ନୂଆଦିଲ୍ଲୀ: କ୍ରୀଡାବିତଙ୍କ ପାଇଁ ବଡ ଘୋଷଣା । ଏଣିକି ଖେଲୋ ଇଣ୍ଡିଆ ଗେମ୍ସ ପଦକ ବିଜେତାଙ୍କୁ ମିଳିବ ସରକାରୀ ଚାକିରି । କ୍ରୀଡାର ଉନ୍ନତି, ପ୍ରସାର ଓ ପ୍ରଚାର ପାଇଁ ଏପରି ନିଷ୍ପତ୍ତି ନିଆଯାଇଛି । ଏହା ଦ୍ବାରା କ୍ରୀଡା କ୍ଷେତ୍ରରେ ପ୍ରତିଭା ମାନେ ଏକାଧିକ ପଦକ ହାସଲ କରି ପାରିବେ ବୋଲି କହିଛନ୍ତି କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁର । ଏକ୍ସ ହ୍ୟାଣ୍ଡେଲରେ ଅନୁରାଗ ଠାକୁର କହିଛନ୍ତି, ''କ୍ରୀଡାକୁ କ୍ୟାରିୟର ବିକଳ୍ପ ଭାବେ ଗ୍ରହଣ କରିବାକୁ ଏହି ନିଷ୍ପତ୍ତି ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବାରା କ୍ରୀଡାର ଉନ୍ନତି ପାଇଁ ଆରମ୍ଭ ହୋଇଥିବା ଯୋଜନାର ଏହା ଅଂଶ ବିଶେଷ ।''
ମନ୍ତ୍ରୀ ଘୋଷଣା କରିଛନ୍ତି ଯେ, ପରର୍ସନାଲ ଏବଂ ଟ୍ରେନିଂ ଡିପାର୍ଟମେଣ୍ଟ କ୍ରୀଡ଼ା ମନ୍ତ୍ରଣାଳୟର ପରାମର୍ଶ କ୍ରମେ ସରକାରୀ ଚାକିରି ଖୋଜୁଥିବା କ୍ରୀଡ଼ାବିତଙ୍କ ଯୋଗ୍ୟତା ଅନୁଯାୟୀ ସଂଶୋଧନ କରିଛି । ଏହି ନିଷ୍ପତ୍ତି ଖେଲୋ ଇଣ୍ଡିଆ ଗେମ୍ସରେ ଯୁବ, ବିଶ୍ୱବିଦ୍ୟାଳୟ, ପାରା ଏବଂ ଶୀତକାଳୀନ ଖେଳରେ ପଦକ ହାସଲକାରୀ ସରକାରୀ ଚାକିରି ପାଇଁ ଯୋଗ୍ୟ ବିବେଚିତ ହେବେ । କେନ୍ଦ୍ର ସରକାରୀଙ୍କ ଏହି ପଦକ୍ଷେପରେ ପଞ୍ଜାବ ଏବଂ ହରିୟାଣାର କ୍ରୀଡାବିତ ଅଧିକ ଲାଭବାନ ହେବେ । କାରଣ ଏହି ଦୁଇ ରାଜ୍ୟରୁ ସର୍ବାଧିକ ସଂଖ୍ୟକ କ୍ରୀଡ଼ାବିତ୍ ଭାଗ ନିଅନ୍ତି ।
ଏହା ମଧ୍ୟ ପଢନ୍ତୁ-ମହିଳା ପ୍ରିମିୟର ଲିଗ: ଗୁଜୁରାଟର ପ୍ରଥମ ବିଜୟ, 19 ରନରେ ହାରିଲା RCB
କ୍ରୀଡାକୁ ପ୍ରୋତ୍ସାହିତ କରିବା ପାଇଁ ତଥା ଖେଳ ପ୍ରତି କିପରି ଛାତ୍ରଛାତ୍ରୀ ମାନେ ଅଧିକ ଧ୍ୟାନ ଦେବେ ଓ ଖେଳ ବିକାଶ ପାଇଁ 2018 ମସିହାରେ ପ୍ରଧାନମନ୍ତ୍ରୀ ମୋଦିଙ୍କ ଦ୍ବାରା ଖେଲୋ ଇଣ୍ଡିଆ କାର୍ଯ୍ୟକ୍ରମ ଆରମ୍ଭ ହୋଇଥିଲା । ପ୍ରାୟ 4,000 କୋଟି ଟଙ୍କା ବ୍ୟୟରେ ଏହା ଆରମ୍ଭ ହୋଇଥିଲା । ଏହି ଯୋଜନା ଅଧିନରେ ଖେଲୋ ଇଣ୍ଡିଆ ୟୁଥ ଗେମ୍ସ, ୟୁନିଭର୍ସିଟି ଗେମ୍ସ ଓ ଓ୍ବିଣ୍ଟର ଗେମ୍ସର ଆୟୋଜନ କରାଯାଉଛି । ଏବେ ଠାରୁ ଖେଲୋ ଇଣ୍ଡିଆ ପାରା ଗେମ୍ସର ଆୟୋଜନ କରାଯାଇଛି । ଦେଶର ବିଭିନ୍ନ ରାଜ୍ୟରେ ଏହାର ଆୟୋଜନ କରାଯାଉଛି । କଲେଜ ଓ ସ୍କୁର ଛାତ୍ରଛାତ୍ରୀ ଏଥିରେ ଅଂଶ ଗ୍ରହଣ କରୁଛନ୍ତି । ଗତ ଫେବୃଆରୀରେ ଖେଲୋ ଇଣ୍ଟିଆ ୱିଣ୍ଟର ଗେମ୍ସ କାଶ୍ମୀରରେ ଆରମ୍ଭ ହୋଇଥିଲା । ଗତ ବର୍ଷ ଡିସେମ୍ବରରେ ନୂଆଦିଲ୍ଲୀରେ ଖେଲୋ ଇଣ୍ଡିଆ ପାରା ଗେମ୍ସ ଆୟୋଜନ କରାଯାଇଥିଲା। ଏଥିରେ ଓଡିଶାର କ୍ରୀଡାବିତ 11ରୁ ଅଧିକ ପଦକ ହାସଲ କରିଥିଲେ ।
