ଭୁବନେଶ୍ବର: ଓଡ଼ିଶାରେ ବିଜେପିର ଶୀର୍ଷ ନେତୃତ୍ବ ବା ହେବିୱେଟମାନେ ମାରାଥନ ପ୍ରଚାର । ଏହି ପ୍ରଚାରରେ ଆଜି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି.ନଡ୍ଡା ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ସାମିଲ ହୋଇ ଥିବାବେଳେ ଆସନ୍ତାକାଲି ଭୁବନେଶ୍ୱରରେ ରୋଡ଼ ଶୋ କରିବେ ନଡ୍ଡା । ନଡ୍ଡା ୨ ଦିନିଆ ଗସ୍ତରେ ଆସୁଥିବା ବେଳେ ଆଜି ସନ୍ଧ୍ୟାରେ ଭୁବନେଶ୍ୱରରେ ପହଞ୍ଚିବା ପରେ ଏକ ଘରୋଇ ହୋଟେଲରେ ବିଜେପି ମହିଳା ମୋର୍ଚ୍ଚର ଏକ ବୈଠକରେ ଯୋଗ ଦେବେ । ସେହିପରି ଆସନ୍ତା ଦିନରେ ବିଜେପି ଶାସିତ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ଗସ୍ତ ରହିଥିବା ବେଳେ ରାଜଧାନୀରେ ପ୍ରଚାର କରିବେ ଡ୍ରିମଗାର୍ଲ ହେମାମାଳିନୀ । ଏନେଇ ଆଜି ସୂଚନା ଦେଇଛନ୍ତି ବିଜେପି ଉପସଭାପତି ଗୋଲକ ମହାପାତ୍ର ।
ଆସନ୍ତାକାଲି ସକାଳୁ ଜେ.ପି.ନଡ୍ଡା ମାଉସୀ ମା' ଠାରୁ ଲିଙ୍ଗରାଜ ମନ୍ଦିର ଯାଏଁ ରୋଡ଼ ଶୋ କରିବେ । ପରେ ପଦ୍ମପୁର ଓ ସୁନ୍ଦରଗଡ ସମାବେଶରେ ଯୋଗ ଦେବେ । ସେହିପରି ଆସନ୍ତାକାଲି ବା ୧୬ ତାରିଖରେ ଆସାମର ମୁଖ୍ୟମନ୍ତ୍ରୀ ହେମନ୍ତ ବିଶ୍ୱଶର୍ମା- ୩ଟି ସ୍ଥାନରେ ସଭା ହେବ । ବ୍ରଜରାଜନଗର, ବଣେଇ ଏବଂ ବରଗଡର ଅତାବିରା ତଥା ରାତ୍ରିରେ ଭୁବନେଶ୍ୱରର ଜଟଣୀରେ ସଭା କରିବେ । ସେହିପରି ଛତିଶଗଡର ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ଗସ୍ତ କରୁଛନ୍ତି । ସୁନ୍ଦରଗଡର ତଳସରା, ବରଗଡର ବିଜେପୁର ଏବଂ ବଲାଙ୍ଗୀର ବିରମହାରାଜପୁରରେ କରିବେ ସଭା । ସେହିପରି ୧୭ ତାରିଖରେ ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କର କବିସୂର୍ଯ୍ୟନଗର, କଣ୍ଟାବାଞ୍ଜି, ଲୋଇସିଙ୍ଗା, ସନ୍ଧ୍ୟାରେ ସତ୍ୟବାଦୀ ଓ ପିପିଲିରେ ସଭା କରିବେ । ଛତିଶଗଡର ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ସୁନ୍ଦରଗଡ ଏବଂ ରାଜଗାଙ୍ଗପୁର ଓ ବୀରମିତ୍ରପୁରରେ ସଭା କରିବେ ।
ସେହିପରୀ ସେହି ୧୭ ତାରିଖରେ ହେମା ମାଳିନୀ ଭୁବନେଶ୍ୱର ଉତ୍ତର, କଟକ କିଶୋରନଗର, ପିପିଲିରେ ରୋଡ ସୋରେ ଯୋଗ ଦେବେ । ରାଜସ୍ଥାନର ମୁଖ୍ୟମନ୍ତ୍ରୀ ଭଜନ ଲାଲ ଶର୍ମା ଆସିକାର ସାନଖେମୁଣ୍ଡି, କନ୍ଧମାଳର ଦଶପଲ୍ଲା, ଜି. ଉଦୟଗିରିରେ ସଭା କରିବେ । ସେହିପରି ଅମିତ ଶାହ ରାଉରକେଲାରେ ସଭା କରିବେ । ଏହାସହ ରେଳମନ୍ତ୍ରୀ ଅଶ୍ୱନୀ ବୈଷ୍ଣବ ୧୭ ଓ ୧୮ତାରିଖ ଓଡ଼ିଶା ଗସ୍ତ କରିବେ । ୧୭ରେ କଟକର ନରସିଂହପୁର, ଆଠଗଡରେ ସଭା କରିବେ । ୧୮ରେ ସୁନ୍ଦରଗଡ ବଣେଇ, ସୁନ୍ଦରଗଡ ଲୋକସଭା କ୍ଷେତ୍ରରେ ସଭା କରିବେ ବୋଲି ବିଜେପି ଉପସଭାପତି ଗୋଲକ ମହାପାତ୍ର ସୂଚନା ଦେଇଛନ୍ତି ।
ଅନ୍ୟପଟେ ଗୋଲକ ମହାପାତ୍ର କହିଛନ୍ତି," ଓଡ଼ିଆ ଅସ୍ମିତା ଆଜି ବିପଦରେ । ତେଣୁ ଓଡ଼ିଆ ଅସ୍ମିତାକୁ ଉଜ୍ଜିଜୀବିତ କରିବା ଓ ଲୋକଙ୍କ ପାଖରେ ପ୍ରଧାନମନ୍ତ୍ରୀଙ୍କ ଗରିବ କଲ୍ୟାଣ ଯୋଜନା ପହଞ୍ଚାଇବା ପାଇଁ ଓଡ଼ିଶାରେ ବିଜେପି ସରକାର ଗଢିବାର ଲକ୍ଷ୍ୟକୁ ନେଇ କେନ୍ଦ୍ର ନେତୃତ୍ୱଙ୍କର ଏଭଳି ମାରାଥନ ପ୍ରଚାର କରାଯାଉଛି । କାରଣ ଓଡ଼ିଶାର ବିକାଶ ଦିଗରେ କେନ୍ଦ୍ରୀୟ ନେତୃତ୍ୱ ଚିନ୍ତିତ ଓ ପ୍ରୟାସରତ । ତେଣୁ ଏଥର ଓଡ଼ିଶାରେ ବିଜେପି ସରକାର ଗଢିବାର ଦୃଢୋକ୍ତିକୁ ନେଇ ଏହି ପ୍ରଚାର କରାଯାଉଛି ।"
ଇଟିଭି ଭାରତ, ଭୁବନେଶ୍ବର
