅମନ ସେରାଓ୍ବାତଙ୍କୁ ଶୁଭେଚ୍ଛା ଜଣାଇଛନ୍ତି । ଟ୍ବିଟ କରି ମୋଦି ଲେଖିଛନ୍ତି, "ଆମର କୁସ୍ତି ଯୋଦ୍ଧାଙ୍କ ପାଇଁ ଦେଶର ଗୌରବ ବୃଦ୍ଧି ପାଇଛି । ପ୍ୟାରିସ୍ ଅଲିମ୍ପିକ୍ସରେ ପୁରୁଷ ଫ୍ରିଷ୍ଟାଇଲ୍ 57 କିଲୋଗ୍ରାମରେ ବ୍ରୋଞ୍ଜ ପଦକ ଜିତିଥିବାରୁ ଅମନଙ୍କୁ ଅଭିନନ୍ଦନ । ତାଙ୍କର ନିଷ୍ଠା ଏବଂ ପରିଶ୍ରମ ସ୍ପଷ୍ଟ ଭାବରେ ଝଲକୁଛି । ତାଙ୍କର ବିଜୟ ଖୁସିରେ ସାରା ଦେଶ ଉତ୍ସବ ମନାଉଛି । ''
BRONZE MEDAL IT IS!!!
— Team India (@WeAreTeamIndia) August 9, 2024
Our 6th medal at @paris2024 after a comfortable win for Aman Sherawat in the Bronze Medal match! 👏🏽👏🏽#JeetKaJashn | #Cheer4Bharat pic.twitter.com/jgdYKxCSBi
ଅଲିମ୍ପିକ୍ସ ପଦକ ଜିତିବାରେ ସର୍ବକନିଷ୍ଠ ଅମନ: ଦେଶର ସର୍ବକନିଷ୍ଠ ଖେଳାଳି ଭାବେ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଇତିହାସ ରଚିଛନ୍ତି ଅମନ । ମାତ୍ର 21 ବର୍ଷ ବୟସରେ ସେ ବ୍ରୋଞ୍ଜ ପଦକ ହାସଲ କରି ଦେଶକୁ ଗର୍ବିତ କରାଇଛନ୍ତି । 2016 ରିଓ ଅଲିମ୍ପିକ୍ସରେ ଭାରତୀୟ ଷ୍ଟାର ସଟଲର ପିଭି ସିନ୍ଧୁ ସର୍ବକନିଷ୍ଠ ଭାବେ ପଦକ ଜିତିଥିଲେ । ସେତେବେଳେ ତାଙ୍କୁ 21 ବର୍ଷ 4 ମାସ ହୋଇଥିଲା । ଅମନଙ୍କୁ 21 ବର୍ଷ 24 ଦିନ ହୋଇଥିବା ବେଳେ ମେଡାଲ ଜିତିଛନ୍ତି ।
More pride thanks to our wrestlers!
— Narendra Modi (@narendramodi) August 9, 2024
Congratulations to Aman Sehrawat for winning the Bronze Medal in the Men's Freestyle 57 kg at the Paris Olympics. His dedication and perseverance are clearly evident. The entire nation celebrates this remarkable feat.
ଡେବ୍ୟୁଟାଣ୍ଟ ଭାବେ ଜିତିଲେ ପଦକ: ପ୍ରଥମ ଥର ଅଲିମ୍ପିକ୍ସ ଖେଳି ମେଡାଲ ଜିତିବାର ସୌଭାଗ୍ୟ ଅର୍ଜନ କରିଛନ୍ତି ଅମନ ସେରାଓ୍ବାତ । ଚଳିତ ଅଲିମ୍ପିକ୍ସରେ ତୃତୀୟ ଡେବ୍ୟୁଟାଣ୍ଟ ଭାବେ ସେ ବ୍ରୋଞ୍ଜ ପଦକ ହାସଲ କରିଛନ୍ତି । ଏହାପୂର୍ବରୁ ଡେବ୍ୟୁଟାଣ୍ଟ ଭାବେ ସ୍ବପ୍ନୀଲ କୁସାଲେ 50 ମିଟର ରାଇଫଲ 3 ପୋଜିସନ ବ୍ୟକ୍ତିଗତ ପୁରୁଷ ସୁଟିଂ ଇଭେଣ୍ଟରେ ବ୍ରୋଞ୍ଜ ପଦକ ଜିତିଥିଲେ । ସେହିପରି 10 ମିଟର ଏୟାର ପିସ୍ତଲ ଯୁଗଳ ବର୍ଗରେ ବ୍ରୋଞ୍ଜ ପଦକ ଜିତିଥିଲେ ସରବଜୋତ ସିଂହ ।
ଏମିତିଥିଲା ଅମନଙ୍କ ପ୍ରଦର୍ଶନ: ପୁରୁଷ ଫ୍ରିଷ୍ଟାଇଲ 57 କେଜି ବର୍ଗରେ ଆରମ୍ଭରୁ ଆକ୍ରମକ ପ୍ରଦର୍ଶନ କରିଥିଲେ ଅମନ । ପ୍ରଥମ ରାଉଣ୍ଡରେ 6-4ରେ ଆଗୁଆ ରହିଥିଲେ। ଦ୍ୱିତୀୟ ରାଉଣ୍ଡରେ ମଧ୍ୟ ନିଜର ପ୍ରାଧାନ୍ୟ ବିସ୍ତାର କରି କ୍ରୁଜଙ୍କୁ 7 ପଏଣ୍ଟ ପଛରେ ପକାଇ ଦେଇଥିଲେ ଅମନ। ଶେଷ ରାଉଣ୍ଡରେ 13-5ରେ ଆଗୁଆ ରହି ବ୍ରୋଞ୍ଜ ପଦକ ହାତେବାରେ ସଫଳ ହୋଇଥିଲେ । 21 ବର୍ଷୀୟ ଅମନ ଗତ ବର୍ଷ ଏସିୟାଲ ଗେମ୍ସରେ ବ୍ରୋଞ୍ଜ ମେଡାଲ ହାସଲ କରିଥିଲେ ।
