ହାଇଦ୍ରାବାଦ: ଅଲିମ୍ପିକ୍ସରେ ବ୍ରୋଞ୍ଜ ପଦକ ପାଇବା ପରେ ଚର୍ଚ୍ଚାରେ ଷ୍ଟାର ସୁଟର ମନୁ ଭାକର । ଦେଶ ପାଇଁ ଅଲିମ୍ପିକ୍ସରେ ପ୍ରଥମ ପଦକ ହାସଲ ପରେ ଚାରି ଆଡେ ଖୁସିର ମାହୋଲ । ହରିୟାଣାର ଏହି ଷ୍ଟାର ସୁଟରଙ୍କୁ ଶୁଭେଚ୍ଛାର ସୁଅ ଛୁଟିଛି । ରାଷ୍ଟ୍ରପତି, ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଓ ରାହୁଲ ଗାନ୍ଧି ମନୁଙ୍କୁ ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି । ଗତକାଲି 10 ମିଟର ଏୟାର ପିସ୍ତଲ ଫାଇନାଲ ଇଭେଣ୍ଟରେ 221.7 ପଏଣ୍ଟ ସୁଟ କରିଥିଲେ ମନୁ ଭକର । ଫାଇନାଲ ଇଭେଣ୍ଟର ପ୍ରଥମ ରାଉଣ୍ଡରେ ଭକର ସଂଘର୍ଷ କରଥିଲେ । ଟପ୍ -3ରେ ଆସି ନଥିଲେ । କିନ୍ତୁ ପରେ ହୋଇଥିଲା ଚମତ୍କାର । ପରବର୍ତ୍ତୀ ଇଭେଣ୍ଟରେ ଅବିଶ୍ବସନୀୟ ସୁଟ୍ କରି ଟପ୍ -3ରେ ରହି ବ୍ରୋଞ୍ଜ ଜିତିଥିଲେ ।
#WATCH | Prime Minister Narendra Modi interacts with Olympic Bronze Medalist Manu Bhaker and congratulated her on winning a Bronze medal in Women’s 10 M Air Pistol at #ParisOlympics2024 pic.twitter.com/IHrumNS5yv
— ANI (@ANI) July 28, 2024
ମନୁଙ୍କୁ ସହ ଫୋନରେ କଥା ହେଲେ ମୋଦି: ମନୁ ଅଲିମ୍ପିକ୍ସ ମେଡାଲ ଜିତିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫୋନ ଯୋଗେ ତାଙ୍କ ସହ କଥା ହୋଇ ଶୁଭେଚ୍ଛା ଜଣାଇଥିଲେ । ଯାହାର ଭିଡିଓ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏକ୍ସ ହ୍ୟାଣ୍ଡେଲରେ ସେୟାର କରାଯାଇଛି । ହରିୟାଣାର ଏହି ଷ୍ଟାର ସୁଟରଙ୍କୁ ମୋଦି କହିଥିଲେ, ତୁମେ 0.1 ପେଣ୍ଟ ପଛରେ ରହି ରୌପ୍ୟ ପଦକରୁ ବଞ୍ଚିତ ହୋଇଛି । ତଥାପି ତୁମେ ଦେଶକୁ ଗର୍ବିତ କରାଇଛ । ତୁମକୁ 2 ପ୍ରକାର ଶ୍ରେୟ ଯାଉଛି । ଗୋଟିଏ ବ୍ରୋଞ୍ଜ ପଦକ ଜିତିବା ପାଇଁ ଏବଂ ଅନ୍ୟଟି ଶୁଟିଂରେ ଦେଶ ପାଇଁ ପଦକ ଜିତିଥିବା ପ୍ରଥମ ମହିଳା ହେବା ପାଇଁ । ଟେକ୍ନିକାଲ ସମସ୍ୟା ଯୋଗୁଁ ଟୋକିଓ ଅଲିମ୍ପିକ୍ସରେ ତୁମକୁ ପଦକ ହରାଇବାକୁ ପଡିଲା, କିନ୍ତୁ ସବୁକିଛି ଭୁଲି ତୁମେ ପୁଣି ଭଲ ପ୍ରଦର୍ଶନ କରିଛ । ମୋର ସମ୍ପୂର୍ଣ୍ଣ ବିଶ୍ୱାସ ତୁମେ ଭବିଷ୍ୟତରେ ଆହୁରି ଭଲ ପ୍ରଦର୍ଶନ କରିବେ, କାରଣ ଏହି ବିଜୟ ଆପଣଙ୍କୁ ଉତ୍ସାହିତ କରିବ ଏବଂ ଆତ୍ମବିଶ୍ୱାସ ବଢାଇବ। ଦେଶ ମଧ୍ୟ ଏଥି ପାଇଁ ଲାଭବାନ ହେବ । ପ୍ୟାରିସରେ ଖେଳାଳିଙ୍କ ପାଇଁ ହୋଇଥିବା ସମସ୍ତ ବ୍ୟବସ୍ଥା ଭଲ କି ନୁହେଁ ତାହା ଉପରେ ମଧ୍ୟ ମନୁଙ୍କୁ ପଚାରିଥିଲେ ପ୍ରଧାନମନ୍ତ୍ରୀ । ମନୁ ଭାକର କହିଥିଲେ, '' ଏଠାରେ ସବୁକିଛି ଠିକ ଠାକ ଅଛି। ଆମକୁ ସବୁ ପ୍ରକାର ସୁବିଧା ମିଳୁଛି ଏବଂ ବର୍ତ୍ତମାନ ପର୍ଯ୍ୟନ୍ତ ସମସ୍ତ ଉଦ୍ୟମ ସଫଳ ହୋଇଛି । ଆମେ ଭାରତ ସରକାରଙ୍କୁ ମଧ୍ୟ ସମସ୍ତ ସହଯୋଗ ପାଇଁ ଧନ୍ୟବାଦ ଜଣାଉଛୁ ।''
