ପ୍ୟାରିସ (ଫ୍ରାନ୍ସ): ଅଲିମ୍ପିକ୍ସରେ ଭାରତକୁ ବଡ ଝଟକା । ପ୍ରି-କ୍ବାର୍ଟର ଫାଇନାଲରେ ନିଖତ ଜରିନ ପରାଜିତ । ପଦକ ଆଶା ମଉଳିଗଲା । ଗୁରୁବାର ଚଳିତ ଅଲିମ୍ପିକ୍ସରେ ଭାରତକୁ ବଡ ଝଟକା ଲାଗିଛି । ଭାରତର ଷ୍ଟାର ବକ୍ସର ନିଖତ ଜରିନ ପ୍ରି-କ୍ବାର୍ଟର ଫାଇନାଲରେ ପରଜୟର ମୁହଁ ଦେଖିଛନ୍ତି । ଫଳରେ ରାଉଣ୍ଡ-16ରେ ପରାଜୟ ପରେ ନିଖତଙ୍କ ଅଲିମ୍ପିକ୍ସ ଯାତ୍ରା ଶେଷ ହୋଇଛି । ମହିଳା 50 କେଜି ବର୍ଗରେ ରାଉଣ୍ଡ-16 ବା ପ୍ରି- କ୍ବାର୍ଟର ଇଭେଣ୍ଟରେ ଚୀନ ଖେଳାଳି ବୁ ୟୁଙ୍କ ଠାରୁ 0-5 ପଏଣ୍ଟରେ ହାରି ଚଳିତ ଅଲିମ୍ପିକ୍ସ ମେଡାଲ ରେସରୁ ବାଦ ପଡିଛନ୍ତି ।
𝐁𝐈𝐆 𝐔𝐏𝐃𝐀𝐓𝐄: 𝐄𝐍𝐃 𝐨𝐟 𝐍𝐢𝐤𝐡𝐚𝐭 𝐙𝐚𝐫𝐞𝐞𝐧'𝐬 𝐜𝐚𝐦𝐩𝐚𝐢𝐠𝐧.
— India_AllSports (@India_AllSports) August 1, 2024
In a clash between World Champions in Pre-QF (50g); Wu Yu of China beat Nikhat 0:5. #Boxing #Paris2024 #Paris2024withIAS pic.twitter.com/pvldk6ChtY
ଏହା ବି ପଢନ୍ତୁ- ଭାରତୀୟ ହକି ଟିମର ପ୍ରଥମ ପରାଜୟ, 2-1ରେ ହରାଇଲା ବେଲଜିୟମ୍ - INDIAN HOCKEY TEAM AT OLYMPICS
ନିଖତଙ୍କ ଅଲିମ୍ପିକ୍ସ ଅଭିଯୋନ ଶେଷ -
ଚଳିତ ପ୍ୟାରିସ ଅଲମ୍ପିକ୍ସ 2024ରେ ନିଖତ ପଦକ ବିଜୟ ନେଇ 140 କୋଟି ଦେଶବାସୀ ଆଶାବାଦୀ ଥିଲେ । କନ୍ତୁ ସେ ପ୍ରି-କ୍ବାର୍ଟର ଫାଇନାଲରେ ଚୀନ ଖେଳାଳିଙ୍କ ଠାରୁ ପରାଜିତ ହୋଇ ଅଲିମ୍ପିକ୍ସ ଅଭିଯୋନ ଶେଷ କରିଛନ୍ତି । ପ୍ରଥମରୁ ଚୀନ ଖେଳାଳି ଆକ୍ରମଣାତ୍ମକ ବକ୍ସିଂ ଆରମ୍ଭ କରିଥିଲେ । ପ୍ରଥମ ରାଉଣ୍ଡରେ ବୁୟୁ ଜରିନଙ୍କ ଉପରେ ଭାରି ଥିଲେ । ତେବେ ଦୁଇ ଦୁଇ ଥରର ବିଶ୍ବ ଚାମ୍ପିଆନ ତଥା ଭାରତର ଷ୍ଟାର ବକ୍ସର ନିଖତ ଶାନଦାର କମବ୍ୟାକ କରିଥିଲେ ମଧ୍ୟ ଚୀନ ଖେଳାଳି ରାଉଣ୍ଡକୁ ଜିତି ନେଇଥିଲେ ।
ତେବେ ଏହି ପରାଜୟ ପୂର୍ବରୁ ଭାରତର ନିଖତ ଜରିନ ରାଉଣ୍ଡ 32ରେ ଜର୍ମାନୀ ବକ୍ସରଙ୍କୁ ହରାଇ ରାଉଣ୍ଡ 16ରେ ଏଣ୍ଟ୍ରି କରିଥିଲେ ।
ବକ୍ସିଂ ବିଶ୍ବ ଚମ୍ପିଆନ୍ସିପ୍-
ପୂର୍ବରୁ କ୍ରମାଗତ ଦୁଇଥର ବକ୍ସିଂ ବିଶ୍ବ ଚମ୍ପିଆନ୍ସିପ୍ରେ ସ୍ବର୍ଣ୍ଣ ପଦକ ଜିତି ଇତିହାସ ରଚିଥିଲେ ଭାରତୀୟ ବକ୍ସର ନିଖତ ଜରିନ। ବିଶ୍ବ ବକ୍ସିଂ ଚମ୍ପିଆନ୍ସିପ୍ 50 କେଜି ବର୍ଗ ଫାଇନାଲ୍ ମ୍ୟାଚ୍ରେ ଭିଏତନାମ୍ର ନ୍ୟୁଏନ୍ ଥିତାମ୍ଙ୍କୁ 5-0 ପଏଣ୍ଟରେ ପରାଜିତ କରିଥିଲେ। ଦୁଇଥରର ଏସୀୟ ଚମ୍ପିଆନ୍ ହେଉଛନ୍ତି ନ୍ୟୁଏନ୍ ଥିତାମ୍। ଏହି ଟୁର୍ଣ୍ଣାମେଣ୍ଟ ଆରମ୍ଭରୁଁ ବିପକ୍ଷ ଖେଳାଳିଙ୍କ ଉପରେ ନିଜର ଦବଦବା ଜାହିର କରି ଆସିଥିଲେ ନିଖତ ଜରିନ। ଯାହା ଫଳରେ ସେ ସ୍ବର୍ଣ୍ଣ ପଦକ ହାସଲ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
