ପାଟନା: ବିହାରରେ ଲାଗି ରହିଥିବା ରାଜନୈତିକ ଅସ୍ଥିରତା ମଧ୍ୟରେ ଭିନ୍ନ ଭିନ୍ନ ରୋଚକ ଖବର ସାମ୍ନାକୁ ଆସିବାରେ ଲାଗିଛି । ପୂର୍ବରୁ ଜେଡିୟୁ ଓ ବିଜେପି ସମର୍ଥିତ ସରକାରରେ ଉପମୁଖ୍ୟମନ୍ତ୍ରୀ ହୋଇଥିବା ବରିଷ୍ଠ ବିଜେପି ନେତା ସୁଶିଲ ମୋଦି ପୁଣ ଥରେ ନୀତିଶ ସରକାରରେ ଉପମୁଖ୍ୟମନ୍ତ୍ରୀ ହେବାକୁ ଯାଉଥିବା ଚର୍ଚ୍ଚା ହେଉଛି । ନୀତିଶ ଇସ୍ତଫା ଦେଇ ବିଜେପି ସମର୍ଥନରେ ସରକାର ଗଠନ କରିବେ । ହେଲେ ପୂର୍ବଥର ପରି ବିଜେପି ନେତା ସୁଶିଲ ମୋଦି ଉପମୁଖ୍ୟମନ୍ତ୍ରୀ ହେବେ ବୋଲି ଚର୍ଚ୍ଚା ହେଉଛି । ଆସନ୍ତାକାଲି ଏସମ୍ପର୍କରେ ସ୍ପଷ୍ଟ ହେବ ।
-
#WATCH | Patna: On Bihar political situation, BJP Bihar President Samrat Chaudhary says, " Nitish Kumar has not resigned and nobody has withdrawn support, if something happens, then only we will have any information...BJP wants to know the situation of Bihar and then only we will… pic.twitter.com/eXi9S4pvJ7
— ANI (@ANI) January 27, 2024 " class="align-text-top noRightClick twitterSection" data="
">#WATCH | Patna: On Bihar political situation, BJP Bihar President Samrat Chaudhary says, " Nitish Kumar has not resigned and nobody has withdrawn support, if something happens, then only we will have any information...BJP wants to know the situation of Bihar and then only we will… pic.twitter.com/eXi9S4pvJ7
— ANI (@ANI) January 27, 2024#WATCH | Patna: On Bihar political situation, BJP Bihar President Samrat Chaudhary says, " Nitish Kumar has not resigned and nobody has withdrawn support, if something happens, then only we will have any information...BJP wants to know the situation of Bihar and then only we will… pic.twitter.com/eXi9S4pvJ7
— ANI (@ANI) January 27, 2024
