ହାଇଦ୍ରାବାଦ: ବର୍ଡର-ଗାଭାସ୍କର ଟ୍ରଫିର ପ୍ରଥମ ଟେଷ୍ଟ ମ୍ୟାଚରେ ବିଜୟୀ ହୋଇଛି ଭାରତ । ଅଷ୍ଟ୍ରେଲିଆ ପର୍ଥରେ ଅନୁଷ୍ଠିତ ଭାରତ-ଅଷ୍ଟ୍ରେଲିଆ ଟେଷ୍ଟ ମ୍ୟାଚରେ କଙ୍ଗାରୁ ଦଳକୁ ୨୯୫ ରନ୍ରେ ପରାସ୍ତ କରି ଇତିହାସ ରଚିଛି ଟିମ୍ ଇଣ୍ଡିଆ । ଅପ୍ଟସ ଷ୍ଟାଡିୟମରେ ଏହା ଅଷ୍ଟ୍ରେଲିଆର ପ୍ରଥମ ପରାଜୟ । ଏହା ପୂର୍ବରୁ ଏଠାରେ ଖେଳିଥିବା ସମସ୍ତ ମ୍ୟାଚରେ ଅଷ୍ଟ୍ରେଲିଆ ବିଜୟ ହାସଲ କରିଥିଲା । ଯଶପ୍ରିତ ବୁମରାଙ୍କ ଅଧିନାୟକତ୍ବରେ ଖେଳାଯାଇଥିବା ୫ ଟିକିଆ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମୁକାବିଲାରେ ଭାରତ ବାଜିମାତ କରିବା ସହ ୧-୦ରେ ସିରିଜ ଆଗୁଆ ରହିଛି ।
India leapfrog Australia to reclaim the #WTC25 Standings summit following a massive win in the Border-Gavaskar series opener 📈#AUSvIND | ➡ https://t.co/6O3r9MB6ry pic.twitter.com/g9YNnYGt6y
— ICC (@ICC) November 25, 2024
ଅଷ୍ଟ୍ରେଲିଆକୁ ୫୩୪ ରନ ଟାର୍ଗେଟ ଦେଇଥିଲା ଇଣ୍ଡିଆ:
ବର୍ଡର-ଗାଭାସ୍କର ଟ୍ରଫି ପ୍ରଥମ ଟେଷ୍ଟ ମ୍ୟାଚରେ ଭାରତ ଟସ ଜିତି ପ୍ରଥମେ ବ୍ୟାଟିଂ କରିଥିଲା । ପ୍ରଥମ ଇଂନିସରେ ମାତ୍ର ୧୫୦ ରନ କରି ଅଲଆଉଟ୍ ହୋଇଯାଇଥିଲା ମେନ ଇନ ବ୍ଲୁ । ଏହାପରେ କଙ୍ଗାରୁ ଦଳ ବି ବିପର୍ଯ୍ୟୟର ସାମ୍ନା କରିଥିଲା । ପ୍ରଥମ ଇଂନିସରେ ଅଷ୍ଟ୍ରେଲିଆ ମାତ୍ର ୧୦୪ ରନରେ ଅଲ ଆଉଟ ହୋଇଯାଇଥିଲା । ପରେ ଦ୍ୱିତୀୟ ଇଂନିସରେ ସତର୍କ ରହିଥିଲା ଭାରତ । ଓପନିଂ ଯୋଡି ଯଶସ୍ୱୀ ଜୟସ୍ୱାଲ ଓ କେଏଲ ରାହୁଲ ଧୂଆଁଧାର ବ୍ୟାଟିଂ କରି ଭାରତର ସ୍ଥିତିକୁ ମଜଭୁତ କରିଥିବା ବେଳେ, ବିରାଟ କୋହଲି ଶତକ ହାସଲ କରିଥିଲେ । ପ୍ରଥମ ଇନିଂସରେ ୪୬ ରନରେ ଆଗୁଆ ଥିବା ଟିମ୍ ଇଣ୍ଡିଆ ଦ୍ବିତୀୟ ଇନିଂସରେ ୪୮୭ ରନ ବଡ଼ ସ୍କୋର କରିଥିଲା । ଫଳରେ ଅଷ୍ଟ୍ରେଲିଆ ଆଗରେ ୫୩୪ ରନର ବିଶାଳ ଟାର୍ଗେଟ ରହିଥିଲା ।
