ପ୍ୟାରିସ (ଫ୍ରାନ୍ସ) : ବ୍ୟାଡମିଣ୍ଟନ ପୁରୁଷ ସିଙ୍ଗଲ୍ସର ସେମିଫାଇନାଲରେ ଭାଙ୍ଗିଲା ଭାରତୀୟଙ୍କ ହୃଦୟ । ଭାରତର ଷ୍ଟାର ସଟଲର ଲକ୍ଷ୍ୟ ସେନ୍ ବର୍ତ୍ତମାନର ଅଲିମ୍ପିକ୍ ଚମ୍ପିଆନ୍ ଡେନମାର୍କର ଭିକ୍ଟର ଆକ୍ସେଲସେନଙ୍କଠାରୁ ପରାସ୍ତ ହୋଇଛନ୍ତି । ଏକ କଡ଼ା ମୁକାବିଲାରେ ଭିକ୍ଟର 22-20 ଓ 21-14ରେ ଲକ୍ଷ୍ୟଙ୍କୁ ପରାସ୍ତ କରିଛନ୍ତି । ଫଳରେ ସ୍ବର୍ଣ୍ଣ ଓ ରୌପ୍ୟ ପଦକ ଦୌଡ଼ରୁ ବାଦ ପଡ଼ିଛନ୍ତି ଲକ୍ଷ୍ୟ । ହେଲେ ସେ ଏବେ ବି ଅଲିମ୍ପିକ୍ସ ପଦକ ଦୌଡ଼ରେ ରହିଛନ୍ତି । ଆସନ୍ତାକାଲି (ସୋମବାର) ବ୍ରୋଞ୍ଜ ପଦକ ପାଇଁ ପ୍ରତିଦ୍ବନ୍ଦ୍ବିତା କରିବେ ଲକ୍ଷ୍ୟ ସେନ୍ ।
Commendable efforts against defending champ, we are proud of you Lakshya! 👏
— BAI Media (@BAI_Media) August 4, 2024
⏯️: 🥉 Medal Match 🆚 Lee Zii Jia 🇲🇾
📸: @badmintonphoto#Paris2024#IndiaAtParis24#Cheer4Bharat#IndiaontheRise#Badminton pic.twitter.com/kirGTkp8kt
ଜିତୁ ଜିତୁ ହାରିଗଲେ ପ୍ରଥମ ସେଟ୍ :-
ଭାରତର 22 ବର୍ଷୀୟ ଯୁବ ସଟଲର୍ ଲକ୍ଷ୍ୟ ସେନ ଆରମ୍ଭରୁ ଆକ୍ରମଣାତ୍ମକ ଆଭିମୁଖ୍ୟ ନେଇ ମ୍ୟାଚ୍ ଆରମ୍ଭ କରିଥିଲେ । ମିଡ୍ ବ୍ରେକ୍ ପର୍ଯ୍ୟନ୍ତ 11-9 ସ୍କୋର ସହିତ 2 ପଏଣ୍ଟ ଅଗ୍ରଣୀ ନେଇଥିଲେ ଲକ୍ଷ୍ୟ । ଏହାପରେ ମଧ୍ୟ ସେ ଚମତ୍କାର ପ୍ରଦର୍ଶନ କରିଥିଲେ ଏବଂ ପ୍ରତିପକ୍ଷ ଖେଳାଳିଙ୍କୁ କୌଣସି ସହଜ ସୁଯୋଗ ଦେଇନଥିଲେ । ପ୍ରଥମ ସେଟରେ ଗୋଟିଏ ସମୟରେ ଲକ୍ଷ୍ୟ 18-15 ସ୍କୋର ସହ 3 ପଏଣ୍ଟର ଅଗ୍ରଣୀ ରଖିଥିଲେ । କିନ୍ତୁ ଭିକ୍ଟର ଏକ ଦୃଢ଼ ପ୍ରତ୍ୟାବର୍ତ୍ତନ କରି ସ୍କୋରକୁ 20-20ରେ ସମାନ କରିଥିଲେ ଏବଂ ପରେ ଲଗାତାର ଦୁଇଟି ପଏଣ୍ଟ ନେଇ 22-20ରେ ପ୍ରଥମ ସେଟ୍ ଜିତିଥିଲେ ।
🇮🇳 Result Update: Men's Singles Badminton SF👇
— SAI Media (@Media_SAI) August 4, 2024
Lakshya Sen loses to Viktor Axelsen 0-2💔
Lakshya had remained undefeated in the Group stages and had also registered a dominating performance in the Quarters.
