ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପୁଣି ବୋମା ବିସ୍ଫୋରଣ ଧମକ । ଏଭଳି ଧମକ ପୂର୍ଣ୍ଣ ମେଲ୍ ଆସିବା ପରେ ଆଲର୍ଟରେ ଦିଲ୍ଲୀ ପୋଲିସ । ବୋମା ବିସ୍ଫୋରଣ ନେଇ ପୋଲିସ କଣ୍ଟ୍ରୋଲ ରୁମକୁ ଧମକପୂର୍ଣ୍ଣ ଇମେଲ ଆସିଥିବା ଜଣାପଡ଼ିଛି । ଫଳରେ ଏବେ ଦିଲ୍ଲୀ ପୋଲିସ ଆଲର୍ଟ ମୋଡରେ ଥିବାବେଳେ ଦମକଳ ବିଭାଗ ମଧ୍ୟ ସଜାଗ ରହିଛି । ଏହା ସହିତ ଅନ୍ୟ ସୁରକ୍ଷା ଏଜେନ୍ସି ମଧ୍ୟ ଘଟଣାସ୍ଥଳରେ ପହଞ୍ଚି ଯାଞ୍ଚ କରିଛନ୍ତି । ନର୍ଥ ବ୍ଲକକୁ ବମ୍ ପକାଇ ଉଡ଼ାଇ ଦିଆଯିବାର ଧମକ ମିଳିଛି । ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି, ନର୍ଥ ବ୍ଲକରେ ହିଁ ରହିଛି ଗୃହ ମନ୍ତ୍ରଣାଳୟ ।
-
#WATCH नई दिल्ली इलाके के नॉर्थ ब्लॉक स्थित पुलिस कंट्रोल रूम को बम की धमकी वाला एक मेल मिला था। मौके पर दमकल की दो गाड़ियां भेजी गई हैं, अधिक जानकारी की प्रतीक्षा है: दिल्ली अग्निशमन सेवा pic.twitter.com/OuJOS6OZhK
— ANI_HindiNews (@AHindinews) May 22, 2024
ଦମକଳ ବିଭାଗ ତରଫରୁ ମିଳିଥିବା ସୂଚନା ଅନୁସାରେ, ଧମକପୂର୍ଣ୍ଣ ମେଲ୍ ଆସିବା ପରେ ସର୍ଚ୍ଚ ଅପରେସନ ଆରମ୍ଭ ହୋଇଯାଇଛି । ଫାୟାର ବ୍ରିଗେଡ୍ ସହିତ ନର୍ଥ ବ୍ଲକ ସମେତ ଆଖପାଖ ଅଞ୍ଚଳରେ ପ୍ରସ୍ତୁତ ହୋଇ ରହିଛି ଦମକଳବାହିନୀ । ହେଲେ ବର୍ତ୍ତମାନସୁଦ୍ଧା ସେପରି କୌଣସି ବିସ୍ଫୋରକ ସାମଗ୍ରୀ ଜବତ ହୋଇନାହିଁ । ସୂଚନା ମୁତାବକ, ଦିଲ୍ଲୀ ଏନସିଆରରେ ସ୍କୁଲ, କଲେଜ, ହସ୍ପିଟାଲ ତଥା ଅନ୍ୟ ସାର୍ବଜନିକ ସ୍ଥାନଗୁଡିକରେ ବୋମା ବିସ୍ଫୋରଣ ନେଇ ଲଗାତାର ଧମକପୂର୍ଣ୍ଣ ମେଲ୍ ଆସୁଛି । ଫଳରେ ରାଜଧାନୀରେ ଭୟର ବାତାବରଣ ସୃଷ୍ଟି ହୋଇଛି । ହେଲେ ଏପର୍ଯ୍ୟନ୍ତ ଯେଉଁ ସବୁ ସ୍ଥାନ ଗୁଡିକରେ ବମ୍ ବ୍ଲାଷ୍ଟ ନେଇ ଧମକ ଆସିଛି କେଉଁଠୁ ବି ବିସ୍ଫୋରକ ସାମଗ୍ରୀ ମିଳିନାହିଁ । ତେବେ ବାରମ୍ବାର ଆସୁଥିବା ଏଭଳି ଧମକକୁ ନଜରରେ ରଖି ସଜାଗ ରହିଛି ଦିଲ୍ଲୀ ପୋଲିସ ।
ଏହା ମଧ୍ୟ ପଢନ୍ତୁ...ବିମାନରେ ବୋମା ନେଇ ଯାତ୍ରୀଙ୍କ ମଧ୍ୟରେ ଆତଙ୍କ, ଟିସ୍ୟୁ ପେପରରେ ଲେଖାଥିଲା - Air India Flight
ଏହା ମଧ୍ୟ ପଢନ୍ତୁ...ଥମୁନି ବୋମା ଆତଙ୍କ ! କାନପୁରରେ ସ୍କୁଲକୁ ମିଳିଲା ଧମକ - Kanpur Schools Get Bomb Threat
ପୂର୍ବରୁ ରାଷ୍ଟ୍ରପତି ଭବନରେ ବୋମା ବିସ୍ଫୋରଣ ନେଇ ଧମକ ଆସିଥିଲା । ଏହି ମାମଲାକୁ ଗୁରୁତର ସହ ନେଇଥିଲା ପୋଲିସ । ଜୋରଦାର ଯାଞ୍ଚ କରାଯାଇଥିଲେ ମଧ୍ୟ କୌଣସି ବିସ୍ଫୋରକ ସାମଗ୍ରୀ ମିଳିନଥିଲା । ସେହିପରି ଉତ୍ତର ରେଳତଟର ସିପିଆରଓ ଅଫିସକୁ ମଧ୍ୟ ବମ୍ ପକାଇ ଉଡ଼ାଇ ଦେବାକୁ ଧମକ ଦିଆଯାଇଥିଲା। ଲକ୍ଷ ଲକ୍ଷ ଯାତ୍ରୀ ଏଠାରେ ଯାତାୟତ କରିଥାନ୍ତି । ଯାହାକୁ ନଜରରେ ରଖି ରେଲୱେ ଷ୍ଟେସନର ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଥିଲା ।
