ଭୁବନେଶ୍ବର: ପୁରୀରେ ଆୟୋଜିତ ହେବାକୁ ଯାଉଛି ଅନ୍ତର୍ଜାତୀୟ ମହୋଦଧି ଦିବସ ୨୦୨୪ । ଡିସେମ୍ବର ୧୦ ରୁ ୧୨ ତାରିଖ ପର୍ଯ୍ୟନ୍ତ ଏହା ଆୟୋଜନ ହେବାକୁ ଥିବା ବେଳେ ୧୦ଟି ଦେଶର ପ୍ରତିନିଧୀ ସାମିଲ ହେବେ । ସମୁଦ୍ର ଜଳ କ୍ରୀଡା ଓ ବେଳାଭୂମି କ୍ରୀଡା ହେବ ମୁଖ୍ୟ ଆକର୍ଷଣ । ଏନେଇ ସାମ୍ବାଦିକ ସମ୍ମିଳନୀରେ ସାମାଜିକ ସଂଗଠନ ଦି ବେଲ୍ ପକ୍ଷରୁ ପ୍ରତିଯୋଗିତା ବିଷୟରେ ସୂଚନା ଦିଆଯାଇଛି ।
୬୦୦ ରୁ ଅଧିକ ପ୍ରତିଯୋଗୀ ସାମିଲ ହେବେ:
ଦେଶ ବିଦେଶର ପ୍ରାୟ ୬୦୦ ରୁ ଅଧିକ ପ୍ରତିଯୋଗୀ ପ୍ରତିଯୋଗିତାରେ ଅଂଶ ଗ୍ରହଣ କରିବେ । ଜାତୀୟ ଆଥଲେଟ୍ ଏବଂ ୧୦ଟି ଦେଶରୁ ୩୫ ଅନ୍ତର୍ଜାତୀୟ ପ୍ରତିନିଧୀ ଯୋଗଦେବେ । ଏହା ଭାରତର ଉପକୂଳ ପର୍ଯ୍ୟଟନ ଏବଂ ପରିବେଶ ସଚେତନତା ପଦକ୍ଷେପ ପାଇଁ ଏକ ଅଗ୍ରଗାମୀ ପଦକ୍ଷେପ ହେବ । ମହୋଦଧି ଦିବସ ୨୦୨୪ ଭାରତୀୟ କାୟାକିଂ ଆଣ୍ଡ କାନୋଇଙ୍ଗ ଆସୋସିଏସନ, ରାଷ୍ଟ୍ରୀୟ ଲାଇଫଗାର୍ଡ ସଂଗଠନ (ଭାରତ), ପୁରୀ ବିଚ ଲାଇଫଗାର୍ଡ ମହାସଙ୍ଗ, ଅନ୍ତର୍ଜାତୀୟ ସର୍ଫ ଲାଇଫ ସେଭିଙ୍ଗ ଆସୋସିଏସନ (ଆମେରିକା) ଏବଂ ଶ୍ରୀଲଙ୍କା ଜୀବନ ସଞ୍ଚୟ ସହଯୋଗରେ ର୍ଯ୍ୟକ୍ରମ ସଂଗଠିତ ହେବ ।
ଏହା ମଧ୍ୟ ପଢନ୍ତୁ-IPL Auction: ନିଲାମୀରେ ଏହି ଖେଳାଳିଙ୍କ ଉପରେ ଟଙ୍କା ବର୍ଷା, ଜାଣନ୍ତୁ ବେସ ପ୍ରାଇସ
ଏହା ମଧ୍ୟ ପଢନ୍ତୁ-ICC ଟେଷ୍ଟ ରାଙ୍କିଂରେ ଟପ୍ ଟ୍ବେଣ୍ଟିରୁ କୋହଲି ଆଉଟ, ୧୦ ବର୍ଷରେ ସବୁଠୁ ଖରାପ ପ୍ରଦର୍ଶନ
ସମୁଦ୍ର ଜଳ କ୍ରୀଡା ଓ ବେଳାଭୂମି କ୍ରୀଡା ହେବ ମୁଖ୍ୟ ଆକର୍ଷଣ:
