Ratan Tata Fitness Routine: ଭାରତୀୟ ଶିଳ୍ପ ଜଗତର ଏକ ମହାଦ୍ରୁମ ଥିଲେ ରତନ ଟାଟା । ଯେତିକି ଭଲ ବ୍ୟବସାୟୀ ଥିଲେ, ସେତିକି ଭଲ ମଣିଷଟିଏ । ନିଜର ସ୍ବାସ୍ଥ୍ୟ ଓ ଫିଟନେସ୍ ନେଇ ମଧ୍ୟ ସେ ଖୁବ୍ ସଚେତନ ରହୁଥିଲେ । ତାଙ୍କର ଏହି ଲମ୍ବା ଜୀବନର ରହସ୍ୟ ଥିଲା ସରଳ ଜୀବନଶୈଳୀ, ସୁସ୍ଥ୍ୟ ଖାଦ୍ୟ ଅଭ୍ୟାସ, ନିୟମିତ ଯୋଗ, ଧ୍ୟାନ ଇତ୍ୟାଦି । ସେଥିପାଇଁ ନିଜ ବୟସର ଅପରାହ୍ନରେ ବି ଟାଟା ପୁରା ଫିଟ୍ ରହିଥିଲେ । ଆଜି ଏହି ଖବରରେ ଆମେ ଆପଣଙ୍କ ଜଣାଇବୁ ରତନ ଟାଟାଙ୍କ ଫିଟନେସର ରହସ୍ୟ । ଜାଣନ୍ତୁ, କେମିତି ସେ ନିଜକୁ ଫିଟ୍ ରଖିଥିଲେ ଯଦ୍ବାରା ଆପଣ ମଧ୍ୟ ଏହାକୁ ଆପଣାଇ ନିଜ ଜୀବନକୁ ଲମ୍ବା ଓ ନିରାମୟ କରିପାରିବେ ।
ସକାଳୁ ଉଠିବା: ଶୀଘ୍ର ସକାଳୁ ଉଠିବା ଓ ଏକ୍ସରସାଇଜ କରିବାରୁ ରତନ ଟାଟାଙ୍କ ଦିନଚର୍ଯ୍ୟା ଆରମ୍ଭ ହେଉଥିଲା । ସେ ସକାଳ 6ଟାରୁ ଉଠି ଯାଉଥିଲେ ଏବ୍ଂ ମର୍ଣ୍ଣିଂ ୱାକରେ ଯାଉଥିଲେ । ଏହାପରେ ଯୋଗ ବ୍ୟାୟାମ କରୁଥିଲେ । ସେ ଜାଣିଥିଲେ ଯେ, ଶରୀରକୁ ସୁସ୍ଥ ରଖିବା ପାଇଁ ଚାଲିବା, ଯୋଗ କରିବା ଓ ଅନ୍ୟାନ୍ୟ ଶାରିରୀକ ଗତିବିଧି ଜରୁରୀ । ଏଥିସହ ସେ ସବୁଦିନ ସୂର୍ଯ୍ୟ ନମସ୍କାର କରୁଥିଲେ । କେବେବି ନିଜର ଏହି ଦିନଚର୍ଯ୍ୟାରେ ଅବହେଳା କରୁନଥିଲେ ।
ଧ୍ୟାନ: ସେ ପ୍ରତିଦିନ ଯୋଗ ସହ ମେଡିଟେସନ ବା ଧ୍ୟାନ କରୁଥିଲେ । ଧାଁ ଦୌଡ ଜୀବନ ଓ କାର୍ଯ୍ୟବ୍ୟସ୍ତତା ଶରୀର ଓ ମସ୍ତିଷ୍କକୁ କ୍ଲାନ୍ତ କରିଦିଏ । ଶରୀରକୁ ଆରାମ ଦରକାର ହୁଏ । ମେଡିଟେସନ କରିବା ଦ୍ବାରା ମନ ଶାନ୍ତ ରହେ ଓ ଚିନ୍ତା କରିବାର କ୍ଷମତା ବଢେ ।