A brilliant fightback from India in the opening fixture of the Border-Gavaskar Trophy, defeating the Australians at Perth. A fantastic all-round display by the Indian team, as everyone stepped up and contributed towards the victory! A loud cheer for @Jaspritbumrah93 who rose to… pic.twitter.com/UOTNPnphtW
— Jay Shah (@JayShah) November 25, 2024
୧-୦ରେ ସିରିଜ ଆଗୁଆ ଭାରତ :
ଦ୍ୱିତୀୟ ଇନିଂସରେ କଙ୍ଗାରୁ ଦଳରୁ ୫୩୪ ରନ୍ର ଆବଶ୍ୟକ ରହିଥିଲା । ହେଲେ ଭାରତୀୟ ବୋଲରଙ୍କ ଧୂଆଁଧାର ବୋଲିଂରେ ଧରାଶାୟୀ ହୋଇଥିଲା ଅଷ୍ଟ୍ରେଲିଆ । ୨୩୮ ରନ୍ରେ ଅଷ୍ଟ୍ରେଲିଆକୁ ସିିମିତ ରଖିଥିଲେ ଭାରତୀୟ ବୋଲର । ଫଳରେ ୨୯୫ ରନର୍ ଐତିହାସିକ ବିଜୟ ହାସଲ କରି ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ୧-୦ରେ ଆଗୁଆ ରହିଛି ଟିମ ଇଣ୍ଡିଆ ।
𝗪𝗛𝗔𝗧. 𝗔. 𝗪𝗜𝗡! 👏 👏
— BCCI (@BCCI) November 25, 2024
A dominating performance by #TeamIndia to seal a 295-run victory in Perth to take a 1-0 lead in the series! 💪 💪
This is India's biggest Test win (by runs) in Australia. 🔝
Scorecard ▶️ https://t.co/gTqS3UPruo#AUSvIND pic.twitter.com/Kx0Hv79dOU
ଅଷ୍ଟ୍ରେଲିଆରେ ଭାରତର ବଡ଼ ବିଜୟ:
ପର୍ଥ ଟେଷ୍ଟରେ ଅଷ୍ଟ୍ରେଲିଆକୁ ୨୯୫ ରନରେ ପରାସ୍ତ କରି ଭାରତ ଅଷ୍ଟ୍ରେଲିଆରେ ସର୍ବବୃହତ ବଜୟ ହାସଲ କରିଛି । ଏହା ପୂର୍ବରୁ ୧୯୭୭ ଡିସେମ୍ବର ୩୦ରେ ଅଷ୍ଟ୍ରେଲିଆରେ ଭାରତର ସବୁଠାରୁ ବଡ଼ ବିଜୟ ହୋଇଥିଲା । ମେଲବୋର୍ଣ୍ଣରେ ଖେଳାଯାଇଥିବା ମ୍ୟାଚରେ ଅଷ୍ଟ୍ରେଲିଆକୁ ୨୨୨ ରନରେ ପରାସ୍ତ କରିଥିଲା ଭାରତ । ସେହିପରି ୨୦୧୮ ଡିସେମ୍ବର ୨୬ରେ ମେଲବୋର୍ଣ୍ଣରେ ଅନୁଷ୍ଠିତ ଟେଷ୍ଟ ମ୍ୟାଚରେ ଭାରତ ୧୩୭ ରନ୍ରେ ଜିତିଥିଲା । ସେହିପରି ୨୦୦୮ ମସିହା ୧୬ ଜାନୁଆରୀରେ W.A.C.A ପର୍ଥରେ ଖେଳାଯାଇଥିବା ଟେଷ୍ଟ ମ୍ୟାଚରେ ଅଷ୍ଟ୍ରେଲିଆକୁ ୭୨ ରନରେ ହରାଇଥିଲା ଭାରତୀୟ ଟିମ୍ । ୧୯୮୧ ଫେବୃଆରୀ ୭ରେ ମେଲବୋର୍ଣ୍ଣ ଟେଷ୍ଟରେ ଘରୋଇ ଅଷ୍ଟ୍ରେଲିଆ ବିରୋଧରେ ୫୯ ରନରେ ବିଜୟୀ ହୋଇଥିଲା ଟିମ୍ ଇଣ୍ଡିଆ ।
