ପ୍ୟାରିସ ଅଲିମ୍ପିକ୍ସ: ପ୍ରି-କ୍ବାର୍ଟରଫାଇନାଲରେ ପିଭି ସିନ୍ଧୁ; ଭାରତର ପଦକ ଆଶା ଉଜ୍ବଳ - Paris Olympics 2024

Paris Olympics 2024, PV Sindhu Qualifies for Pre Quarterfinals in Badminton : ପ୍ୟାରିସ୍ ଅଲିମ୍ପିକ୍ସରେ ଭାରତର ବ୍ୟାଡ୍‌ମିଣ୍ଟନ କ୍ବିନ୍‌ ପିଭି ସିନ୍ଧୁଙ୍କ ରାଜ । ଦମଦାର ପ୍ରଦର୍ଶନ ସହ ପ୍ରତିଦ୍ବନ୍ଦ୍ବୀଙ୍କୁ ଦେଲେ ମାତ । 21-5 ଓ 21-10 ସ୍କୋରରେ ଉଭୟ ସେଟ୍‌ ଜିତି ପ୍ରି-କ୍ବାର୍ଟରଫାଇନାଲ ପାଇଁ ଯୋଗ୍ୟତା ଅର୍ଜନ କରିଛନ୍ତି ସିନ୍ଧୁ । ଅଧିକ ପଢ଼ନ୍ତୁ

ପ୍ୟାରିସ (ଫ୍ରାନ୍ସ): ବ୍ୟାଡ୍‌ମିଣ୍ଟନରେ ଭାରତର ପଦକ ଆଶା ଉଦ୍‌ଜୀବୀତ । ଦମଦାର ପ୍ରଦର୍ଶନ ସହ ପ୍ରତିଦ୍ବନ୍ଦ୍ବୀଙ୍କୁ ମାତ ଦେଇ ପ୍ରି-କ୍ବାର୍ଟରଫାଇନାଲକୁ ଉନ୍ନିତ ହେଲେ ଭାରତୀୟ ଷ୍ଟାର ସଟ୍‌ଲର ପିଭି ସିନ୍ଧୁ । ବିପକ୍ଷ ଇଷ୍ଟୋନିଆର କ୍ରିଷ୍ଟେନ କୁବାଙ୍କ ବିପକ୍ଷରେ ଦମଦାର ବିଜୟ ହାସଲ କରିଛନ୍ତି ପିଭି ସିନ୍ଧୁ । ଆରମ୍ଭରୁ ହିଁ ମ୍ୟାଚ୍‌ରେ ଦବଦବା ଜାରି ରଖିବା ସହ ଏକ ସହଜ ବିଜୟ ହାସଲ କରିଛନ୍ତି ସିନ୍ଧୁ । ସେ ଉଭୟ ସେଟ୍‌କୁ ଯଥାକ୍ରମେ 21-5 ଓ 21-10 ସ୍କୋରରେ ଜିତିଛନ୍ତି । ମ୍ୟାଚ୍ କେବଳ 32 ମିନିଟ୍ ଧରି ଚାଲିଥିଲା ​​ଏବଂ ସିନ୍ଧୁ କ୍ରମାଗତ 2ଟି ଯାକ ସେଟ୍‌ ଜିତି ରାଉଣ୍ଡ ଅଫ୍‌ 16, ଅର୍ଥାତ ପ୍ରି-କ୍ବାର୍ଟରଫାଇନାଲ ପାଇଁ ଯୋଗ୍ୟତା ଅର୍ଜନ କରିଛନ୍ତି ।

🇮🇳 𝗦𝗶𝗻𝗱𝗵𝘂 𝘄𝗶𝗻𝘀 𝘄𝗶𝘁𝗵 𝗲𝗮𝘀𝗲! A terrific performance from PV Sindhu to defeat Kristin Kuuba in her final group game to move one step closer to Olympic glory for the third time. She won her match in straight games, 21-05 & 21-10.