Heartiest congratulations to Manu Bhaker for opening India’s medal tally with her bronze medal in the 10 metre air pistol shooting event at the Paris Olympics. She is the first Indian woman to win an Olympic medal in a shooting competition. India is proud of Manu Bhaker. Her…
— President of India (@rashtrapatibhvn) July 28, 2024
'ମନୁଙ୍କ ପ୍ରଦର୍ଶନ ମହିଳାଙ୍କୁ ପ୍ରେରଣା ଦେବ': ରାଷ୍ଟ୍ରପତି ଟ୍ବିଟ କରି କହିଛନ୍ତି, ''ପ୍ୟାରିସ୍ ଅଲିମ୍ପିକ୍ସରେ 10 ମିଟର ଏୟାର ପିସ୍ତଲ ଶୁଟିଂ ଇଭେଣ୍ଟରେ ବ୍ରୋଞ୍ଜ ପଦକ ହାସଲ କରିଥିବାରୁ ମନୁ ଭାକରଙ୍କୁ ହାର୍ଦ୍ଦିକ ଅଭିନନ୍ଦନ। ସେ ହେଉଛନ୍ତି ପ୍ରଥମ ଭାରତୀୟ ମହିଳା ଯିଏକି ଶୁଟିଂ ପ୍ରତିଯୋଗିତାରେ ଅଲିମ୍ପିକ୍ସ ପଦକ ଜିତିଛନ୍ତି । ମନୁ ଭକରଙ୍କ ପାଇଁ ଦେଶ ଗର୍ବିତ । ତାଙ୍କର ଏହି ପ୍ରଦର୍ଶନ ଅନେକ କ୍ରୀଡ଼ାବିତ୍, ବିଶେଷକରି ମହିଳାମାନଙ୍କୁ ପ୍ରେରଣା ଯୋଗାଇବ । ଭବିଷ୍ୟତରେ ସଫଳତାର ବହୁ ଉଚ୍ଚକୁ ଯାଆନ୍ତୁ । ''
ପ୍ୟାରିସ ଅଲିମ୍ପିକ୍ସରେ ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ ଭାରତ ପାଇଁ ପ୍ରଥମ ପଦକ(ବ୍ରୋଞ୍ଜ) ଆଣିଥିବା ମନୁ ଭାକରଙ୍କୁ ଶୁଭେଚ୍ଛା ଜଣାଉଛି।
— Mohan Charan Majhi (@MohanMOdisha) July 28, 2024
ଏହି ବିଜୟ ସାରା ଭାରତ ପାଇଁ ଗର୍ବ ଏବଂ ଗୌରବର ବିଷୟ।
ଜୟ ହିନ୍ଦ୍ 🇮🇳#Olympics #ParisOlympics2024 pic.twitter.com/EPmS9IugPT
ମନୁଙ୍କୁ ଶୁଭେଚ୍ଛା ଜଣାଇଲେ ମୋହନ ମାଝୀ: ଓଡି଼ଶାର ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ମନୁ ଭାକରଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି, ସେ ଟ୍ବିଟ କରି କହିଛନ୍ତି, ''ପ୍ୟାରିସ ଅଲିମ୍ପିକ୍ସରେ ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ ଭାରତ ପାଇଁ ପ୍ରଥମ ବ୍ରୋଞ୍ଜ ପଦକ ଆଣିଥିବା ମନୁ ଭାକରଙ୍କୁ ଶୁଭେଚ୍ଛା ଜଣାଉଛି। ଏହି ବିଜୟ ସାରା ଭାରତ ପାଇଁ ଗର୍ବ ଏବଂ ଗୌରବର ବିଷୟ।
ବ୍ୟୁରୋ ରିପୋର୍ଟ, ଇଟିଭି ଭାରତ
