ହାଇଦ୍ରାବାଦ: ଆସୁଛି ଆଲୋକର ପର୍ବ ଦୀପାବଳୀ । ଧରାପୃଷ୍ଟରେ ଅବତରଣ କରିବେ ପାପାନାଶିନୀ ମା' ଶ୍ୟାମାକାଳୀ । ମା'ଙ୍କ ଆଗମନରେ ପୃଥ୍ବିବୀ ପୃଷ୍ଟରୁ ନକରାତ୍ମକ ଶକ୍ତିର ପ୍ରଭାବ କମିବା ସହ ସକାରତ୍ମକ ଶକ୍ତିର ପ୍ରଭାବ ବିସ୍ତାର ହେବ । ଏହା କିଛି ରାଶି ଉପରେ ବିଶେଷ ପ୍ରଭାବ ପକାଇବ । ମା' କାଳୀଙ୍କ କୃପାରୁ ୫ ରାଶିଙ୍କ ଜୀବନରେ ଚାଲିଥିବା ସମସ୍ୟାର ସମାଧାନ ହେବ । ଜୀବନରେ ଥିବା ଦୁଖଃ କଷ୍ଟକୁ ଲାଘବ କରିବେ ମା' । ଦୀପାବଳି ପରେ ପରେ ମା' କାଳୀଙ୍କ କୃପାରୁ ସୁଖ ସମୃଦ୍ଧି ସହ ଧନଧାନ୍ୟରେ ପରିପୂର୍ଣ୍ଣ ହେବ ଘର । ତେବେ କେଉଁ ରାଶି ଉପରେ ମା'ଙ୍କ ଆଶୀର୍ବାଦ ବୃଷ୍ଟି ହେବ ଜାଣନ୍ତୁ..
ବୃଷ: ଦୀପାବଳି ପରେ ପରେ ଆପଣଙ୍କ ପାଇଁ ସୌଭାଗ୍ୟର ଦିନ ଅପେକ୍ଷା କରିଛି । ଧାର କରଜକୁ ନେଇ ଥିବା ଚିନ୍ତା ଦୂର ହେବ । ପିଲାମାନଙ୍କୁ କ୍ୟାରିୟରକୁ ନେଇ ରହିଥିବା ସମସ୍ୟାର ସମାଧାନ ହେବ । ସରକାରୀ ସମ୍ମାନ ମିଳିବାର ଯୋଗ ରହିଛି । ଆତ୍ମବିଶ୍ୱାସ ସ୍ତର ବୃଦ୍ଧି ପାଇବ । ବନ୍ଧୁ ଏବଂ ସମ୍ପର୍କୀୟମାନେ ଆପଣଙ୍କୁ ସାହାଯ୍ୟ ହାତ ବଢ଼ାଇବେ । ପରୋକ୍ଷରେ ଶତ୍ରୁ ବୃଦ୍ଧି ହେଲେ ମଧ୍ୟ ଆପଣଙ୍କର କୌଣସି କ୍ଷତି କରିପାରବେ ନାହିଁ । ବହୁଦିନ ଧରି ଲାଗି ରହିଥିବା ସ୍ବାସ୍ଥ୍ୟ ସମସ୍ୟା ଦୂର ହେବ । ଜଗାବାଡ଼ି କିଣାକିଣି କରିପାରନ୍ତି ।
କର୍କଟ: ଦୀପାବଳି ପରେ ଆପଣଙ୍କ ଜୀବନରେ ଏକ ବଡ଼ ପରିବର୍ତ୍ତନ ଘଟିବ । ବିବାହଯୋଗ୍ୟ ବ୍ୟକ୍ତିଙ୍କ ପାଇଁ ନିଜ ପସନ୍ଦର ପ୍ରସ୍ତାବ ଚୂଡାନ୍ତ ହୋଇପାରେ । ସନ୍ତାନ ପ୍ରାପ୍ତିର ଖୁସି ଖବର ମିଳିପାରେ । ଦିନକୁ ଦିନ ବଢ଼ୁଥିବା ଖର୍ଚ୍ଚ ନିୟନ୍ତ୍ରଣ କରି ସଞ୍ଚୟ ପାଇଁ ମନ ବଳାଇବେ । ବଡ଼ ବିବାଦର ସମ୍ମୁଖିନ ହୋଇପାରନ୍ତି । ମାତ୍ର ଏଥିରେ ଆପଣଙ୍କ ଜିତାପଟ ହେବ । ଋଣରେ ଦେଇଥିବା ଟଙ୍କା ଆପଣଙ୍କୁ ପକେଟକୁ ସୁଧମୂଳ ସହ ରିଟର୍ଣ୍ଣ ହେବ । ଆପଣ ଜଣେ ଏମିତି ବ୍ୟକ୍ତିଙ୍କୁ ଭେଟିବେ ଯିଏ ଆପଣଙ୍କ ଜୀବନର ସଫଳତା ଆଡକୁ ନୂଆ ଦିଗ ଦେଖାଇବେ । ସେ ଆପଣଙ୍କ ଜୀବନସାଥୀ ମଧ୍ୟ ହୋଇପାରନ୍ତି ।