ଏହାରି ମଧ୍ୟରେ ବିଜେପି ରାଜ୍ୟ ସଭାପତି ସମ୍ରାଟ ଚୌଧୁରୀଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ହେଲେ ସେ ଏହି ଘଟଣାକ୍ରମ ଉପରେ ବଡ ସନ୍ତୁଳିତ ବୟାନ ଦେଇଛି । ବର୍ତ୍ତମାନ ନୀତିଶ ଇସ୍ତଫା ଦେଇନାହାନ୍ତି । ନୀତିଶ ଯଦି ଇସ୍ତଫା ଦିଅନ୍ତି ତେବେ ପରବର୍ତ୍ତୀ ଘଟଣାକ୍ରମ ସମ୍ପର୍କରେ ଜଣାପଡିବ ବୋଲି ସମ୍ରାଟ କହିଛନ୍ତି । ଗତକାଲି ସମ୍ରାଟ ଦିଲ୍ଲୀ ଗସ୍ତ କରି ଅମିତ ଶାହ ଓ ଜେପି ନଡ୍ଡାଙ୍କ ସହ ଆଲୋଚନା କରିଥିଲେ । ହେଲେ ବୈଠକ ସମ୍ପର୍କରେ କୌଣସି ସୂଚନା ଦେଇନଥିଲେ ।
2020 ରେ ବିଧାନସଭା ନିର୍ବାଚନ ଶେଷ ହେବା ପରେ ଆରଜେଡିକୁ କ୍ଷମତାରୁ ଦୂରରେ ରଖିବା ପାଇଁ ନୀତିଶ ବିଜେପି ସହ ମେଣ୍ଟରେ ସରକାର ଗଠନ କରିଥିଲେ । ସୁଶିଲ ମୋଦିଙ୍କୁ ଉପମୁଖ୍ୟମନ୍ତ୍ରୀ ପଦବୀ ମିଳିଥିଲା । ହେଲେ 2022 ରେ ନାଟକୀୟ ଢଙ୍ଗରେ ସେ ବିଜେପି ସହ ସମ୍ପର୍କ ଛିନ୍ନ କରିବା ସହ ଇସ୍ତଫା ଦେଇଥିଲେ । ସରକାରର ପତନ ହୋଇଥିଲା । ହେଲେ ତାର ମାତ୍ର କେଇ ଘଣ୍ଟା ପରେ ନୀତିଶ ଲାଲୁଙ୍କ ନେତୃତ୍ବାଧୀନ ଆରଜେଡି ଓ କଂଗ୍ରେସ ସହ ମିଶି ମହାମେଣ୍ଟ ସରକାର ଗଠନ କରିଥିଲେ । ବିଜେପି ବିରୋଧୀ ଦଳ ଭୂମିକାକୁ ଚାଲିଯାଇଥିଲା । ତେଜସ୍ବୀ ଯାଦବ ବିହାରର ନୂତନ ଉପମୁଖ୍ୟମନ୍ତ୍ରୀ ହୋଇଥିଲେ ।
ଏହା ମଧ୍ୟ ପଢନ୍ତୁ :- ଉତ୍ତର ପ୍ରଦେଶରେ କଂଗ୍ରେସକୁ 11 ଆସନ ଛାଡିଲା ସମାଜବାଦୀ ପାର୍ଟି, ଅଖିଳେଶ କଲେ ଘୋଷଣା
ହେଲେ ସେତେବେଳେ ପରବର୍ତ୍ତୀ ସମୟରେ ତେଜସ୍ବୀ ଯାଦବଙ୍କୁ ମୁଖ୍ୟମନ୍ତ୍ରୀ ଗାଦି ଛାଡିବା ନେଇ ଆରଜେଡି ପକ୍ଷରୁ ସର୍ତ୍ତ ରଖାଯାଇଥିଲା ବୋଲି ଶୁଣିବାକୁ ମିଳିଥିଲା । ଏବେ ଗତ କିଛି ମାସ ହେବ ଲାଲୁଙ୍କ କ୍ୟାମ୍ପରୁ ତେଜସ୍ବୀଙ୍କୁ ମୁଖ୍ୟମନ୍ତ୍ରୀ କରିବା ନେଇ ବାରମ୍ବାର ଚାପ ସୃଷ୍ଟି କରାଯାଉଥିଲା ଓ ଏହା ନୀତିଶଙ୍କୁ ମଞ୍ଜୁର ନଥିବା ମଧ୍ୟ ଶୁଣିବାକୁ ମିଳୁଥିଲା । ଏହି କାରଣ ପାଇଁ ନୀତିଶ ମେଣ୍ଟ ଭାଙ୍ଗି ପୁଣି ବିଜେପି ସମର୍ଥନରେ ସରକାର କରିପାରନ୍ତି ବୋଲି ଚର୍ଚ୍ଚା ହେଉଥିଲା । ନିକଟରେ ଏକାଧିକ କାର୍ଯ୍ୟକ୍ରମରେ ନୀତିଶ କୁମାର ମୋଦି ସରକାରଙ୍କୁ ପ୍ରଶଂସା କରିଥିଲେ । ଏହା ସହ ବିରୋଧୀଙ୍କ ‘ଇଣ୍ଡିଆ’ ମେଣ୍ଟରେ ମଧ୍ୟ ଖୁସି ନଥିବା ଶୁଣିବାକୁ ମିଳିଥିଲା । ହେଲେ ଗତକାଲି ଠାରୁ ବିହାରରେ ରାଜନୈତିକ ହଲଚଲ ଲାଗି ରହିଥିବା ବେଳେ ଏବେ ସୁଦ୍ଧା କିଛି ସ୍ପଷ୍ଟ ହୋଇନାହିଁ । ହେଲେ ନୀତିଶ ଇସ୍ତଫା ଦେବା ନିଶ୍ଚିତ ବୋଲି ବର୍ତ୍ତମାନର ସ୍ଥିତିରୁ ସ୍ପଷ୍ଟ ଅନୁମେୟ ।
ବ୍ୟୁରୋ ରିପୋର୍ଟ, ଇଟିଭି ଭାରତ
