ହାଇଦ୍ରାବାଦ : ଟିମ୍ ଇଣ୍ଡିଆର ପୂର୍ବତନ ଅଧିନାୟକ ଏମ୍ଏସ୍ ଧୋନିଙ୍କ ନୂଆ ଅନ୍ଦାଜ ଏବେ ବେଶ ଚର୍ଚ୍ଚାରେ । ଆଇପିଏଲ୍ 2025ରେ ଚେନ୍ନାଇ ସୁପର କିଙ୍ଗସ୍ ତାଙ୍କୁ କିପରି ରିଟେନ୍ କରିବ, ସେ ଏହି ଆଇପିଏଲ୍ରେ ଅଂଶଗ୍ରହଣ କରିବେ କି ନାହିଁ, ସେନେଇ ଜୋରଦାର ଆଲୋଚନା ଚାଲିଥିବାବେଳେ ସେ ଏକ ନୂଆ ଲୁକ୍ରେ ନଜର ଆସି ସବୁ ଚର୍ଚ୍ଚାର ମୋଡ଼ ବଦଳାଇଛନ୍ତି । ପ୍ରସିଦ୍ଧ ହେୟାର ଷ୍ଟାଇଲିଷ୍ଟ ଅଲିମ ହାକିମ ସୋସିଆଲ ମିଡିଆରେ ଧୋନିଙ୍କ ନୂଆ ଲୁକ୍ ସହ ଫଟୋ ଅପଲୋଡ୍ କରିଛନ୍ତି ଏବଂ ଏହାକୁ ପ୍ରଶଂସକମାନଙ୍କଠାରୁ ମଧ୍ୟ ଜୋରଦାର ପ୍ରତିକ୍ରିୟା ମିଳୁଛି ।
Mahendra Singh Dhoni 🔥🏏💈💇♂️🧨💣
— Aalim Hakim (@AalimHakim) October 12, 2024
The One & Only Our Thala 👑 @msdhoni 👑🔥❤️@mahi7781 @aalimhakim
📸 : @AalimHakim #mahendrasinghdhoni #dhoni #msd #dhonisnewhairstyle #thala #csk #indian #newdhoni #chennaisuperkings #aalimhakim #hakismaalim #legend #king #icon pic.twitter.com/EcvNl5Tw7b
ନୂଆ ଲୁକ୍ରେ ଫ୍ୟାନ୍ସ ଫିଦା :-
ଏହା ପୂର୍ବରୁ ମଧ୍ୟ ଏମ୍ଏସ୍ ଧୋନିଙ୍କ ଲୁକ୍ ଅନେକ ଥର ଚର୍ଚ୍ଚାର ବିଷୟ ପାଲଟିଛି । ଧୋନି ଅନେକ ସମୟରେ ନିଜ ଲୁକ୍ ବଦଳାନ୍ତି ଏବଂ ପ୍ରଶଂସକମାନେ ଏହାକୁ ବହୁତ ପସନ୍ଦ କରନ୍ତି । ଗତ ଆଇପିଏଲ ସିଜିନରେ ଏମଏସ୍ ଧୋନିଙ୍କୁ ତାଙ୍କ ପୁରୁଣା ହେୟାର ଷ୍ଟାଇଲରେ ଲମ୍ବା କେଶରେ ଦେଖିବାକୁ ମିଳିଥିଲା । ଏବେ ଏହି ନୂଆ ଲୁକ୍ ଦେଖିବା ପରେ ପ୍ରଶଂସକମାନେ ଏହା ଉପରେ ପ୍ରବଳ ପ୍ରତିକ୍ରିୟା ଦେଉଛନ୍ତି । ଜଣେ କହିଛନ୍ତି, 'ତୁମେ ହଲିଉଡର ହିରୋ ପରି ଦେଖାଯାଉଛ', ଅନ୍ୟ ଜଣେ ୟୁଜର୍ସ ଲେଖିଛନ୍ତି ଯେ 'ଆମେ ପୁରୁଣା ଲୁକକୁ ମିସ୍ କରୁଛୁ' ।
