ଭାରତ ଫେରିଲେ ମନୁ ଭାକର; ଦିଲ୍ଲୀରେ ଭବ୍ୟ ସ୍ବାଗତ - Paris Olympics 2024

Manu Bhaker Arrived Delhi : ପ୍ୟାରିସ ଅଲିମ୍ପିକ୍ସରେ ଦୁଇ ଦୁଇଟି ବ୍ରୋଞ୍ଜ ପଦକ ଜିତିଥିବା ଷ୍ଟାର ଶୁଟର ମନୁ ଭାକର ଭାରତ ଫେରିଛନ୍ତି । ଦିଲ୍ଲୀ ବିମାନବନ୍ଦରରେ ପହଞ୍ଚିବା ପରେ ମନୁଙ୍କୁ ଭବ୍ୟ ସ୍ବାଗତ କରିଛନ୍ତି ପରିବାର ଓ ପ୍ରଶଂସକ । ଅଧିକ ପଢ଼ନ୍ତୁ

ନୂଆଦିଲ୍ଲୀ: ପ୍ୟାରିସ ଅଲିମ୍ପିକ୍ସ 2024ରେ ଭାରତ ପାଇଁ ଦୁଇ ଦୁଇଟି ବ୍ରୋଞ୍ଜ ପଦକ ଜିତିଥିବା ଶୁଟର ମନୁ ଭାକର ଭାରତ ଫେରିଛନ୍ତି । ଦିଲ୍ଲୀ ଫେରିବା ପରେ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ମନୁ ଭାକରଙ୍କୁ ଭବ୍ୟ ସ୍ବାଗତ କରାଯାଇଥିଲା । ଏଠାରେ ତାଙ୍କ ପରିବାରର ପ୍ରାୟ 100 ଲୋକ ତାଙ୍କୁ ସ୍ବାଗତ କରିବାକୁ ପ୍ରସ୍ତୁତ ଥିଲେ । ଏହା ସହିତ ତାଙ୍କ ପ୍ରଶିକ୍ଷକ ଜସପାଲ ରାଣା ମଧ୍ୟ ତାଙ୍କୁ ସ୍ବାଗତ କରିବା ପାଇଁ ବିମାନବନ୍ଦରରେ ଉପସ୍ଥିତ ଥିଲେ ।

#WATCH | Double Olympic medalist Manu Bhaker receives a grand welcome after she arrives at Delhi airport after her historic performance in #ParisOlympics2024

She won bronze medals in Women’s 10m Air Pistol & the 10m Air Pistol Mixed team event. pic.twitter.com/rcVgqkaxjP

— ANI (@ANI) August 7, 2024

ଭାକରଙ୍କୁ ଭବ୍ୟ ସ୍ବାଗତ :-

ବିମାନ ବନ୍ଦରରେ ପହଞ୍ଚିବା ପରେ ବାଜା ବଜାଇ ଏବଂ ଫୁଲମାଳ ଦେଇ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା । ଏହି ସମୟରେ ମନୁ ତାଙ୍କ ପଦକ ଧରି ବହୁତ ଖୁସି ଦେଖା ଯାଉଥିଲେ । ପ୍ରଶଂସକମାନେ ମନୁ ଭାକର ଓ ତାଙ୍କ ପ୍ରଶିକ୍ଷକ ଜସପାଲ ରାଣାଙ୍କୁ ଫୁଲମାଳ ଦେଇ ସ୍ବାଗତ କରୁଥିବା ଦେଖିବାକୁ ମିଳିଥିଲା । ଏହା ସହିତ ମନୁ ଓ ଜସପାଲଙ୍କ ଫଟୋ ଥିବା ବ୍ୟାନର ଧରି ନାଚି, ନାରା ଲଗାଇ ପ୍ରଶଂସକମାନେ ଭାକରଙ୍କ ସଫଳତାକୁ ସେଲିବ୍ରେଟ କରିଥିଲେ ।

#WATCH | Double Olympic medalist Manu Bhaker shows her medal as she arrives in Delhi after her historic performance in #ParisOlympics2024

She won bronze medals in Women’s 10m Air Pistol & the 10m Air Pistol Mixed team event. pic.twitter.com/5dylr6Zimv

— ANI (@ANI) August 7, 2024

ପ୍ୟାରିସ ଅଲିମ୍ପିକ୍ସରେ ରଚିଛନ୍ତି ଇତିହାସ :-

ମନୁ ଭାକର ଚଳିତ ପ୍ୟାରିସ ଅଲିମ୍ପିକ୍ସ 2024ରେ 10 ମିଟର ବ୍ୟକ୍ତିଗତ ଏବଂ 10 ମିଟର ମିଶ୍ରିତ ଏୟାର ପିସ୍ତଲ ଶୁଟିଂ ଇଭେଣ୍ଟରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଛନ୍ତି । ଗୋଟିଏ ଅଲିମ୍ପିକ୍ସ ସଂସ୍କରଣରେ ସେ ଦୁଇଟି ପଦକ ଜିତିଥିବା ପ୍ରଥମ ଭାରତୀୟ ହୋଇଥିଲେ । ଭାକର ଏବେ ଭାରତ ଫେରିଥିବାବେଳେ ସେ ଶନିବାର ପୁନର୍ବାର ପ୍ୟାରିସକୁ ଫେରିବେ ଏବଂ ରବିବାର ଦିନ ପ୍ୟାରିସ ଅଲିମ୍ପିକ୍ସ ଉଦ୍‌ଯାପନୀ ସମାରୋହରେ ଭାରତୀୟ ଦଳର ଧ୍ବଜାବାହକ ହେବେ ।

ଏପର୍ଯନ୍ତ ଭାରତ ପାଇଛି 3 ପଦକ :-

ପ୍ରକାଶ ଥାଉ, ଚଳିତ ଅଲିମ୍ପିକ୍ସରେ ଭାରତ ଏପର୍ଯ୍ୟନ୍ତ କେବଳ 3ଟି ପଦକ ଜିତିପାରିଛି । ସେଥି ମଧ୍ୟରୁ କେବଳ ମନୁ ଭାକର 2ଟି ପଦକ ଜିତିଛନ୍ତି । ମହିଳା 10 ମିଟର ବ୍ୟକ୍ତିଗତ ଏୟାର ପିସ୍ତଲ ଶୁଟିଂରେ ମନୁ ଭାକର ବ୍ରୋଞ୍ଜ ମେଡାଲ ଜିତି ଦେଶକୁ ଚଳିତ ଅଲିମ୍ପିକ୍ସର ପ୍ରଥମ ପଦକ ଦେଇଥିଲେ । ଏହାପରେ 10 ମିଟର ଏୟାର ପିସ୍ତଲ ମିଶ୍ରିତ ଇଭେଣ୍ଟରେ ସରବଜୋତ ସିଂହଙ୍କ ସହ ମିଶି ମନୁ ଦେଶ ପାଇଁ ଦ୍ବିତୀୟ ପଦକ ଜିତିଥିଲେ । ଅନ୍ୟପଟେ ଭାରତକୁ ତୃତୀୟ ମେଡାଲ ଦେଇଥିଲେ 50 ମିଟର ଏୟାର ରାଇଫଲ ଶୁଟର ସ୍ବପ୍ନୀଲ କୁସାଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