We say: Bumrah 💬
— BCCI (@BCCI) November 25, 2024
All of us say: 𝙈. 𝙊. 𝙊. 𝘿 ☺️ 🔥
This is a Jasprit Bumrah appreciation post! 🫡#TeamIndia | #AUSvIND | @Jaspritbumrah93 pic.twitter.com/oEiM1K7ls5
ଅଷ୍ଟ୍ରେଲିଆରେ ଭାରତର ୫ ବଡ଼ ବିଜୟ
- ପର୍ଥ ଟେଷ୍ଟ (୨୦୨୪ ମସିହା)- ୨୯୫ ରନରେ ବିଜୟୀ
- ମେଲବୋର୍ଣ୍ଣ (୧୯୭୭ ମସିହା)- ୨୨୨ ରନରେ ବିଜୟୀ
- ମେଲବୋର୍ଣ୍ଣ (୨୦୧୮ ମସିହା)-୧୩୭ ରନରେ ବିଜୟୀ
- W.A.C.A ପର୍ଥ (୨୦୦୮ ମସିହା)- ୭୨ ରନରେ ବିଜୟୀ
- ମେଲବୋର୍ଣ୍ଣ (୧୯୮୧ ମସିହା)- ୫୯ ରନରେ ବିଜୟୀ
Led from the front ✅
— BCCI (@BCCI) November 25, 2024
Shone bright with the ball 🌟
Won Player of the Match Award 🙌
Jasprit Bumrah was on an absolute roll in Perth 👏 👏
Scorecard ▶️ https://t.co/gTqS3UPruo#TeamIndia | #AUSvIND pic.twitter.com/Bax8yyXjQS
ବୁମରା ପ୍ଲେୟାର ଅଫ୍ ଦ ମ୍ୟାଚ:
ପର୍ଥ ଟେଷ୍ଟରେ ହିରୋ ବନିଛନ୍ତି ବୁମରା । ସେ ଅଷ୍ଟ୍ରେଲିଆ ବିରୋଧରେ ସାନଦାର ବୋଲିଂ ପ୍ରଦର୍ଶନ କରିଛନ୍ତି । ଅଷ୍ଟ୍ରେଲିଆ ପ୍ରଥମ ଇନିଂସରେ ୩୦ ରନ୍ ଦେଇ ୫ଟି ୱିକେଟର ହାସଲ କରିଥିବା ବୁମରା, ଦ୍ବିତୀୟ ଇନିଂସରେ ୪୨ ରନ ବିନିମୟରେ ୩ଟି ୱିକେଟ ହାସଲ କରିଥିଲେ । ଦୁଇଟି ଇନିଂସରେ ମୋଟ ୮ଟି ୱିକେଟ ନେଇ ଅଷ୍ଟ୍ରେଲିଆର ବ୍ୟାଟିଂ ମେରୁଦଣ୍ଡକୁ ଭାଙ୍ଗି ଦେଇଥିଲେ ବୁମରା । ବୋଲିଂରେ କମାଲ କରିଥିବା ବୁମରାଙ୍କୁ ପ୍ଲେୟାର ଅଫ ଦ ମ୍ୟାଚ ଘୋଷଣା କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