ଘର ଖାଦ୍ୟ ଖାଇବା: ତାଙ୍କୁ ଘର ରନ୍ଧା ଖାଦ୍ୟ ବେଶୀ ପସନ୍ଦ ଥିଲା । ସେ ସବୁବେଳେ ଘରେ ଖାଉଥିଲେ । ଜଙ୍କଫୁଡ୍, ଫାଷ୍ଟଫୁଡ୍ ଠାରୁ ଦୂରେଇ ରହୁଥିଲେ । ରତନ ଟାଟା ନିଜର ଖାଦ୍ୟପାନୀୟ ସମ୍ବନ୍ଧୀୟ ନିୟମକୁ କଡାକଡି ପାଳନ କରୁଥିଲେ । ଏଥିସହ ରୁଟିନ ଚେକ-ଅପ୍କୁ ମଧ୍ୟ ଗୁରୁତ୍ବ ଦେଉଥିଲେ । ନିଜର ସ୍ବାସ୍ଥ୍ୟ ଅବସ୍ଥା ଯାଞ୍ଚ ପାଇଁ ରେଗୁଲାଲ ହେଲଥ୍ ଚେକ-ଅପ୍ ପାଇଁ ଯାଉଥିଲେ ।
- କ'ଣ ଖାଇବାକୁ ପସନ୍ଦ କରୁଥିଲେ ଏହି ବିଶିଷ୍ଟ ଉଦ୍ୟୋଗପତି
ପାର୍ସୀ ଖାଦ୍ୟ ପ୍ରିୟ ଥିଲା: ଥରେ ଏକ ଟିଭି ଇଣ୍ଟରଭ୍ୟୁରେ ରତନ ଟାଟା କହିଥିଲେ ତାଙ୍କର ପାର୍ସୀ ଖାଦ୍ୟ ଅଧିକ ପସନ୍ଦ । ଏହି ଖାଦ୍ୟ ସ୍ବାଦିଷ୍ଟ ସହ ସ୍ବାସ୍ଥ୍ୟକର ।
ପ୍ରିୟ ଡାଲି: ପାର୍ସୀ ଫୁଡ୍ ସହ ସେ ମସୁର ଡାଲି ଖାଇବାକୁ ଭଲ ପାଉଥିଲେ । ଏଥିରେ ଜରୁରୀ ପୋଷକ ତତ୍ତ୍ବ ରହିଥାଏ ଯାହାକି ଶରୀର ପାଇଁ ଲାଭଦାୟକ ।
ପ୍ରିୟ ଜଳଖିଆ: ରତନ ଟାଟାଙ୍କ ପ୍ରିୟ ସକାଳ ଜଳଖିଆ ଥିଲା ଅକୁରି, ଯାହାକି ଏକ ପାର୍ସୀ ବ୍ୟଞ୍ଜନ ଓ ଅଣ୍ଡା ଭୁଜିଆ ଭଳି ଦେଖିବାକୁ । ସେ ଜଳଖିଆରେ ଅକୁରି ଖାଇବା ପସନ୍ଦ କରୁଥିଲେ ।
ରତନ ଟାଟା ତାଙ୍କର ପୋଷା କୁକୁରକୁ ଭାରି ଭଲ ପାଉଥିଲେ । ନିଜ କୁକୁର ସହ ମସ୍ତି କରିବା ସମୟର ତାଙ୍କର ଅନେକ ଭିଡିଓ ଦେଖିବାକୁ ମିଳେ । ଗୃହପାଳିତ ଜୀବଙ୍କ ସହ ସମୟ ବିତାଇଲେ ଷ୍ଟ୍ରେସ କମ୍ ହେବା ସହ ମନ ହାଲୁକା ରହେ ।
ଏହା ମଧ୍ୟ ପଢନ୍ତୁ: ମୁଁ ଠିକ୍ ନିଷ୍ପତ୍ତି ନେବାରେ ବିଶ୍ବାସ କରେନି, ନିଷ୍ପତ୍ତି ନିଏ ଓ ଏହାକୁ.... ଏହା ମଧ୍ୟ ପଢନ୍ତୁ: ପରଲୋକରେ ଶିଳ୍ପସମ୍ରାଟ ରତନ ଟାଟା, ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଶୋକ ଏହା ମଧ୍ୟ ପଢନ୍ତୁ: ସବୁବେଳେ ଚିନ୍ତା ଓ ଉଦାସ ରହୁଛନ୍ତି ? ମାନନ୍ତୁ ଏହି 6ଟି ଟିପ୍ସ, ସୁସ୍ଥ ରହିବ ମନ |
Disclaimer- ଏଠାରେ ଦିଆଯାଇଥିବା ସୂଚନା କେବଳ ଜାଣିବା ପାଇଁ । ଏନେଇ ଇଟିଭି ଭାରତ କୌଣସି ସ୍ପଷ୍ଟୀକରଣ ଦିଏନି । ଅଧିକ ଜାଣିବା ପାଇଁ ଡାକ୍ତରଙ୍କ ପରାମର୍ଶ ନିଅନ୍ତୁ ।