🏸 Kristin had no answer to Sindhu's… pic.twitter.com/9TJr9mZ2Ko

— India at Paris 2024 Olympics (@sportwalkmedia) July 31, 2024

ଆରମ୍ଭରୁ ଦବଦବା ଜାରି ରଖିଲେ ସିନ୍ଧୁ:-

ପିଭି ସିନ୍ଧୁ ମ୍ୟାଚ୍‌ ଆରମ୍ଭରୁ ହିଁ ପ୍ରତିଦ୍ବନ୍ଦ୍ବୀଙ୍କ ବିପକ୍ଷରେ ଦବଦବା ଜାରି ରଖିଥିଲେ ଏବଂ ପ୍ରଥମ ସେଟ୍‌କୁ ସହଜରେ 21-5 ସ୍କୋରରେ ଜିତିଥିଲେ । ତାଙ୍କ ପ୍ରତିଦ୍ବନ୍ଦ୍ବୀ ସିନ୍ଧୁଙ୍କ 'ବ୍ୟାକହାଣ୍ଡ୍ ସଟ୍' ବିପକ୍ଷରେ ସଂଘର୍ଷ କରୁଥିବା ଦେଖିବାକୁ ମିଳିଥିଲା । ସିନ୍ଧୁ ଦ୍ବିତୀୟ ସେଟ୍‌କୁ 21-10 ସ୍କୋରରେ ଜିତି ନେଇଥିଲେ । ସିନ୍ଧୁ ଇଷ୍ଟୋନିଆର କ୍ରିଷ୍ଟେନ କୁବାଙ୍କ ବିପକ୍ଷରେ ବିପକ୍ଷ ମ୍ୟାଚରେ ଏକ ଶକ୍ତିଶାଳୀ ଆରମ୍ଭ କରି ପ୍ରଥମ ତିନୋଟି ପଏଣ୍ଟ ଜିତି ଆରମ୍ଭରୁ ଅଗ୍ରଣୀ ହାସଲ କରିଥିଲେ । ସେ ନେଟ୍‌ ସଟ୍‌ ସହିତ 6 ପଏଣ୍ଟ ଲିଡ୍‌ ନେଇ ମ୍ୟାଚ୍‌କୁ ଆଗେଇ ନେଇଥିଲେ । ହେଲେ କ୍ରିଷ୍ଟେନ କୁବା ପ୍ରଭାବଶାଳୀ ପ୍ରତ୍ୟାବର୍ତ୍ତନ କରିବାରେ ଅସମର୍ଥ ରହିଥିଲେ ।

ଏମିତି ଥିଲା ପୂରା ମ୍ୟାଚ୍‌:-

ଇଷ୍ଟୋନିଆ ଖେଳାଳି କିଛି ପଏଣ୍ଟ ହାସଲ କରିବା ସତ୍ତ୍ବେ ସିନ୍ଧୁ ନିୟନ୍ତ୍ରଣ ବଜାୟ ରଖିଥିଲେ । କୁବା ଏକ ଅଜବ ଡ୍ରାଇଭ୍‌ ସଟ୍‌ ଖେଳିବାକୁ ଚେଷ୍ଟା କରିଥିଲେ, କିନ୍ତୁ ଏହାକୁ ସୀମା ଭିତରେ ରଖିବାରେ ବିଫଳ ହୋଇଥିଲେ । ଫଳରେ ସିନ୍ଧୁଙ୍କୁ ଆଉ ଏକ ପଏଣ୍ଟ ମିଳିଥିଲା । ବିଳମ୍ବିତ ପ୍ରତ୍ୟାବର୍ତ୍ତନ ପରେ ସିନ୍ଧୁ ଶୀଘ୍ର କ୍ରସ-କୋର୍ଟ ଡ୍ରାଇଭ ସହିତ ପୁନର୍ବାର ନିଜ ଲୟକୁ ଫେରିଥିଲେ ଏବଂ ଲିଡ୍‌କୁ 13 ପଏଣ୍ଟକୁ ଆଗେଇ ନେଇଥିଲେ । ସିନ୍ଧୁ ସ୍କୋରକୁ 18-3 ପର୍ଯ୍ୟନ୍ତ ନେଇ ନିଜର ଆଧିପତ୍ୟ ଜାରି ରଖିଥିଲେ । ହେଲେ ପୁଣି ଗୋଟିଏ ଭୁଲ ସଟ୍‌ କାରଣରୁ ପଏଣ୍ଟ ପୁଣି ଚାଲିଯାଇଥିଲା ବିପକ୍ଷ ଖେଳାଳିଙ୍କ ହାତକୁ । ପରିଶେଷରେ, ସିନ୍ଧୁ 21-5ର ଏକ ପ୍ରଭାବଶାଳୀ ସ୍କୋର ସହିତ ପ୍ରଥମ ଗେମ୍‌ ସହଜରେ ଜିତିଥିଲେ । ଦ୍ବିତୀୟ ସେଟ୍‌ ଆରମ୍ଭରୁ ସିନ୍ଧୁ ଶୀଘ୍ର ମ୍ୟାଚ୍‌ ଶେଷ କରିବା ଲକ୍ଷ୍ୟରେ ଖେଳିଲେ । ପ୍ରତିଦ୍ବନ୍ଦ୍ବୀ ଖେଳାଳିଙ୍କ ଦମଦାର ପ୍ରଦର୍ଶନ ସତ୍ତ୍ବେ ସିନ୍ଧୁଙ୍କର ଶକ୍ତିଶାଳୀ ଲଟ୍‌ ଏବଂ ସ୍ଥିର ପ୍ରଦର୍ଶନ ତାଙ୍କୁ ଅଗ୍ରଣୀ କରାଇଲା । ଶେଷରେ ଏହି ସେଟ୍‌କୁ 21-10ରେ ଜିତିଥିଲେ ପିଭି ସିନ୍ଧୁ । ଏହି ବିଜୟ ସହ ରାଉଣ୍ଡ ଅଫ୍‌ 16କୁ ଉନ୍ନିତ ହୋଇଛନ୍ତି ଏହି ଭାରତୀୟ ଷ୍ଟାର ସଟ୍‌ଲର ।

ବ୍ୟୁରୋ ରିପୋର୍ଟ, ଇଟିଭି ଭାରତ