IND VS NZ Test: କ୍ଲିନ ସୁଇପ କଲା ଟିମ୍‌ ନ୍ୟୁଜିଲାଣ୍ଡ, ଭାରତର ଲଜ୍ଜାଜନକ ପରାଜୟ

ଶେଷ ହୋଇଛି ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା 3 ମ୍ୟାଚ ବିଶିଷ୍ଟ ଟେଷ୍ଟ ସିରିଜ । 3-0ରେ ଆଗୁଆ ରହି ସିରିଜ କବଜା କଲା କିଓ୍ବି ଟିମ୍ ।

ହାଇଦ୍ରାବାଦ: ଓ୍ବାଙ୍ଖଡେ ଷ୍ଟାଡିୟମରେ ଇତିହାସ ରଚିଲା ଟିମ୍‌ ନ୍ୟୁଜିଲାଣ୍ଡ । ଦୀର୍ଘ 92 ବର୍ଷ ପରେ ପ୍ରଥମ ଥର ପାଇଁ ଟେଷ୍ଟ ମ୍ୟାଚରେ ଘରୋଇ ମାଟିରେ ଭାରତକୁ ହରାଇଲା ଭ୍ରମଣକାରୀ ଦଳ । ତିନି ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଭାରତର ଲଜ୍ଜାଜନକ ପରାଜୟ ହୋଇଛି । 3-0ରେ ସିରିଜ ପୋଛି ନେଲା କିଓ୍ବି ଟିମ୍ । ଶେଷ ମ୍ୟାଚରେ 25 ରନରେ ମେନ ଇନ ବ୍ଲୁ ପରାସ୍ତ ହୋଇଛି । ଉଭୟ ବ୍ୟାଟିଂ ଓ ବୋଲିଂରେ ଏତେଟା ଭଲ ପ୍ରଦର୍ଶନ ନଥିବାରୁ ଟେଷ୍ଟ ସିରିଜରେ ଭାରତ ହାତରୁ ଚାଲିଯାଇଛି ।

ପ୍ରଥମ ଇନିଂସରେ ଆଗୁଆ ରହିଥିଲା ଭାରତ:

#TeamIndia came close to the target but it's New Zealand who win the Third Test by 25 runs.

Scorecard - https://t.co/KNIvTEyxU7#INDvNZ | @IDFCFIRSTBank pic.twitter.com/4BoVWm5HQP

— BCCI (@BCCI) November 3, 2024

ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ନ୍ୟୁଜିଲାଣ୍ଡ । 65.4 ଓଭରରେ ଦଳ ସମସ୍ତ ଓ୍ବିକେଟ ହରାଇ 235 ରନ କରିଥିଲା । ରବିନ୍ଦ୍ର ଜାଡେଜା (5) ଓ ଓ୍ବାସିଂଟନ ସୁନ୍ଦର (4) ଘାତକ ବୋଲି କରିଥିଲେ । ଏହାର ଜବାବରେ ଭାରତ ପ୍ରଥମ ଇନିଂସରେ 263 ରନ କରି 28 ରନ୍‌ରେ ଆଗୁଆ ରହିଥିଲା । ଶୁବମନ ଗିଲ 90 ଓ ଋଷବ ପନ୍ତ 60 ରନ କରିଥିବା ବେଳେ ଓ୍ବିସିଂଟନ ସୁନ୍ଦର 38 ଓ ଜୟସ୍ବାଲ 30 ରନ କରିଥିଲେ । ଅନ୍ୟ କେହି ବ୍ୟାଟର ପଡିଆରେ ବେସି ସମୟ ତିଷ୍ଟି ପାରିନଥିଲେ ।

ଦ୍ବିତୀୟ ଇନିଂସରେ ବିଜୟର ଆଶା ଦେଇଥିଲେ ବୋଲର:

ତୃତୀୟ ଦିନରେ ଦ୍ବିତୀୟ ଇନିଂସ ବ୍ୟାଟିଂ ଆରମ୍ଭ କରିଥିଲା ଭ୍ରମଣକାରୀ ଦଳ । କିନ୍ତୁ ବ୍ୟାଟରଙ୍କ ବ୍ୟାଟକୁ ବଡ ବଡ ସଟ ଖେଳିବାରେ ଅଟକାଇ ଦେଇଥିଲେ ବୋଲର । ଫଳରେ 45.5 ଓଭରରେ ଦଳ ସମସ୍ତ ଓ୍ବିକେଟ ହରାଇ ମାତ୍ର 174 ରନ କରିଥିଲା । ରବିଚନ୍ଦ୍ର ଅଶ୍ବିନୀ 3 ଓ ରବନ୍ଦ୍ର ଜାଡେଜା 3ଟି ଓ୍ବିକେଟ ନେଇଥିଲେ ।

End of a magnificent knock 👏👏

Rishabh Pant departs after scoring 64 off just 57 deliveries when the going got tough 👌👌

Live - https://t.co/KNIvTEyxU7#TeamIndia | #INDvNZ | @IDFCFIRSTBank | @RishabhPant17 pic.twitter.com/OPnCzq18aK

— BCCI (@BCCI) November 3, 2024

ଫେଲ ମାରିଲା ଭାରତୀୟ ଦଳର ଟପ ଅର୍ଡର, ସିରିଜ ପୋଛି ନେଲା ନ୍ୟୁଜିଲାଣ୍ଡ:

ଆଜି ସକାଳ ସମୟରେ ଭାରତର 143 ରନର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିଲା । କିନ୍ତୁ ନ୍ୟୁଜିଲାଣ୍ଡର ବୋଲରଙ୍କ ଜାଲରେ ଫଶିଥିଲେ ଭାରତୀୟ ବ୍ୟାଟର । ଦଳର ଟପ୍‌ ଅର୍ଡର ରନ କରିବାରେ ବିଫଳ ହୋଇଥିଲେ । ଜୟସ୍ବାଲ 5, ରୋହିତ 11, ଗିଲ 1 ଓ କୋହଲି 1 ରନ କରିଥିଲେ । ଏହାପରେ ପାଳି ସମ୍ଭାଳିଥିଲେ ଋଷବ ପନ୍ତ । 57 ବନରେ ସେ 64 ରନ କରି ଦଳକୁ ବିଜୟୀ କରିବାର ଆଶା ଦେଇଥିଲେ । କିନ୍ତୁ ଜଣଙ୍କ ପରେ ଜଣେ ଆଉଟ ହେବା ପରେ ଦଳ ବିଜୟ ଠାରୁ 25 ରନ ଦୂରରେ ରହିଯାଇଥିଲା । 121 ରନରେ ଅଲ ଆଉଟ ହୋଇଥିଲା ଭାରତ । ଶେଷ ତିନି ଟିକିଆ ଟେଷ୍ଟ ସିରିଜରେ କ୍ଲିନ ସୁଇପ କରିଥିଲା ନ୍ୟୁଜିଲାଣ୍ଡ ।