ପୁରୀ ସମୁଦ୍ର କୂଳରେ ମହୋଦଧି ଇଭେଣ୍ଟ ଗୁଡିକର କ୍ରମାଗତ ଚତୁର୍ଥ ବର୍ଷ ଧରି ଅନୁଷ୍ଠିତ ହେଉଛି । ଯେଉଁଥିରେ ଜୀବନ ରକ୍ଷାକାରୀ କ୍ରୀଡା, ସାଂସ୍କୃତିକ ପ୍ରଦର୍ଶନୀ ଏବଂ ସାମୁଦ୍ରିକ ସଂରକ୍ଷଣ ପ୍ରଦର୍ଶନୀ ଉପରେ ଏକ ବିଶେଷ ତିନି ଦିନିଆ କାର୍ଯ୍ୟକ୍ରମ ରହିଛି । ଏହା ଓଡିଶା ଉପକୂଳବର୍ତ୍ତୀ ମତ୍ସ୍ୟଜୀବୀ ସମ୍ପ୍ରଦାୟ ପାଇଁ ସୁଯୋଗ ସୃଷ୍ଟି କରିବ । ପ୍ରତିଯୋଗିତାରେ ସାମିଲ ହେଲେ ଅନ୍ତର୍ଜାତୀୟ ସ୍ତରରେ ଭାରତକୁ ପ୍ରତିନିଧିତ୍ୱ କରିବା ପାଇଁ ସୁଯୋଗ ପାଇବେ । କମନୱେଲଥ ଚାମ୍ପିଅନସିପ୍, ବିଶ୍ୱକ୍ରୀଡା, ଜୀବନ ବଞ୍ଚାଇବା ବିଶ୍ୱ ଚାମ୍ପିଅନସିପ୍, ବ୍ରିସବେନ୍ ୨୦୩୨ ଅଲିମ୍ପିକ୍ସ ପାଇଁ ସାହାଯ୍ୟ କରିବ । ଏହା ସ୍ଥାନୀୟ ମତ୍ସ୍ୟଜୀବୀଙ୍କ ଦକ୍ଷତା ବୃଦ୍ଧି କରୁଥିବାବେଳେ ଏକ ଖେଳ ଭାବରେ ଜୀବନ ରକ୍ଷା ବିଷୟରେ ସଚେତନତା ସୃଷ୍ଟି କରିବ ।
ମହୋଦଧି ଜାତୀୟ ଚାମ୍ପିଅନସିପ୍ ବିଭିନ୍ନ ସମୁଦ୍ରକୂଳ ଏବଂ ସମୁଦ୍ର କ୍ରୀଡା ପ୍ରଦର୍ଶନ କରିବ, ଯାହା ଅଂଶଗ୍ରହଣକାରୀ ଏବଂ ଦର୍ଶକଙ୍କ ପାଇଁ ଏକ ଉତ୍ସାହଜନକ ଅନୁଭୂତି ପ୍ରଦାନ କରିବ । ଏହି ଚାମ୍ପିଅନସିପ୍ କେବଳ ଜୀବନ ରକ୍ଷାକାରୀ କ୍ରୀଡାକୁ ପ୍ରୋତ୍ସାହିତ କରେ ନାହିଁ ବରଂ ଭାରତର ପୂର୍ବ ଉପକୂଳରେ କ୍ରୀଡା ପର୍ଯ୍ୟଟନର ବିକାଶ ପାଇଁ ମଧ୍ୟ ଲକ୍ଷ୍ୟ ରଖିଛି । ପୁରୀର ସାଂସ୍କୃତିକ ତଥା ପ୍ରାକୃତିକ ଐତିହ୍ୟର ଏକ ସମୁଦ୍ରକୂଳ ଉତ୍ସବ ସୃଷ୍ଟି କରିବ ।
ଇଟିଭି ଭାରତ, ଭୁବନେଶ୍ବର
