ଭୁବନେଶ୍ବର: ରଥଯାତ୍ରା ଭଳି ପବିତ୍ର ଦିନରେ ବିଜୁ ଜନତା ଦଳର ନବକଳେବର ଆରମ୍ଭ କରିଛି । ବିଜେଡିର ସମସ୍ତ ରାଜ୍ୟସ୍ତରୀୟ କମିଟିକୁ ଭାଙ୍ଗି ଦିଆଯାଇଛି । ନୂତନ ଭାବେ ବିଜେଡିର ମିଡ଼ିଆ ଓ ମୁଖପାତ୍ରଙ୍କର ଟିମ ଗଠନ ହୋଇଛି । ନବୀନଙ୍କ ରାଜନୈତିକ ସଚିବ ଭାବେ ଡକ୍ଟର ସଂତୃପ୍ତ ମିଶ୍ରଙ୍କୁ ନିଯୁକ୍ତି ଦିଆଯାଇଛି । ଏନେଇ ବିଜେଡ଼ି ପକ୍ଷରୁ ପ୍ରେସ ବିଜ୍ଞପ୍ତି ଜାରି ହୋଇଛି । ବିଜେଡି ସଭାପତି ନବୀନ ପଟ୍ଟନାୟକ ଦସ୍ତଖତ ଯୁକ୍ତ ବିଜ୍ଞପ୍ତି ଅନୁଯାୟୀ, ଡକ୍ଟର ସଂତୃପ୍ତ ମିଶ୍ରଙ୍କୁ ବଡ଼ ଦାୟିତ୍ୱ ମିଳିଛି । ନିର୍ବାଚନ ପୂର୍ବରୁ ଦଳରେ ସାମିଲ ହୋଇ କଟକରୁ ସାଂସଦ ପ୍ରାର୍ଥୀ ହୋଇଥିବା ସଂତୃପ୍ତ ଦଳ ମୁଖିଆଙ୍କ ରାଜନୈତିକ ସଚିବ ଭାବେ ନିଯୁକ୍ତ ହୋଇଛନ୍ତି ।
![New Spokesperson Of BJD](https://etvbharatimages.akamaized.net/etvbharat/prod-images/07-07-2024/od-bbsr-01-bjd-media-team-7209787_07072024210948_0707f_1720366788_404.jpg)
ଦଳ ଜାତୀୟ ମୁଖପାତ୍ର ନିଯୁକ୍ତି ମଧ୍ୟ ଦେଇଛି । ଏହି ଟିମରେ ଡକ୍ଟର ସଂତୃପ୍ତ ମିଶ୍ର, କଳିକେଶ ନାରାୟଣ ସିଂଦେଓ, ଡାକ୍ତର ଅମର ପଟ୍ଟନାୟକ, ସସ୍ମିତ ପାତ୍ର, ପ୍ରଦୀପ କୁମାର ମାଝୀ ପ୍ରମୁଖ ଅଛନ୍ତି । ବରିଷ୍ଠ ନେତା ପ୍ରତାପ ଜେନାଙ୍କୁ ବରିଷ୍ଠ ମିଡ଼ିଆ ସଂଯୋଜକ ଭାବେ ନିଯୁକ୍ତ କରାଯାଇଛି । ସେହିପରି ସ୍ୱୟଂ ପ୍ରକାଶ ମହାପାତ୍ରଙ୍କୁ ପୂର୍ବଭଳି ସାମାଜିକ ଗଣମାଧ୍ୟମର ସଂଯୋଜକ କରାଯାଇଛି । ମିଡିଆ ସଂଯୋଜକ ଭାବେ ଡକ୍ଟର ଲେନିନ ମହାନ୍ତି ଓ ଡକ୍ଟର ପ୍ରିୟବ୍ରତ ମାଝୀଙ୍କୁ ଦାୟିତ୍ୱ ମିଳିଛି ।
![New Spokesperson Of BJD](https://etvbharatimages.akamaized.net/etvbharat/prod-images/07-07-2024/od-bbsr-01-bjd-media-team-7209787_07072024210948_0707f_1720366788_667.jpg)
ଏହା ବି ପଢନ୍ତୁ...ନବୀନଙ୍କୁ ହରାଇ ଦିଆଯାଇଛି, ଢୋଲ ଭିତରେ ମୂଷା ଥିଲେ: ସମ୍ବିତ - Sambit Routray Reaction On Election
ଏହା ବି ପଢନ୍ତୁ...ବିଜେଡିକୁ ବିଜେପିର ଜବାବ,୨୪ ବର୍ଷର କାମକୁ ୨୪ ଦିନରେ କରି ଦେଖାଇଛୁ - BJP Slams BJD
![New Spokesperson Of BJD](https://etvbharatimages.akamaized.net/etvbharat/prod-images/07-07-2024/od-bbsr-01-bjd-media-team-7209787_07072024210948_0707f_1720366788_513.jpg)
![New Spokesperson Of BJD](https://etvbharatimages.akamaized.net/etvbharat/prod-images/07-07-2024/od-bbsr-01-bjd-media-team-7209787_07072024210948_0707f_1720366788_307.jpg)
![New Spokesperson Of BJD](https://etvbharatimages.akamaized.net/etvbharat/prod-images/07-07-2024/od-bbsr-01-bjd-media-team-7209787_07072024210948_0707f_1720366788_937.jpg)
ଇଟିଭି ଭାରତ, ଭୁବନେଶ୍ବର