କୋଲକାତା : ଆଇପିଏଲ୍ 2025 ପାଇଁ ମେଗା ଅକ୍ସନ ସମ୍ଭବତଃ ଚଳିତ ବର୍ଷ ଡିସେମ୍ବର ମାସରେ ଅନୁଷ୍ଠିତ ହେବ । ଏହା ପୂର୍ବରୁ ବିଭିନ୍ନ ଫ୍ରାଞ୍ଚାଇଜ କେଉଁ ଖେଳାଳିଙ୍କୁ ରିଟେନ କରିବେ ଓ କାହାକୁ ରିଲିଜ କରିବେ, ସେନେଇ ଆଲୋଚନା କରୁଛନ୍ତି । ସେହିଭଳି ଅନ୍ୟ ଦଳରୁ ଷ୍ଟାର ଖେଳାଳିଙ୍କୁ ଆଣି ନିଜ ଦଳରେ ସାମିଲ କରିବା ପାଇଁ ମଧ୍ୟ ସମାନ ବେଗରେ ଚାଲିଛି ଯୋଜନା । ଏହି କ୍ରମରେ ସୋସିଆଲ ମିଡିଆରେ କିଛି ପୋଷ୍ଟରେ ଦାବି କରାଯାଉଛି ଯେ ଲକ୍ଷ୍ନୌ ସୁପର ଜିଆଣ୍ଟସ୍ ଅଧିନାୟକ କେଏଲ୍ ରାହୁଲ LSG ଛାଡ଼ି ନିଜ ପୂରୁଣ ଦଳ ବିରାଟ କୋହଲିଙ୍କ RCBକୁ ଫେରି ପାରନ୍ତି । ଏହାରି ଭିତରେ ରାହୁଲ କୋଲକାତା ଯାଇ LSG ମାଲିକ ସଞ୍ଜୀବ ଗୋଏଙ୍କାଙ୍କୁ ଭେଟିଛନ୍ତି । ସେ ଦଳ ଛାଡ଼ିବାକୁ ଚାହୁଁଥିବା କିଛି ଦାବି କରୁଥିବାବେଳେ ଅନ୍ୟ କିଛି ରିପୋର୍ଟ ଅନୁସାରେ ସେ LSGରେ ରହିବାକୁ ଚାହୁଁଛନ୍ତି ।
KL Rahul met Sanjeev Goenka in Kolkata.
— Mufaddal Vohra (@mufaddal_vohra) August 26, 2024
- Lucknow Supergiants eager to retain KL for IPL 2025. (Cricbuzz). pic.twitter.com/PEjFAI08fh
ସଞ୍ଜୀବ ଗୋଏଙ୍କାଙ୍କୁ ଭେଟିଲେ ରାହୁଲ :-
କ୍ରିକବଜର ଏକ ରିପୋର୍ଟ ଅନୁଯାୟୀ, କେଏଲ୍ ରାହୁଲ ଏବଂ ଏଲ୍ଏସ୍ଜି ମାଲିକ ସଞ୍ଜୀବ ଗୋଏଙ୍କାଙ୍କ ମଧ୍ୟରେ ବୈଠକ 1 ଘଣ୍ଟା ଧରି ଆଲିପୁରର ଜଜ୍ କୋର୍ଟ ରୋଡରେ ଅନୁଷ୍ଠିତ ହୋଇଥିଲା । ଏହି ବୈଠକରେ ରାହୁଲଙ୍କ ସମ୍ଭାବ୍ୟ ରିଟେନସନ ଏବଂ ପରବର୍ତ୍ତୀ ସିଜିନ ପାଇଁ ଖେଳାଳିଙ୍କ ସଂଯୋଜନା ଉପରେ ଆଲୋଚନା ହୋଇଥିଲା । କିନ୍ତୁ କେତେକ ଗଣମାଧ୍ୟମ ରିପୋର୍ଟ ଅନୁସାରେ ରାହୁଲ LSG ଛାଡ଼ିବାକୁ ଚାହୁଁଥିବା ଗୋଏଙ୍କାଙ୍କୁ ଜଣାଇଛନ୍ତି ।
KL Rahul wants to be retained by LSG ahead of IPL auction but LSG might not be all that interested. (PTI).