However, the 22-year-old lost to World no. 2 Viktor Axelsen 20-22,… pic.twitter.com/QWaMshznEM
ଦ୍ବିତୀୟ ସେଟ୍ରେ ବି ଦେଲେ କଡ଼ା ଫାଇଟ୍ :-
ଦୁଇ ଖେଳାଳିଙ୍କ ମଧ୍ୟରେ ଦ୍ବିତୀୟ ସେଟ୍ ମଧ୍ୟ ବହୁତ ରୋମାଞ୍ଚକର ଥିଲା । ଏଥିରେ ଆକ୍ସେଲସେନ୍ 7-0ରେ ପଛୁଆ ରହିବା ପରେ ଏକ ଚମତ୍କାର ପ୍ରତ୍ୟାବର୍ତ୍ତନ କରିଥିଲେ । ତେବେ ମିଡ୍ବ୍ରେକ୍ ପର୍ଯ୍ୟନ୍ତ ଲକ୍ଷ୍ୟ ସେନ୍ 11-10 ସ୍କୋରର ଅଗ୍ରଣୀ ନେଇଥିଲେ । କିନ୍ତୁ ଏହାପରେ ସେ ନିଜର ଅଗ୍ରଣୀ ହରାଇ ପ୍ରତିଦ୍ବନ୍ଦ୍ବୀ ଭିକ୍ଟର ଆକ୍ସେଲସେନଙ୍କ ଠାରୁ 14-21ରେ ହାରିଯାଇଥିଲେ । ଦ୍ବିତୀୟ ସେଟକୁ ହରାଇ ସେ ସେମିଫାଇନାଲରୁ ବାହାରିଥିଲେ ।
We are incredibly proud of you, Lakshya!! 🌟
— JioCinema (@JioCinema) August 4, 2024
You are still the first Indian male shuttler to reach the semi-finals at the Olympics ❤️ We Go again tomorrow for the Bronze medal!🥉 #Cheer4Bharat & catch all the action LIVE on #Sports18. Stream for FREE on #JioCinema! 👈… pic.twitter.com/aqAmJDbPtf
ସୋମବାର ଖେଳିବେ ବ୍ରୋଞ୍ଜ ମେଡାଲ ମ୍ୟାଚ୍ :-
ପ୍ରଥମ ଅଲିମ୍ପିକ୍ସରେ ଖେଳୁଥିବା ଭାରତର ଯୁବ ସଟଲର ଲକ୍ଷ୍ୟ ସେନ୍ ଆସନ୍ତାକାଲି (ସୋମବାର) ବ୍ରୋଞ୍ଜ ପଦକ ମ୍ୟାଚ୍ ଖେଳିବେ । ଏହି ମ୍ୟାଚ୍ରେ ସେ ମାଲେସିଆର ଲି ଜି ଜିୟାଙ୍କୁ ଭେଟିବେ । ଅଲିମ୍ପିକ୍ସରେ ପୁରୁଷ ସିଙ୍ଗଲ୍ସ ବ୍ୟାଡମିଣ୍ଟନରେ ସେ ଭାରତ ପାଇଁ ପ୍ରଥମ ପଦକ ଜିତିବାର ସୁଯୋଗ ପାଇଛନ୍ତି । ବ୍ରୋଞ୍ଜ ପଦକ ପାଇଁ ମ୍ୟାଚ୍ ସୋମବାର ଦିନ ଭାରତୀୟ ସମୟ ସନ୍ଧ୍ୟା 6ଟା ସମୟରେ ଖେଳାଯିବ ।
ସେମିଫାଇନାଲରେ ପହଞ୍ଚି ରଚିଛନ୍ତି ଇତିହାସ :-
ଶୁକ୍ରବାର ଦିନ ଖେଳାଯାଇଥିବା କ୍ବାର୍ଟର ଫାଇନାଲରେ ଏକ ରୋମାଞ୍ଚକର ମ୍ୟାଚ୍ରେ ଭାରତୀୟ ସଟଲର ଲକ୍ଷ୍ୟ ସେନ ଚାଇନାର ତାଇପେଇର ଚାଉ ତିଆନ ଚେନଙ୍କୁ ପରାସ୍ତ କରିଥିଲେ । ଏହି ବିଜୟ ସହିତ ସେ ଅଲିମ୍ପିକ୍ସରେ ପୁରୁଷ ଏକକ ସେମିଫାଇନାଲରେ ପ୍ରବେଶ କରିଥିବା ପ୍ରଥମ ଭାରତୀୟ ବ୍ୟାଡମିଣ୍ଟନ ଖେଳାଳି ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
