ହାଇଦ୍ରାବାଦ : ଦିନକୁ ଦିନ ବଢ଼ୁଛି କ୍ରିକେଟ୍ର କ୍ରେଜ । ଯେତିକି ବେଗରେ କ୍ରିକେଟରମାନଙ୍କ ଫ୍ୟାନ ଫଲୋଇଂ ବଢ଼ୁଛି, ସେହି ଅନୁସାରେ ସେମାନଙ୍କ ବ୍ରାଣ୍ଡ ଭାଲ୍ୟୁ ଓ ରୋଜଗାର ମଧ୍ୟ ବଢ଼ୁଛି । ପୂର୍ବରୁ ଯଦିଓ କ୍ରିକେଟ ଖେଳାଳିଙ୍କ ରୋଜଗାର ଆଖିଦୃଶିଆ ନଥିଲା, ହେଲେ ଏବେ ଦିନକୁ ଦିନ ପ୍ରାୟ ସମସ୍ତ କ୍ରିକେଟର କୋଟି କୋଟି ଟଙ୍କା ରୋଜଗାର କରୁଛନ୍ତି । କ୍ରିକେଟରୁ ଅବସର ନେବା ପରେ ବି କ୍ରିକେଟରଙ୍କ ରୋଜଗାର କିନ୍ତୁ କମ ହେଉନାହିଁ । ବିଶେଷ କରି ଭାରତୀୟ କ୍ରିକେଟରମାନେ ବିଦେଶୀ କ୍ରିକେଟରଙ୍କ ଅପେକ୍ଷା ଢେର ଅଧିକା ରୋଜଗାର କରୁଛନ୍ତି । ସଚିନ ତେନ୍ଦୁଲକରଙ୍କ ଠାରୁ ଆରମ୍ଭ କରି ବିରାଟ କୋହଲିଙ୍କ ପର୍ଯ୍ୟନ୍ତ କ୍ରିକେଟର ହଜାର ହଜାର କୋଟି ଟଙ୍କାର ମାଲିକ । ତେବେ ଭାରତରେ କେଉଁ କ୍ରିକେଟର ସବୁଠାରୁ ବେଶୀ ଧନୀ, ଆପଣ ଜାଣିଛନ୍ତି କି ? ଏଠାରେ ପଢ଼ନ୍ତୁ,
କିଏ ସବୁଠାରୁ ଧନୀ କ୍ରିକେଟର ? :-
ବୋର୍ଡ ଅଫ କଣ୍ଟ୍ରୋଲ ଫର କ୍ରିକେଟ ଇନ ଇଣ୍ଡିଆ (ବିସିସିଆଇ)କୁ ବିଶ୍ବର ସବୁଠାରୁ ଧନୀ କ୍ରିକେଟ ବୋର୍ଡ ବୋଲି କୁହାଯାଏ । ଭାରତୀୟ କ୍ରିକେଟରଙ୍କୁ ବିସିସିଆଇ ମ୍ୟାଚ୍ ପିଛା ବିପୁଳ ଅର୍ଥ ପ୍ରଦାନ କରୁଛି, ଯାହା କୌଣସି ବିଦେଶୀ କ୍ରିକେଟ ବୋର୍ଡ ତୁଳନାରେ ଯଥେଷ୍ଟ ଅଧିକ । ତେବେ ଆପଣ ଜାଣନ୍ତି କି ଭାରତରେ କେଉଁ କ୍ରିକେଟର ସବୁଠାରୁ ବଡ଼ ଧନୀ ? ଅଧିକା ରୋଗଗାର କରୁଥିବା କ୍ରିକେଟର ପ୍ରଶ୍ନ ଶୁଣିଲେ ଆପଣଙ୍କ ମନକୁ ଆସୁଥିବ ସଚିନ ତେନ୍ଦୁଲକର, ଏମ୍ଏସ୍ ଧୋନୀ, ରୋହିତ ଶର୍ମା କିମ୍ବା ବିରାଟ କୋହଲିଙ୍କ ନାଁ । ହେଲେ ନାଁ, ଏମାନଙ୍କ ମଧ୍ୟରୁ କେହି ସବୁଠାରୁ ଧନୀ କ୍ରିକେଟର ନୁହଁନ୍ତି । ବାସ୍ତବରେ ସବୁଠାରୁ ଧନୀ ଭାରତୀୟ କ୍ରିକେଟର ହେଉଛନ୍ତି ଆର୍ଯ୍ୟମାନ ବିର୍ଲା । ଯାହାଙ୍କୁ କେବଳ ଭାରତ ନୁହେଁ, ବିଶ୍ବର ଧନୀ କ୍ରିକେଟର କହିଲେ ମଧ୍ୟ ହୁଏତ ଭୁଲ ହେବ ନାହିଁ । କାରଣ ମିଡିଆ ରିପୋର୍ଟ ଅନୁସାରେ ଆର୍ଯ୍ୟମାନ ପ୍ରାୟ 70 ହଜାର କୋଟି ଟଙ୍କାର ମାଲିକ ।
Hindalco announces the appointment of @ananya_birla and @AryamanBirla to its board of directors.
