ପ୍ୟାରିସ (ଫ୍ରାନ୍ସ): ପ୍ୟାରିସରୁ ଆସିଲା ପ୍ରଥମ ମେଡାଲ । ପ୍ୟାରିସ ଅଲିମ୍ପିକ୍ସ 2024ରେ ଭାରତୀୟ ଶୁଟର ମନୁ ଭାକର 10 ମିଟର ଏୟାର ପିସ୍ତଲ ମହିଳା ଏକକ ବର୍ଗରେ ଫାଇନାଲ୍ରେ ଜିଛନ୍ତି ବ୍ରୋଞ୍ଜ ମେଡାଲ । ଗତ 20 ବର୍ଷରେ ଏକ ବ୍ୟକ୍ତିଗତ ଇଭେଣ୍ଟରେ ଅଲିମ୍ପିକ୍ସ ଫାଇନାଲରେ ପ୍ରବେଶ କରିବାରେ ମନୁ ଭାକର ପ୍ରଥମ ଭାରତୀୟ ମହିଳା ଶୁଟର ହୋଇଥିବାବେଳେ ଏଠାରେ କାଂସ୍ୟ ଜିତି ରଚିଛନ୍ତି ଇତିହାସ । ସେପଟେ ଏଭଳି ସଫଳତା ପରେ ପ୍ରଧାନମନ୍ତ୍ରୀ ମୋଦି ଟ୍ବିଟ୍ କରିବା ସହିତ ନିଜେ ଫୋନ କରି ମନୁଙ୍କ ସହ କଥା ହୋଇଛନ୍ତି । ଏଭଳି ସଫଳତା ପାଇଁ ସେ ମନୁଙ୍କୁ ଶୁଭେଚ୍ଛା ଜଣାଇଛନ୍ତି ।
A historic medal!
— Narendra Modi (@narendramodi) July 28, 2024
Well done, @realmanubhaker, for winning India’s FIRST medal at #ParisOlympics2024! Congrats for the Bronze. This success is even more special as she becomes the 1st woman to win a medal in shooting for India.
An incredible achievement!#Cheer4Bharat
ଇତିହାସ ରଚିଲେ ମନୁ ଭାକର:-
ମନୁ ଭାକର ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଛନ୍ତି । ସେ 10 ମିଟର ଏୟାର ପିସ୍ତଲ ଇଭେଣ୍ଟରେ ପଦକ ଜିତି ଶୁଟିଂ ଇଭେଣ୍ଟରେ ପଦକ ଜିତିଥିବା ପ୍ରଥମ ଭାରତୀୟ ମହିଳା ଶୁଟର ହୋଇଛନ୍ତି । ପ୍ରଥମ ଭାରତୀୟ ମହିଳା ଶୁଟର ଭାବେ ମଧ୍ୟ ସେ ଗତ 20 ବର୍ଷରେ କୌଣସି ବ୍ୟକ୍ତିଗତ ଇଭେଣ୍ଟରେ ଅଲିମ୍ପିକ୍ସ ଫାଇନାଲରେ ପ୍ରବେଶ କରିଥିଲେ । ଦେଶକୁ ପ୍ରଥମ ପଦକ ଦେବା ପାଇଁ ଚମତ୍କାର ପ୍ରଦର୍ଶନ କରିଥିଲେ ମନୁ ଭାକର ।
ପ୍ୟାରିସ ଅଲିମ୍ପିକ୍ସରେ ଭାରତକୁ ପ୍ରଥମ ପଦକ:-
ମନୁ ଭାକର ଫାଇନାଲରେ 221.7 ପଏଣ୍ଟ ହାସଲ କରି ଭାରତକୁ ପ୍ୟାରିସ ଅଲିମ୍ପିକ୍ସ 2024ରେ ପ୍ରଥମ ପଦକ ଦେଇଛନ୍ତି । ଏହି ଇଭେଣ୍ଟରେ ଅଲିମ୍ପିକ୍ ରେକର୍ଡ ସ୍କୋର 243.2 ପଏଣ୍ଟ ସହ ଦକ୍ଷିଣ କୋରିଆର ଓହ ୟେ ଜିନ୍ ସ୍ବର୍ଣ୍ଣ ପଦକ ଜିତିଛନ୍ତି । ଅନ୍ୟ ଜଣେ କୋରିଆନ୍ କି ୟେଜିନ୍ 241.3 ପଏଣ୍ଟ ସହ ରୌପ୍ୟ ପଦକ ହାସଲ କରିଛନ୍ତି ।
ITS A BRONZE!!! Our first medal at @paris2024 comes in shooting courtesy of @realmanubhaker Fantastic shooting all along to bring home our first medal 🥉👏🏽👏🏽#JeetKiAur #Cheer4Bharat pic.twitter.com/hzTuN9G0I3
— Team India (@WeAreTeamIndia) July 28, 2024
ଫାଇନାଲ୍ରେ ମନୁଙ୍କ ଚମତ୍କାର ପ୍ରଦର୍ଶନ:-
ମନୁ ଭାକର ମ୍ୟାଚ୍ ଆରମ୍ଭରୁ ହିଁ ନିଜର ଜବରଦସ୍ତ ପ୍ରଦର୍ଶନ କରିଥିଲେ ଏବଂ 5 ସଟ୍ ପରେ 50.4 ସ୍କୋର କରି କୋରିଆ ପରେ ଦ୍ବିତୀୟ ସ୍ଥାନରେ ରହିଥିଲେ । ଏହାପରେ ମଧ୍ୟ ମନୁ ତାଙ୍କର ଉତ୍କୃଷ୍ଟ ଫର୍ମ ଜାରି ରଖିଥିଲେ ଏବଂ 10ଟି ସଟ୍ ପରେ 100.3 ପଏଣ୍ଟ ସହ ମନୁ ଭାକର ଦୁଇ କୋରିଆ ଖେଳାଳିଙ୍କ ପରେ ତୃତୀୟ ସ୍ଥାନରେ ରହିଥିଲେ । ଏହାପରେ, 15ଟି ସଟ୍ ପରେ ତାଙ୍କ ସ୍କୋର 150.7 ଥିଲା ଏବଂ ସେ ତୃତୀୟ ସ୍ଥାନରେ ରହିଥିଲେ । 20 ସଟ୍ ପରେ ମନୁ 201.3 ପଏଣ୍ଟ ସହିତ ତୃତୀୟ ସ୍ଥାନରେ ରହି ଦେଶ ପାଇଁ ବ୍ରୋଞ୍ଜ ପଦକ ସୁରକ୍ଷିତ କରିଥିଲେ ।
ଏହା ମଧ୍ୟ ପଢ଼ନ୍ତୁ...ଶୁଟିଂ ଫାଇନାଲ୍ରେ ରମିତା; ଶେଷ ପର୍ଯ୍ୟାୟରେ ଫେଲ ମାରିଲେ ଏଲାଭେନିଲ - Paris Olympics 2024
ବ୍ୟୁରୋ ରିପୋର୍ଟ, ଇଟିଭି ଭାରତ
