ପ୍ୟାରିସ: ଆରମ୍ଭରୁ ପ୍ୟାରିସ ଅଲିମ୍ପିକ୍ସରେ ଚମକିଲା ଭାରତୀୟ ପୁରୁଷ ହକି ଟିମ୍ । ପ୍ରଥମ ମ୍ୟାଚରେ ନ୍ୟୁଜିଲାଣ୍ଡକୁ ହରାଇ ବିଜୟରୁ ଅଭିଯାନ ଆରମ୍ଭ କରିଛି ମେନ ଇନ ବ୍ଲୁ । 3-2 ଗୋଲରେ ବିପକ୍ଷ ଦଳକୁ ପରାସ୍ତ କରି 3 ପଏଣ୍ଟ ହାସଲ କରିଛି । ତୃତୀୟ ଗୋଲ ଦେଇ ଦଳକୁ ବିଜୟ ଦ୍ବାରରେ ପହଞ୍ଚାଇଥିଲେ ଅଧିନାୟକ ହର୍ମନପ୍ରୀତ ସିଂ । ଆସନ୍ତା 29 ତାରିଖରେ ଆର୍ଜେଣ୍ଟିନା ସହ ଦ୍ବିତୀୟ ମ୍ୟାଚ ଖେଳିବ ଭାରତ ।
Update: INDIA MEN'S HOCKEY TEAM POOL MATCH👇
— SAI Media (@Media_SAI) July 27, 2024
Mission #ChakdeIndia💯😍
Our #MenInBlue 🇮🇳 gave a solid performance against New Zealand 🇳🇿, defeating the Kiwis 3-2 in a thrilling match @TheHockeyIndia pic.twitter.com/7uEhfuRb81
ପ୍ରଥମ କ୍ବାଟରରେ ନ୍ୟୁଜିଲାଣ୍ଡର ପ୍ରଥମ ଗୋଲ:
ଗତକାଲି ରାତି 9ଟା ସମୟରେ ଅଲିମ୍ପିକ୍ସ ଟ୍ରାକକୁ ଓହ୍ଲାଇଥିଲେ ଭାରତ ଓ ନ୍ୟୁଜିଲାଣ୍ଡ । ପ୍ରଥମରୁ ଆକ୍ରମଣ ଆରମ୍ଭ କରିଥିଲା ନ୍ୟୁଜିଲାଣ୍ଡ । ପ୍ରଥମ 8 ମିନିଟରେ ନ୍ୟୁଜିଲାଣ୍ଡର ସାମ୍ ଲେନ ପ୍ରଥମ ଗୋଲ ଦେଇ ଦଳକୁ 1-0ରେ ଆଗୁଆ ରଖିଥିଲେ । ପ୍ରଥମ କ୍ବାଟରରେ ଚେଷ୍ଟା କରି ଗୋଲ ଦେଇପାରିନଥିଲେ ମଧ୍ୟ ଦ୍ବିତୀୟ କ୍ବାଟରରେ ଫର୍ମକୁ ଫେରିଥିଲା ଭାରତ । 24 ମିନିଟରେ ମନଦୀପ ସିଂ ପ୍ରଥମ ଗୋଲ ଦେଇ ମ୍ୟାଚକୁ ବରାବର ସ୍ଥିତିକୁ ଆଣିଥିଲେ । ତୃତୀୟ କ୍ବାଟରରେ 34 ମିନିଟରେ ଭାରତ ଦ୍ବିତୀୟ ଗୋଲ ଦେବାକୁ ସମର୍ଥ ହୋଇଥିଲା । ବିବେକ ପ୍ରସାଦ ସାଗକ ଫିଲ୍ଡ ଗୋଲ ଦେବାରୁ 2-1ରେ ଆଗୁଆ ରହିଥିଲା ଟିମ୍ ଇଣ୍ଡିଆ ।
𝐁𝐈𝐆 𝐔𝐩𝐝𝐚𝐭𝐞: 𝐈𝐧𝐝𝐢𝐚 𝐁𝐄𝐀𝐓 𝐍𝐞𝐰 𝐙𝐞𝐚𝐥𝐚𝐧𝐝 𝟑-𝟐 𝐢𝐧 𝐭𝐡𝐞𝐢𝐫 𝐨𝐩𝐞𝐧𝐢𝐧𝐠 𝐆𝐫𝐨𝐮𝐩 𝐬𝐭𝐚𝐠𝐞 𝐭𝐡𝐫𝐢𝐥𝐥𝐞𝐫.
— India_AllSports (@India_AllSports) July 27, 2024
Mandeep Singh, Vivek Prasad & Harmanpreet were the goal-scorers for India. #Hockey #Paris2024 #Paris2024withIAS #TeamIndia pic.twitter.com/4KisiaUJZO
ବିଜୟୀ ଗୋଲ ଦେଇଥିଲେ ହର୍ମନପ୍ରୀତ:
ଶେଷ କ୍ବାଟର ବେଶ ସଂଘର୍ଷପୂର୍ଣ୍ଣ ରହିଥିଲା । ନ୍ୟୁଜିଲାଣ୍ଡ ଏକାଧିକ ପେନାଲ୍ଟି କର୍ଣ୍ଣର ପାଇଥିଲେ ମଧ୍ୟ ଭାରତର ଗୋଲ କିପର ଶ୍ରୀଜେଶ ଗୋଲ ଦେବାରେ ବାଧା ସୃଷ୍ଟି କରିଥିଲେ । ଶେଷରେ ସାମ୍ ଚିଲ୍ଡ ଗୋଟିଏ ଗୋଲ ଦେଇ ମ୍ୟଚକୁ 2-2ରେ ବରାବର କରିଥିଲେ । 57 ମିନିଟରେ ଭାରତକୁ ମିଳିଥିଲା ପେନାଲ୍ଟି ଷ୍ଟ୍ରୋକ । ଯାହାର ଫୁଲ ଫାଇଦା ଉଠାଇଥିଲେ ଅଧିନାୟକ ହର୍ମନପ୍ରୀତ ସିଂ । ବଲକୁ ସିଧା ନ୍ୟୁଜିଲାଣ୍ଡର ନେଟକୁ ମାରି ବିଜୟୀ ଗୋଲ ହାସଲ କରିଥିଲେ । ଶେଷରେ 3-2ରେ ଭାରତ ବିଜୟୀ ହୋଇଥିଲା । ପ୍ରଥମ ମ୍ୟାଚରୁ 3 ପଏଣ୍ଟ ପାଇଛି ଟିମ୍ ଇଣ୍ଡିଆ । ଆସନ୍ତାକାଲି ଦ୍ବିତୀୟ ମ୍ୟାଚରେ ଆର୍ଜେଣ୍ଟିନାକୁ ଭେଟିବ ଦଳ । ଆଗାମୀ ମ୍ୟାଚକୁ ନେଇ ଖେଳାଳିଙ୍କ ମନୋବଳ ଦୃଢ ରହିଛି ।