— Aditya Birla Group (@AdityaBirlaGrp) August 13, 2024
Their induction will provide valuable perspectives that align with Hindalco’s strategic vision for a sustainable future, adds our Chairman.@Hindalco_World #AdityaBirlaGroup pic.twitter.com/MAxFxh9z2U
ମାତ୍ର 22 ବର୍ଷ ବୟସରେ ନେଇଛନ୍ତି କ୍ରିକେଟରୁ ବ୍ରେକ :-
ଆମେ କହୁଛୁ ଭାରତର ଆଗ ଧାଡ଼ିର ବ୍ୟବସାୟୀ କୁମାର ମଙ୍ଗଲମ ବିର୍ଲାଙ୍କ ପୁଅ ଆର୍ଯ୍ୟମାନ ବିର୍ଲାଙ୍କ ବିଷୟରେ । କୁମାର ମଙ୍ଗଲମ ବିର୍ଲା ଭାରତର ଧନୀ ବ୍ୟବସାୟୀମାନଙ୍କ ମଧ୍ୟରୁ ଅନ୍ୟତମ । ତାଙ୍କ ପୁଅ ଆର୍ଯ୍ୟମାନ ଏତେ ବଡ଼ ବ୍ୟବସାୟ ପରିବାରରେ ଜନ୍ମ ନେଇଥିଲେ ମଧ୍ୟ କ୍ରିକେଟ ପ୍ରତି ପିଲାଟି ବେଳୁ ତାଙ୍କର ବହୁତ ରୁଚି ଥିଲା । କଠିନ ପରିଶ୍ରମ କରି ସେ ଘରୋଇ କ୍ରିକେଟରେ ବେଶ ସଫଳତା ସାଉଁଟିଥିଲେ । ମଧ୍ୟପ୍ରଦେଶ ପାଇଁ ଘରୋଇ କ୍ରିକେଟ ଖେଳିଥିବା ଆର୍ଯ୍ୟମାନ ବିର୍ଲା 2019 ପରେ ହଠାତ କ୍ରିକେଟରୁ ବିରତି ନେଇଯାଇଥିଲେ । ଆଉ ପଡ଼ିଆକୁ ଫେରିନଥିଲେ ଆର୍ଯ୍ୟମାନ । ମାତ୍ର 22 ବର୍ଷ ବୟସରେ ସେ ଏହି ବିରତି ନେଇଥିଲେ ।
ଆର୍ଯ୍ୟମାନ ବିର୍ଲାଙ୍କ କ୍ରିକେଟ କ୍ୟାରିୟର :-
ଆର୍ଯ୍ୟମାନ ବିର୍ଲା 25 ନଭେମ୍ବର 2017ରେ ରଣଜୀ ଟ୍ରଫି ଜରିଆରେ ପ୍ରଥମ ଶ୍ରେଣୀ କ୍ରିକେଟରେ ପଦାର୍ପଣ କରିଥିଲେ । ସେ ମଧ୍ୟପ୍ରଦେଶ ପକ୍ଷରୁ ପ୍ରଥମ ଶ୍ରେଣୀ କ୍ରିକେଟ ଡେବ୍ୟୁ କରିଥିଲେ । ନଭେମ୍ବର 2018ରେ ସେ ପ୍ରଥମ ଶ୍ରେଣୀ କ୍ରିକେଟରେ ନିଜର ପ୍ରଥମ ଶତକ ହାସଲ କରିଥିଲେ । ଆଇପିଏଲ୍ 2018 ପୂର୍ବରୁ ହୋଇଥିବା ଅକ୍ସନରେ ରାଜସ୍ଥାନ ରୟାଲ୍ସ ଆର୍ଯ୍ୟମାନଙ୍କୁ ନିଜ ଦଳରେ ସାମିଲ କରିଥିଲା । ହେଲେ ତାଙ୍କୁ ଆଇପିଏଲ୍ରେ ଖେଳିବାକୁ କୌଣସି ସୁଯୋଗ ମିଳିନଥିଲା । ଏହାପରେ 2019ରେ ସେ ମାନସିକ ସ୍ବାସ୍ଥ୍ୟ ସମସ୍ୟା ଦର୍ଶାଇ କ୍ରିକେଟରୁ ବିରତି ନେଇଯାଇଥିଲେ । ଏହାପରେ 2020 ଆଇପିଏଲ୍ ଅକ୍ସନ ପୂର୍ବରୁ ତାଙ୍କୁ ରିଲିଜ କରିଥିଲା ରାଜସ୍ଥାନ ରୟାଲ୍ସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