— Tanuj Singh (@ImTanujSingh) August 27, 2024
- LSG management has not given any commitments to KL Rahul even yesterday's meeting. pic.twitter.com/XhD2uf6eir
'LSGରେ ରହିବାକୁ ଚାହୁଁଛନ୍ତି ରାହୁଲ' :-
ଅନ୍ୟପଟେ ନ୍ୟୁଜ୍ ଏଜେନ୍ସି ପିଟିଆଇ ମଧ୍ୟ ଦାବି କରିଛି ଯେ ରାହୁଲ ଏଲ୍ଏସ୍ଜିରେ ରହିବାକୁ ଇଚ୍ଛା ପ୍ରକାଶ କରିଛନ୍ତି । କିନ୍ତୁ ୱିକେଟ୍ କିପର-ବ୍ୟାଟରଙ୍କୁ ଫ୍ରାଞ୍ଚାଇଜ୍ କୌଣସି ପ୍ରତିଶ୍ରୁତି ଦେଇ ନାହିଁ । ଏହି ବିଷୟରେ ଅବଗତ ଥିବା ଜଣେ ଆଇପିଏଲ୍ ପରିଚାଳନା ପରିଷଦ ସଦସ୍ୟ ନିଜ ପରିଚୟ ପ୍ରକାଶ ନକରିବା ସର୍ତ୍ତରେ ପିଟିଆଇକୁ କହିଛନ୍ତି, "ହଁ, ରାହୁଲ କୋଲକାତା ଆସି ଆରପିଜି ମୁଖ୍ୟାଳୟରେ ଡଃ ଗୋଏଙ୍କାଙ୍କୁ ଭେଟିଥିଲେ । ସେ ଡକ୍ଟର ଗୋଏଙ୍କାଙ୍କୁ ସ୍ପଷ୍ଟ ଭାବରେ କହିଛନ୍ତି ଯେ ସେ LSGରେ ରହିବାକୁ ଚାହୁଁଛନ୍ତି । ତଥାପି, ବିସିସିଆଇ ଏକ ରିଟେନସନ ନିୟମ ପ୍ରସ୍ତୁତ ନକରିବା ପର୍ଯ୍ୟନ୍ତ LSG କୌଣସି ନିଷ୍ପତ୍ତି ନେବାକୁ ଚାହୁଁନାହିଁ ।
The body language of LSG owner Sanjeev Goenka was awful during his post-match conversation with KL Rahul. Disappointment after a loss like that is obvious, but owners should never do this in public view with cameras all around. KL didn't have a great day, but I feel for him here. pic.twitter.com/ycZfzjMrvY
— Zucker Doctor (@DoctorLFC) May 8, 2024
ରାହୁଲଙ୍କ ଉପରେ ରାଗି ଯାଇଥିଲେ ଗୋଏଙ୍କା :-
ପ୍ରକାଶ ଥାଉ, ଆଇପିଏଲ୍ 2024ରେ ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚରେ ଟ୍ରାଭିସ୍ ହେଡ୍ ଏବଂ ଅଭିଷେକ ଶର୍ମା ଲକ୍ଷ୍ନୌ ବୋଲରମାନଙ୍କୁ ନିର୍ଦ୍ଧୁମ ପ୍ରହାର କରି LSGକୁ ଶୋଚନୀୟ ଭାବେ ପରାସ୍ତ କରିଥିଲେ । ଏହି ଲଜ୍ଜାଜନକ ପରାଜୟ ପରେ ଗୋଏଙ୍କା ଅଧିନାୟକ ରାହୁଲଙ୍କ ଉପରେ ଖୁବ ରାଗି ଯାଇଥିବା ଦେଖିବାକୁ ମିଳିଥିଲା । ଆଇପିଏଲ୍ ମ୍ୟାଚ୍ ପରେ ରାହୁଲଙ୍କ ସହ ଗୋଏଙ୍କାଙ୍କର ଆନିମେଟେଡ୍ ଚାଟ୍ ଲୋକଙ୍କ ଦୃଷ୍ଟି ଆକର୍ଷଣ କରିଥିଲା । ଅନେକେ ଭାବିଥିଲେ ଯେ ଏହାପରେ ଆଇପିଏଲ୍ 2025ରେ LSG ସହିତ ରାହୁଲ ରହିବେ ନାହିଁ ।
RCBକୁ ରାହୁଲ ଆସିବା ଚର୍ଚ୍ଚା :-
ଅନ୍ୟପଟେ କେଏଲ୍ ରାହୁଲ ନିଜ ପୂରୁଣା ଦଳ, ତଥା ସାଥି ଖେଳାଳି ବିରାଟ କୋହଲିଙ୍କ ଆର୍ସିବିକୁ ପ୍ରତ୍ୟାବର୍ତ୍ତନ କରିପାରନ୍ତି ବୋଲି ସୋସିଆଲ ମିଡିଆରେ ଅନେଚ ଚର୍ଚ୍ଚା ହେଉଛି । ୱିକେଟକିପର-ବ୍ୟାଟର ପୂର୍ବରୁ ଅନେକ ଥର ସ୍ବୀକାର କରିଛନ୍ତି ଯେ, ଆର୍ସିବି ତାଙ୍କୁ ସ୍ବତନ୍ତ୍ର ପରିଚୟ ଦେଇଛି । ଅନେକ ସମୟରେ ସେ ବିରାଟ କୋହଲିଙ୍କର ମଧ୍ୟ ଖୁବ ପ୍ରଶଂସା କରିଛନ୍ତି । ତେବେ ଆର୍ସିବି ବର୍ତ୍ତମାନର ଅଧିନାୟକ ଫାଫ୍ ଡୁପ୍ଲେସିସଙ୍କୁ ରିଲିଜ କରି ରାହୁଲଙ୍କୁ ଅଧିନାୟକ ମଧ୍ୟ କରିପାରେ ବୋଲି ଅନେକ ସୋସିଆଲ ମିଡିଆ ପୋଷ୍ଟରେ ଦାବି କରାଯାଉଛି । ତେବେ ଏହାର ସତ୍ୟତା ନେଇ କୌଣସି ସୂଚନା ନାହିଁ । ନିକଟରେ କୋଲକାତା ବ୍ୟାଟର ରିଙ୍କୁ ସିଂ ମଧ୍ୟ ଆର୍ସିବି ପାଇଁ ଖେଳିବାକୁ ଇଛା ପ୍ରକାଶ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