ଖେଳିବେ କି ନାହିଁ IPL 2025 ? :-
ସେ ଦୀର୍ଘ ବର୍ଷ ଧରି ଆଇପିଏଲରେ ଚେନ୍ନାଇ ସୁପର କିଙ୍ଗସ୍ (CSK) ଦଳର ନେତୃତ୍ବ କରୁଥିଲେ, କିନ୍ତୁ ସେ ଆଇପିଏଲ୍ 2024 ପୂର୍ବରୁ ଦଳର ଅଧିନାୟକ ପଦ ଛାଡ଼ିଥିଲେ ଏବଂ ଜଣେ ଖେଳାଳି ଭାବରେ ଦଳର ପ୍ରତିନିଧିତ୍ବ କରିଥିଲେ । ଜଣେ ଅଧିନାୟକ ତଥା ଜଣେ ଗୁରୁତ୍ବପୂର୍ଣ୍ଣ ଖେଳାଳି ଭାବରେ ଦଳକୁ 5 ଥର ଆଇପିଏଲ୍ ଚାମ୍ପିୟନ୍ କରାଇଥିବା ଧୋନିଙ୍କୁ ଏହି ଲିଗ୍ର ସଫଳତମ ଅଧିନାୟକ ବୋଲି କୁହାଯାଏ । କିନ୍ତୁ ଧୋନି ଆଇପିଏଲ 2025 ଖେଳିବେ କି ନାହିଁ ? ଏହା ବର୍ତ୍ତମାନ ସମୟରେ ଏକ ବଡ଼ ପ୍ରଶ୍ନ ହୋଇ ଅନେକ ଲୋକଙ୍କ ଆଲୋଚନାର ବିଷୟ ପାଲଟିଛି ।
କିନ୍ତୁ ଧୋନି ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେବାର 5 ବର୍ଷ ବିତିଗଲାଣି । ଆଇପିଏଲର ନୂତନ ନିୟମ ଅନୁଯାୟୀ, ଚେନ୍ନାଇ ସୁପର କିଙ୍ଗସ୍ ଦଳ ଏମଏସ ଧୋନିଙ୍କୁ ଜଣେ ଅଣସଂରକ୍ଷିତ (ଅନ୍କ୍ୟାପଡ୍) ଖେଳାଳି ଭାବରେ ରିଟେନ୍ କରିପାରିବ । ଏପରି ହେଲେ, 18ତମ ସିଜନରେ ତାଙ୍କ ଆଇପିଏଲ୍ ଆୟରୁ 8 କୋଟି ଟଙ୍କା ହ୍ରାସ ପାଇଯିବ ।
ଧୋନିଙ୍କ କ୍ରିକେଟ୍ କ୍ୟାରିୟର ବିଷୟରେ କହିଲେ ସେ 2019ରେ ନ୍ୟୁଜିଲ୍ୟାଣ୍ଡ ବିପକ୍ଷ ବିଶ୍ବକପ୍ର ସେମିଫାଇନାଲରେ ଟିମ୍ ଇଣ୍ଡିଆ ପାଇଁ ତାଙ୍କର ଶେଷ ମ୍ୟାଚ୍ ଖେଳିଥିଲେ ଏବଂ ଏହା ପରେ ସେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ ।
ଏହା ମଧ୍ୟ ପଢ଼ନ୍ତୁ :-
- ପ୍ରଶଂସକଙ୍କୁ ଜନ୍ମଦିନରେ ସର୍ପ୍ରାଇଜ୍ ଦେଲେ ରୋହିତ ଶର୍ମା; ଦେଖନ୍ତୁ ଭିଡିଓ
- ଅଜବ ଫିଲ୍ଡିଂ ଦେଖି ଅମ୍ପାୟାର ଆଶ୍ଚର୍ଯ୍ୟ, ହସି ହସି ଗଡ଼ିଲେ ଦର୍ଶକ
- IPL ଅକ୍ସନରେ RTM କାର୍ଡ କ'ଣ ? କେମିତି ବ୍ୟବହାର କରିବେ ଫ୍ରାଞ୍ଚାଇଜ ? ଜାଣନ୍ତୁ,
ବ୍ୟୁରୋ ରିପୋର୍ଟ, ଇଟିଭି ଭାରତ