କନ୍ୟା: ଦୀପାବଳି ଆପଣଙ୍କ ପାଇଁ ଜୀବନରେ ଆଲୋକ ଭରିଦେବ । ଖୁବଶୀଘ୍ର ନିଜ ମନ ପସନ୍ଦର ଜୀବନ ସାଥୀ ପାଇବେ । ବ୍ୟବସାୟ ସହ ଜଡ଼ିତ ଥିବା ବ୍ୟକ୍ତିଙ୍କ ପାଇଁ କେବଳ ଉନ୍ନତି ହିଁ ଉନ୍ନତି ରହିଛି । ଆୟ ବୃଦ୍ଧିରେ କୌଣସି ପ୍ରତିବନ୍ଧ ଆପଣଙ୍କ ପାଖ ମାଡିବ ନାହିଁ । ସମାଜରେ ନିଜ କାର୍ଯ୍ୟ ପାଇଁ ସମ୍ମାନ ବୃଦ୍ଧି ପାଇବ । ଶତ୍ରୁମାନେ ପରାସ୍ତ ହେବେ । ଉପହାର ସ୍ବରୁପ କୌଣସି ଦାମୀ ରତ୍ନ ଆପଣଙ୍କୁ ପ୍ରାପ୍ତ ହୋଇପାରେ । ଦୁଃସାହସିକ କାର୍ଯ୍ୟ କରିବାରେ ସଫଳ ହେବେ । ପତି-ପତ୍ନୀ କିମ୍ବା ପ୍ରେମିକ-ପ୍ରେମୀକାଙ୍କ ମଧ୍ୟରେ ଲାଗି ରହିଥିବା ବିବାଦର ସମାଦାନ ହେବ । ବିଦେଶ ଯାତ୍ରା କରିପାରନ୍ତି ।
ତୁଳା: ଆପଣ ବର୍ତ୍ତମାନ ସୌଭାଗ୍ୟର ଦିନ ଦେଇ ଗତି କରୁଛନ୍ତି । କାରଣ ଆପଣଙ୍କ ରାଶିରେ ସୂର୍ଯ୍ୟଦେବ ଚଳନ କରୁଛନ୍ତି । ସୂର୍ଯ୍ୟଙ୍କ ଶୁଭଦୃଷ୍ଟି ସାଙ୍ଗକୁ ମା' କାଳୀଙ୍କ ଆଶୀର୍ବାଦ ଆପଣଙ୍କ ଉପରେ ରହିବ । ଫଳରେ ଘରେ ସୁଖ ସମୃଦ୍ଧି ସହ ଧନର ଆଗମନ ହେବ । ପରିବାର ମଧ୍ୟରେ ଖୁସିର ବାତାବରଣ ପରିଲକ୍ଷିତ ହେବ । ଯାନ, ଜମି କିମ୍ବା ଅନ୍ୟ ମୂଲ୍ୟବାନ ଧାତୁ ପ୍ରାପ୍ତ କରିପାରନ୍ତି । ବିବାହ ସ୍ଥିର ହୋଇପାରେ । ସ୍ବାସ୍ଥ୍ୟରେ ଉନ୍ନତି ହେବ । ଦାମ୍ପତ୍ୟ ଜୀବନରେ ନୂତନ ସତେଜତା ଆସିବ । ସ୍ଥଗିତ କାର୍ଯ୍ୟ ଗତିଶୀଳ ହେବ । ଯେଉଁ କାର୍ଯ୍ୟରେ ହାତ ଦେବେ ସଫଳତା ସାଉଁଟିବେ ।
କୁମ୍ଭ: ଦୀପାବଳୀ ଠାରୁ ଆପଣଙ୍କ ରାଶିରେ ଗ୍ରହମାନେ ଶକ୍ତିଶାଳୀ ହେବେ । ଲାଗି ରହିଥିବା ବିବାଦର ସମାଧାନ ସହ ଆପଣ ବିଜୟୀ ହେବ । ଚାକିରି ଆଶାୟୀମାନଙ୍କୁ ମନ ପସନ୍ଦର ଚାକିରି ମିଳିବ । ମାତ୍ର ଏହା ଘରଠାରୁ ଦୂରରେ ମିଳିପାରେ । କର୍ମସ୍ଥଳରେ ପଦୋନ୍ନତି ଓ ବେତନ ବୃଦ୍ଧି ହେବାର ଯଥେଷ୍ଟ ସମ୍ଭାବନା ରହିଛି । ଟଙ୍କା ପଇସାକୁ ନେଇ ଘରେ ଲାଗି ରହିଥିବା ସମସ୍ୟାର ସମାଧାନ ହେବ । ରାଜନୀତି ସହ ଜଡ଼ିତ ବ୍ୟକ୍ତି ସଫଳତା ପାଇବେ । ପୈତୃକ ସମ୍ପତ୍ତିରୁ ଆର୍ଥିକ ଭାବରେ ଉପକୃତ ହେବେ । ଶାରୀରିକ ଓ ମାନସିକ ସ୍ୱାସ୍ଥ୍ୟ ଭଲ ରହିବ ।
